ഫെമിനിസ്റ്റിനോടു ചോദിക്കാം
നമസ്കാരം മാഡം. ബെര്ളിത്തരങ്ങള് എന്ന ബ്ലോഗിലെ അസംഖ്യം വനിതാറിപ്പോര്ട്ടര്മാരില് ഒരാളാണ് ഞാന്. പെട്ടെന്നൊരു ഇന്റര്വ്യൂ കിട്ടിയാല് ഉപകാരമായി. നേരിട്ടു ചോദ്യങ്ങളിലേക്കു കടക്കാം. മാഡം ഒരു സ്ത്രീപക്ഷവാദിയാണല്ലോ. എന്താണ് സ്ത്രീപക്ഷവാദം എന്നതുകൊണ്ട് ഉദ്ദേശിക്കുന്നത് ?
ബേസിക്കലി, ഞാന് ഒരു മൈക്രോന്യൂറോറിസേര്ച്ച് സയന്റിസ്റ്റാണ്. അതുകൊണ്ട് തന്നെ സ്ത്രീകളുടെ വിവിധ പ്രശ്നങ്ങളില് എനിക്ക് അപാരമായ പാണ്ഡിത്യമുണ്ട്. സാഹിത്യം, സിനിമ,കല തുടങ്ങിയ മേഖലകളിലും ഞാന് കഴിഞ്ഞിട്ടേ ഉള്ളൂ. പോരാത്തതിന് ഞാന് നല്ലൊരു ഫോട്ടോഗ്രാഫറുമാണ്. ഞാനെടുത്തിട്ടുള്ള പടങ്ങള് കണ്ട് എത്രയാ ഓര്ക്കുട്ടില് ഫ്രണ്ട്സ് റിക്വസ്റ്റുകള് വരാറുള്ളത്.
സ്ത്രീപക്ഷവാദം എന്നു പറഞ്ഞാല് പക്ഷാഘാതം എന്നു പറയുന്നതിന്റെ ലളിതമായ ഒരു വകഭേദമാണ്. സ്ത്രീകളുടെ ഏതെങ്കിലും ഒരു പക്ഷത്ത് അഥവാ ഒരു വശത്ത് ഉണ്ടാവുന്ന വാതമാണ് ഇത്. . ഇത് സീരിയസ്സല്ല എങ്കിലും ചികില്സിക്കേണ്ടതില്ല. ഇതുതന്നെയാണോ ഫെമിനിസം എന്നു ചേദിച്ചാല്, ഇറ്റ് മേ ബി ഡിഫറന്റ്. ആക്ച്വലി ബോത് ആര് സെയിം. സ്്ത്രീപക്ഷവാദം ചെറിയ തരം ഞരമ്പുരോഗമാണ്. എന്നാല് ഫെമിനിസം അങ്ങനെയല്ല. എന്നാല് രണ്ടും ഒന്നുമാണ്.
ഫെമിനിസം ഒരു ഞരമ്പുരോഗമാണെന്നാണോ പറയുന്നത് മാഡം ?
ഞാന് അങ്ങനെ പറഞ്ഞിട്ടില്ല, പറയുകയുമില്ല.
എങ്കില് സ്ത്രീകളിലെ മാഡം പറഞ്ഞ തരത്തിലുള്ള ഞരമ്പുരോഗം എന്താണെന്നു വ്യക്തമാക്കാമോ ?
ബേസിക്കലി, സ്ത്രീകള് രണ്ടു തരക്കാരാണ്. സാധാരണ സ്ത്രീകള്, അസാധാരണ സ്ത്രീകള്. സാധാരണ സ്ത്രീകള് എന്നു പറയുന്നത് നമ്മള് കാണുന്ന അമ്മയായും കാമുകിയായും ഒക്കെ വേഷം കെട്ടി കല്യാണം കഴിച്ച്, പ്രസവിച്ച്, മക്കളെ വളര്ത്തി ജീവിച്ചു മരിക്കുന്ന പാവങ്ങള്. അത്തരക്കാരാണ് കൂടുതല്.
അസാധാരണ സ്ത്രീകള് എന്നെപ്പോലെ, ഇന്ദിരാ ഗാന്ധിയെപ്പോലെ, മദര് തെരേസയെപ്പോലെ, തസ്ലിമ നസ്രിനെപ്പോലെ പ്രതിഭാധനരായിരിക്കും. അവര് എവിടെ ജീവിച്ചാലും അവരുടെ പ്രതിഭ അവര്ക്കു ചുറ്റും ഒരു പ്രഭാവലയം തീര്ത്തുകൊണ്ടിരിക്കും. അവര് ഒരു സാധാരണ ജീവിതം ജീവിക്കുന്നുണ്ടോ ഇല്ലയോ എന്നതൊന്നും പ്രസക്തമല്ല.
ഞരമ്പുരോഗികളായ സ്ത്രീകള് എന്നതുകൊണ്ടുദ്ദേശിച്ചത് മറ്റൊരു കൂട്ടരാണ്. ഇവര്ക്ക് ഒരു സാധാരണ സ്ത്രീയായി ജീവിക്കാന് താല്പര്യമില്ല, എന്നാല് ഒരു അസാധാരണ സ്ത്രീയ്ക്കു വേണ്ട ഗുണങ്ങളുമില്ല. എന്നാല് തങ്ങള് അസാധാരണപ്രതിഭകളാണെന്നു സ്വയം ഭാവിച്ചു ജീവിക്കുകയാണ് ഇവര് ചെയ്യുന്നത്. ഇത്തരക്കാരില് ചിലര് ഫെമിനിസ്റ്റുകളാവാറുണ്ട്.
ഞരമ്പുരോഗം നമ്മുടെ വിഷയമല്ല, ഞങ്ങളുടെ എംഡി തന്നെ ഒരു ഞരമ്പുരോഗിയായതുകൊണ്ട് അത്തരം വിഷയങ്ങള് സംസാരിക്കരുതെന്ന് പറഞ്ഞിട്ടുണ്ട്. നമുക്ക് ഫെമിനിസത്തെക്കുറിച്ച് മാത്രം സംസാരിക്കാം. മാഡം ഒരു ബ്ലോഗര് കൂടിയാണല്ലോ. ബ്ലോഗില് എങ്ങനെയാണ് ഫെമിനിസം നടപ്പാത്തുന്നത് ?
പുരുഷാധിപധ്യത്തിനെതിരെ എങ്ങനെ പോരാടും ?
ബ്ലോഗിലെന്നല്ല എവിടെയും പുരുഷനെതിരെ പോരാടാന് നമ്മള് പുരുഷനെയാണുപയോഗിക്കേണ്ടത്. പോയി അടിക്കെടാ എന്നു പറഞ്ഞാല് അടിക്കുന്ന കക്ഷികള് നമ്മുടെ കയ്യിലുണ്ടാവണം. അല്ലെങ്കില് അത്തരക്കാരെ ഉണ്ടാക്കിയെടുക്കണം. ചെറുകിട ഞരമ്പുകളാണ് ഇതിനു പറ്റിയത്. അതായത് നമ്മളോട് അത്യാവശ്യം സംസാരിക്കുന്നതിലും ചാറ്റ് ചെയ്യുന്നതിലും ഒക്കെ സന്തോഷം കണ്ടെത്തുന്ന പാവങ്ങള്. നമുക്കു വേറെ മുടക്കില്ലല്ലോ, അതങ്ങ് സാധിച്ചു കൊടുത്തേക്കണം. നമ്മള് പറയുന്നിടത്ത് ഇവനൊക്കെ നമ്മള് പറയുന്ന കമന്റിടും.
എങ്ങനെയാണ് ഇങ്ങനെ ആണുങ്ങളെ വളച്ചെടുക്കുന്നത് ?
വളച്ചെടുക്കുകയല്ല; സ്വാഭാവികമായി വളയുകയാണ്. ആണുങ്ങള് പൊതുവേ പഴുപ്പിച്ച ഇരുമ്പുകമ്പി പോലെയാണ്. നമുക്കു ധൈര്യമുണ്ടെങ്കില് വളച്ച് ഏത് ഷേപ്പിലുമാക്കാം. തണുപ്പന്മാരില്ലെന്നല്ല. അവന്മാരെ ആണുങ്ങളായിട്ടേ കൂട്ടരുത്. ചുമ്മാ അവോയ്ഡ് ചെയ്തോണം. നമ്മളെ ബഹുമാനിക്കുന്നവരേം നമ്മളോട് കൂറു കാണിക്കുന്നവരേം മാത്രം തഴുകിത്തലോടുക. മറ്റവന്മാരെ മൈന്റ് ചെയ്യാതിരിക്കുക. സംഗതികള് നമ്മുടെ വഴിക്ക് വരും.
സ്ത്രീപ്രശ്നങ്ങളില് എങ്ങനെയാണിടപെടുന്നത് ?
എന്ത് സ്ത്രീപ്രശ്നം ? ഇതൊക്കെ ഒരു തട്ടിപ്പല്ലേ. ഉദാഹരണത്തിന് ഒരു സിനിമയിലെ നായികയെ നായകന് അടിക്കുന്നു. അതേറ്റുപിടിച്ചോണം. അതെച്ചൊല്ലി ദിവസവും ചര്ച്ചകള്, ബഹളങ്ങള്, ഭീഷണികള്, മതി ജനം വിരണ്ടോളും. അല്ലാതെ ജെനുവിനായിട്ടുള്ള ഒന്നിലും ഇടപെടരുത്. അങ്ങനെ ഇടപെടാനായിരുന്നെങ്കില് നമ്മളൊക്ക സ്വന്തം പ്രശ്നങ്ങള് പരിഹരിക്കില്ലേ ?
ഫെമിനിസ്റ്റ് എന്ന നിലയില് സ്വന്തം ജീവിതം എങ്ങനെയാണ് ?
വളരെ സന്തോഷപ്രദമാണ്. രാവിലെ 5 മണിക്ക് എണീക്കും. അടുക്കളജോലികള് എല്ലാം തീര്ക്കും. ഏഴരയാവുമ്പോഴേക്കും പാലും പത്രവും വാങ്ങി വരും. എട്ടു മണിക്കു ചേട്ടനെണീക്കുമ്പോള് ബെഡ്കഫിയുമായി അടുത്തുണ്ടാവും ഞാന്. അതാണ് ,സ്ത്രീയുടെ ശക്തി. പിന്നെ വെള്ളം ചൂടാക്കലായി, കാപ്പിയുണ്ടാക്കലായി, ഡ്രസ് അയണ് ചെയ്യലായി.. ഒന്പത് മണിക്ക് ചേട്ടനിറങ്ങാന് നേരത്ത് എല്ലാം റെഡിയാക്കി വച്ചിരിക്കും ഞാന്.. അതാണ് സ്ത്രീയുടെ ശക്തി.. പകലൊക്കെ ചേട്ടന്റെ തുണികളൊക്കെ അലക്കി, വീട് അടിച്ചുവാരി..ക്ലിയറാക്കി വയ്ക്കും.
രാത്രി 10 മണിക്ക് ചേട്ടന് വരുമ്പോള് കൂട്ടുകാരും ഉണ്ടാവും കൂടെ.. ഒറ്റയെണ്ണത്തിനെ ഞാനകത്ത് കയറ്റില്ല.. മുറ്റത്ത് മാവിന്ചുവട്ടിലിരിക്കുന്നതാണവര്ക്കിഷ്ടം.. ചിക്കനോ ബീഫോ എന്തെങ്കിലും റെഡിയാക്കി വെള്ളവും സോഡയും റെഡിയാക്കി വച്ചിട്ടുണ്ടാവും ഞാന്.. അതാണ് സ്ത്രീയുടെ ശക്തി.. ഒരു മണി, രണ്ടു മണിയോടെ പുള്ളിക്കാരന് വന്നു കിടക്കും.. അവിടെയെങ്ങാനും ഛര്ദ്ദിച്ചിട്ടുണ്ടെങ്കില് ഞാനത് അപ്പോള് തന്നെ തുടയ്ക്കും.. അതാണ് സ്ത്രീയുടെ ശക്തി.. ഉറക്കത്തില് എന്നെ ഇടിക്കുന്നത് പുള്ളിയുടെ ഒരു ശീലമാ.. എനിക്കും അതൊരു രസമാ.. സത്യം പറഞ്ഞാല് ഡെയ്ലി നാലെണ്ണം കിട്ടാതെ ഉറങ്ങാന് പോലും പറ്റില്ല..അതാണ് സ്ത്രീയുടെ ശക്തി..
മാഡം ഒരു ചോദ്യം കൂടി..
അയ്യോ.. ഇനി പറ്റില്ല.. ഇന്നലെ രാത്രി കുടിക്കാന് വന്ന ചേട്ടന്റെ ഒരു കൂട്ടുകാരന് ഓവറായപ്പോള് ഊരിയിട്ടിട്ടുപോയ ഒരണ്ടര്വെയര് അലക്കാന് കിടപ്പുണ്ട്.. പെട്ടെന്നലക്കിയിട്ടോട്ടെ.. ഇല്ലെങ്കില് ഇന്നും കിട്ടും..
