ഒരു സെക്യുലര് മകന് മാണിഗ്രൂപ്പ് ഫാദറിനെഴുതിയ കത്ത്
സ്നേഹനിധിയായ അപ്പച്ചാ,
എന്തൊക്കെയുണ്ടപ്പച്ചാ വിശേഷങ്ങള് ? സുഖം തന്നെയല്ലേ ? വീട്ടിലേക്ക് ഞാന് വന്നിട്ട് അഞ്ചു വര്ഷമായെങ്കിലും എല്ലാ ദിവസവും ഞാന് അപ്പച്ചനെക്കുറിച്ച് ഓര്ക്കാറുണ്ടായിരുന്നു. അപ്പച്ചന് ഷുഗര് നോക്കുന്ന യന്ത്രം വാങ്ങാനെന്നു പറഞ്ഞ് അമ്മച്ചിയുടെ കയ്യില് നിന്ന് അയ്യായിരം രൂപയും വാങ്ങി ഇറങ്ങിപ്പോന്ന പോക്കാണ്. ഇപ്പോള് ഷുഗറൊക്കെ എങ്ങനെയുണ്ടപ്പച്ചാ ? സൂസമ്മയാന്റിക്കും ഷീലച്ചേച്ചിക്കും ഒക്കെ സുഖമല്ലേ ? കഴിഞ്ഞ കോളജ് ഇലക്ഷന് കാലത്ത് ഷീലച്ചേച്ചിയുടെ കോളജില് ഒരു സമരവുമായി പോയവഴി എന്റെ കൂടെയുണ്ടായിരുന്നവര് ചേച്ചീടെ മാരുതി സെന്നിന്റെ ചില്ലുപൊട്ടിച്ച [...]
