എ.ആര്.റഹ്മാന് ചിട്ടപ്പെടുത്തിയ കോമണ്വെല്ത്ത് ഗെയിംസിന്റെ തീംസോങ് പോര എന്ന് ബോര്ഡ് അംഗം വി.കെ.മല്ഹോത്ര തന്നെ പറഞ്ഞിരിക്കുന്ന സാഹചര്യത്തില് എന്തൊക്കെയാണ് തീം സോങ്ങിന്റെ തകരാറുകള് എന്നു കണ്ടെത്താനുള്ള എളിയ ശ്രമമാണ് ഞാന് നടത്തുന്നത്.
എലിമിനേഷന് റൗണ്ടു കഴിയുന്ന രാവുകളില് കരഞ്ഞു കരഞ്ഞു തളര്ന്നുറങ്ങുന്ന പ്രേക്ഷകര് ഇനിയും മനസാക്ഷി നഷ്ടപ്പെട്ടിട്ടില്ലാത്ത ഒരു സമൂഹത്തിന്റെ പ്രതീകമാണ്.സ്വവര്ഗാനുരാഗികളുടെ എലിമിനേഷന് റൗണ്ടുകളില് എതിര്ലിംഗാനുരാഗി ചിരിക്കുമോ കരയുമോ ?
അത്രയേറെ വെറുക്കുന്ന ബോറടിപ്പിക്കുന്ന ഒരു ഗാനം ആളുകള് പലതവണ ആവര്ത്തിച്ചു കാണുമോ ? സില്സില മലയാളത്തിലെ ഏറ്റവും നികൃഷ്ടമായ സംഗീത ആല്ബമാണ് എന്ന വിശേഷണം പാടെ തെറ്റായിരുന്നു എന്ന് അതിന്റെ വിജയം തന്നെ തെളിയിക്കുന്നു. മറിച്ച്, മലയാളത്തിലെ ഏറ്റവും വ്യത്യസ്തമായ ആല്ബമാണ് സില്സില.
കാലം കാത്തുകാത്തിരുന്ന സിനിമ ‘രാവണ്’ റിലീസ് ചെയ്ത് ആദ്യറിപ്പോര്ട്ടുകള് പുറത്തുവന്നിരിക്കുന്ന സാഹചര്യത്തില് ഒരേയൊരു ചോദ്യമാണ് ആദ്യം ഉയരുന്നത് ? രാവണ് കാണണോ വേണ്ടയോ ? നിസ്സംശയം പറയാവുന്ന ഉത്തരം കാണണം എന്നാണ്. എങ്കില് അടുത്ത ചോദ്യം, ഏതാണ് കാണേണ്ടത് ? ഹിന്ദിയോ തമിഴോ ? അതിനും ഉത്തരം ക്ലിയര് – തമിഴേ കാണാവൂ !
പണ്ട് ഒരു പുത്തഞ്ചേരിക്കാരന് ചെക്കന് വീട്ടില് നിന്നു അമ്മ കൊടുത്തയച്ച സഞ്ചിയും പണവുമായി പച്ചക്കറി വാങ്ങാന് പോയതാണ്. പോയവഴിയില് ടൌണില് യേശുദാസിന്റെ ഗാനമേള. പച്ചക്കറിയുടെ കാര്യം മറന്ന് ഗാനമേള തീരുവോളം ചെക്കനവിടെ നിന്നു. ഒടുവില് പച്ചക്കറിയുമായി വീട്ടില് ചെല്ലുമ്പോള് അമ്മമഴക്കാര് ഉരുണ്ടുകൂടിയിരുന്നു. അന്നു വഴക്കു കേട്ട കഥ പലതവണ പറഞ്ഞ സുഹൃത്തിന്റെ ഓര്മയില് ആ മഹാഗായകന് ഇന്നലെ പതിനായിരങ്ങള്ക്കു മുന്നില് പിന്നെയും മൈക്ക് എടുത്തു. നിറകണ്ണുകളോടെ നെഞ്ചു പൊട്ടി പാടി: അമ്മമഴക്കാറിനു കണ്നിറഞ്ഞു, ആ കണ്ണീരില് ഞാന് [...]
ഓസ്കര് പെരുന്നാള് കഴിഞ്ഞ് എല്ലാവരും പോയി. നമുക്കാര്ക്കും ഒന്നുമില്ലാത്തതുകൊണ്ട് വലിയ ആവേശമില്ലാതെ ഇന്ത്യ ഓസ്കറിനെ നിര്ദ്ദയം വിട്ടു കളഞ്ഞു. നമുക്ക് അവാര്ഡ് നോമിനേഷനോ അവാര്ഡോ കിട്ടുമ്പോള് മാത്രം ഓസ്കര് ലോകോത്തരവും അല്ലാത്തപ്പോള് ഹോളിവുഡ് പടങ്ങള്ക്കുള്ള കൂതറ അവാര്ഡും ആണ്. ബുദ്ധിജീവികളാരും ഈ വര്ഷത്തെ ഓസ്കറിനെപ്പറ്റി ഒന്നും മിണ്ടിയില്ല. ഏതാനും ഫെമിനിസ്റ്റുകള് മാത്രം എന്തൊക്കെയോ മണ്ടത്തരങ്ങള് പറഞ്ഞിട്ടുപോയതല്ലാതെ വിവരമുള്ള ആരും ഇതെപ്പറ്റി എന്തെങ്കിലും പറഞ്ഞതായി കണ്ടില്ല.
എ.ആര്.റഹ്മാന് ഈ വര്ഷം നോമിനേഷന് പോലും ലഭിച്ചില്ല എന്നത് നിരാശാജനകമാണ്. കപിള്സ് റിട്രീറ്റിലെ [...]
യേശുദാസിനെപ്പോലെ പാടാനല്ല യേശുദാസാകാനായിരുന്നു പഠിക്കുന്ന കാലത്ത് ഗിരീഷ് പുത്തഞ്ചേരിയുടെ മോഹം. അതു നടക്കില്ല എന്നുറപ്പായപ്പോള് വയലാറാകാന് മോഹിച്ചു. പ്രണയവാര്തിങ്കള് പരന്നൊഴുകുന്ന ഗിരീഷ് പുത്തഞ്ചേരിയുടെ വരികളോട് സല്ലപിക്കാതെ മലയാള സിനിമാഗാനങ്ങള്ക്ക് മുന്നോട്ടുപോകാനാകില്ല. മലയാളചലച്ചിത്രഗാനശാഖയ്ക്ക് വാര്ധക്യം ബാധിക്കാതെ നിന്നത് ഗിരീഷ് ഒരാളുടെ പരീക്ഷണങ്ങള് കൊണ്ടായിരുന്നു. ഇനിയും പുതിയ പാട്ടെഴുത്തുകാര് വരും, അറിയാവുന്ന വാക്കുകള് കൂട്ടിവച്ച് ഗാനങ്ങളുണ്ടാക്കും. പക്ഷെ, പാട്ടിന്റെ ആദ്യവരികള് കൊണ്ട് ഇത് ഗീരീഷിന്റെ പാട്ടാണ് എന്ന് ആസ്വാദകരെ കൊണ്ട് പറയിപ്പിച്ചിരുന്ന കാലം അവസാനിക്കുന്നു. എഴുത്തിന്റെ ഒഴുക്കില് നിന്ന് ഗിരീഷ് [...]
ഇതിനപ്പുറം മദ്രാസിന്റെ ‘കൂതറ’ സംഗീതകാരന്റെ വിമര്ശകര്ക്ക് കാലം മറുപടി നല്കാനില്ല. എ.ആര്.റഹ്മാന് എന്ന സാധാരണക്കാരന്റെ സംഗീതചക്രവര്ത്തിയെ ലോകം ശിരസ്സിലേറ്റുമ്പോള് പാരമ്പര്യസംഗീതത്തിന്റെ കാത്തുസൂക്ഷിപ്പുകാര്ക്ക് ഉത്തരമില്ലാതായേക്കാം. തട്ടുപൊളിപ്പന് സംഗീതമെന്നു മുദ്രചാര്ത്തി വില കുറഞ്ഞതെന്തോ ആയി അപഹസിച്ചത് കാലഘട്ടത്തിന്റെ, തലമുറയുടെ സംഗീതമായിരുന്നു എന്നു തിരിച്ചറിയുമ്പോള് റഹ്മാന്റെ ഗാനങ്ങള് നിലനില്ക്കില്ല എന്നാണയിട്ടു പറഞ്ഞവര് വിസ്മരിക്കപ്പെട്ടിട്ടും റഹ്മാനിയ പടരുകയാണ്, ലോകത്തിന്റെയും കാലത്തിന്റെയും അതിരുകള്ക്കപ്പുറത്തേക്ക്.
സംഗീത ലോകത്തെ ഏറ്റവും വലിയ പുരസ്ക്കാരമായി കരുതപ്പെടുന്ന ഗ്രാമി അവാര്ഡുകളില് രണ്ടെണ്ണം നേടിയ റഹ്മാന്റെ ‘ജയ്ഹോ’ ഇതോടെ [...]
സംസ്ഥാന സ്കൂള് കലോല്സവ ചരിത്രത്തിലെ ഏറ്റവും വലിയ കലോല്സവമായ അന്പതാമത് കേരള സ്കൂള് കലോല്സവത്തിന് കോഴിക്കോട്ട് ഇന്നു തിരി തെളിയുന്നു. ഒരു ഇവന്റ് എന്നതിലുപരി ഇക്കാലമത്രയും കലോല്സവങ്ങളില് പ്രതിഭയുടെ മാറ്റുരച്ച പതിനായിരക്കണക്കിന് കലാകാരന്മാരുടെ നെഞ്ചില് ഉറക്കമൊഴിഞ്ഞ കലാരാവുകളുടെ തുടിപ്പുകള് വീണ്ടുമുയരും. പതിനെട്ടടവും പിന്നെ അപ്പീല് പ്രളയവും പതിനായിരം ചുറ്റിക്കളികളും കലോല്സവത്തിന്റെ സൈഡ് ഡിഷുകളാണ്. എല്ലാം അറിയാന്, ആസ്വദിക്കാന് ലോകമെങ്ങുമുള്ള മലയാളികള്ക്ക് കോഴിക്കോട്ടേക്കു സ്വാഗതം.
1957 ല് ആരംഭിച്ച സംസ്ഥാന സ്കൂള് യുവജനോല്സവം 2010ല് അന്പത് വര്ഷം പൂര്ത്തിയാക്കുമ്പോള് [...]
ഒരു ഹോളിവുഡ് സിനിമ പോലെ അവിശ്വസനീയമായ ജീവിതം മലയാളിയുടെ പ്രാരാബ്ധ കൊട്ടകയില് ഓടിച്ചു വിജയിപ്പിച്ചു കാണിച്ച റസൂല് പൂക്കുട്ടി(38) 2009ന്റെ താരം. കേരളത്തിന്റെ, മലയാളത്തിന്റെ എന്നതിന്റെ അപ്പുറം ഇന്ത്യയുടെ പ്രതീക്ഷയായി റസൂല് പൂക്കുട്ടിയുയര്ന്നു. ഒറ്റ ദിവസം കൊണ്ട് വാനോളം വളര്ന്ന മറ്റൊരു താരം മലയാളത്തിനില്ല. ഒരു വര്ഷം മുമ്പ് ആരും അറിയാതിരുന്ന റസൂല് പൂക്കുട്ടി ഇന്ന് വലിയൊരു നക്ഷത്രമാണ്. മലയാളത്തിന്റെ പെരുമ ലോകത്തോളം എത്തിച്ച അതുല്യ പ്രതിഭ.
കൊല്ലം അഞ്ചല് സ്വദേശിയായ റസൂല് മികച്ച ശബ്ദമിശ്രണത്തിലൂടെ [...]
ഐഎസ്ഐ മാര്ക്കുള്ള ചിരിയുടെ അംഗീകൃത വിതരണക്കാരായിരുന്നു ഇവര്. കള്ളച്ചിരിയുള്ള ഒരു പള്ളീലച്ചനും തല തതെറിച്ച കുറെ പയ്യന്മാരും. മിമിക്സ് പരേഡ് എന്ന ചിരിയുടെ മാലപ്പടക്കം ഓര്മകളില് എപ്പോഴും കൊരുത്തിട്ടിരിക്കുന്നത് ഈ പേരിന്റെ കരുത്തിലാണ്- കൊച്ചിന് കലാഭവന്. മിമിക്രിക്കാരനെ സംബന്ധിച്ചിടത്തോളം സര്ക്കാര് ജോലിയായിരുന്നു കലാഭവന് ട്രൂപ്പിലെ അംഗത്വം. ചിരിയുടെ തുടക്കം എന്നും കലാഭവനില് നിന്നായിരുന്നു. ആബേലച്ചനുള്ളിടത്തോളം കേരളത്തില് കലാഭവന് ഒരു ശക്തിയായിരുന്നു, തരംഗമായിരുന്നു, ഉറച്ച ചില വിശ്വാസങ്ങളായിരുന്നു. അച്ചനും കുട്ടികളും രാജ്യാന്തരനിലവാരമുള്ള ഒരു ബ്രാന്ഡായി ലോകരാജ്യങ്ങളില് ജൈത്രയാത്ര നടത്തുമ്പോഴും [...]
BloggingStream by 
