ബെര്‍ളിത്തരങ്ങള്‍

സഖാവ് യേശുക്രിസ്തുവാണ് ലോകത്തിലെ ആദ്യമല്‍സ്യത്തൊഴിലാളി നേതാവെന്ന് മന്ത്രി എം.എബേബി. പിണറായി മുഖ്യമന്ത്രി ആയിരുന്നെങ്കില്‍ കേരളം രക്ഷപെട്ടുപോയേനെ എന്നു ക്യാപ്റ്റന്‍ കൃഷ്ണന്‍ നായര്‍. സനാതനക്രൈസ്തവ നികൃഷ്ടജീവികള്‍ എങ്ങനെ രക്ഷപ്രാപിക്കും ?

സ്ത്രീകളുടെ ശക്തി എന്താണെന്ന് ലോകം തിരിച്ചറിയുന്ന ഒരു നാള്‍ വരുമെന്നും അന്ന് പുരഷമേധാവിത്വസമൂഹം സ്ത്രീകളുടെ കാലുപിടിക്കാന്‍ ഓടി നടക്കുമെന്നും ഒരു ഫെമിനിസ്റ്റ് പറഞ്ഞതായി ഓര്‍ക്കുന്നു. ഇതാ ആ സുദിനം വന്നു കഴിഞ്ഞു.

വ്യാപാരികളെല്ലാം കൂടി വോട്ടിന്‍റെ കാര്യത്തില്‍ ഒരുറച്ച തീരുമാനമെടുത്താല്‍ സംഗതി മാറും. കേരളം ഇസ്ലാമിക് സ്റ്റേറ്റ് ആകുമെന്ന് പേടിച്ചിരിക്കുന്ന മുഖ്യമന്ത്രി പഴയ ഇറ്റലിയും പോര്‍ചുഗലും മെസെപ്പെട്ടോമിയയും പോലെ കേരളം ഒരു കച്ചവട സംസ്ഥാനമാകുമെന്ന് കൂടി ദുസ്വപ്നം കണ്ടു തുടങ്ങേണ്ടിയിരിക്കുന്നു.

ഹൈക്കോടതി അടുത്ത തിരഞ്ഞെടുപ്പില്‍ മല്‍സരിച്ചാല്‍ കേരളത്തിലെ കംപ്ലീറ്റ് സീറ്റുകളും പിടിക്കും. ചീഫ് ജസ്റ്റിസിനു മുഖ്യമന്ത്രിയുമാവാം. അമിതരാഷ്ട്രീവല്‍ക്കരിക്കപ്പെട്ട ഭരണപക്ഷവും നട്ടെല്ലില്ലാത്ത പ്രതിപക്ഷവും പാമ്പും കോണിയും കളിക്കുമ്പോള്‍ ജനത്തെ കൈവിടാത്ത കോടതിയ്ക്ക് ഒരു വോട്ട് !

മുഖ്യമന്ത്രിയുടെ ഡ്രൈവര്‍ക്കു പനി പിടിച്ചു എന്ന വാര്‍ത്ത മാധ്യമസൃഷ്ടിയാണെന്നു പറയേണ്ടതിനു പകരം പനി പിടിച്ചതാണ് എന്നു സമ്മതിക്കുക വഴി മുഖ്യമന്ത്രി കൊടിയ വഞ്ചനയാണ് നടത്തിയിരിക്കുന്നത്. പാര്‍ട്ടിക്കും ആരോഗ്യമന്ത്രിക്കും ചീത്തപ്പേരുണ്ടാക്കിയ ഡ്രൈവറെ പിരിച്ചുവിട്ട് മുഖ്യമന്ത്രി മാതൃക കാട്ടണമെന്നാണ് എനിക്ക് അപേക്ഷിക്കാനുള്ളത്. ജനങ്ങളുടെ ആരോഗ്യത്തെ ബാധിക്കുന്ന തരത്തില്‍ മഴ അനുവദിച്ച കേന്ദ്ര സര്‍ക്കാരിനെതിരെ (കാലാവസ്ഥാ നിരീക്ഷണ കേന്ദ്രവും കോണ്‍ഗ്രസ് നേതൃത്വവും തമ്മിലുള്ള ഒത്തുകളിയാണ് മഴയ്ക്കു പിന്നില്‍) വരുന്ന വെള്ളിയാഴ്ച സംസ്ഥാനതല ഹര്‍ത്താല്‍ ആചരിക്കണമെന്നും ഞാന്‍ ആഹ്വാനം ചെയ്യുന്നു.

മലയാള സിനിമയുടെ തകര്‍ച്ചയുടെ പ്രതീകമായിരിക്കാം ശ്രീനാഥ്. സൂപ്പര്‍ താരങ്ങളൊഴികെ മറ്റ് അഭിനേതാക്കളൊക്കെ ഇവിടെ പ്രതിസന്ധിയിലാണ്. ചെറിയ ചെറിയ വേഷങ്ങള്‍ അവരുടെ സാന്നിധ്യം ഉറപ്പിക്കുന്നതിലപ്പുറം ജീവിച്ചു പോകുന്നതിനുള്ള പ്രതിഫലം കണ്ടെത്തുന്നതിനുള്ള മാര്‍ഗം കൂടിയാണെന്നത് കോടികള്‍ എണ്ണി വാങ്ങി മാത്രം ശീലമുള്ള സൂപ്പറുകള്‍ക്ക് മനസ്സിലാവില്ല. ഓരോ നടനും മരിക്കുമ്പോള്‍ വന്നു റീത്ത് വച്ചു പോകുന്ന സൂപ്പറുകള്‍ തങ്ങള്‍ക്കു മരണമില്ല എന്നു കരുതുന്നുണ്ടാവണം.
ആത്മഹത്യ ഒന്നിനും ഒരു പരിഹാരമല്ല എന്നതു വേറെ കാര്യം. ശ്രീനാഥിന്‍റെ ആത്മഹത്യ മലയാള സിനിമയിലെ താരാധിപത്യം അവസാനിപ്പിക്കുമെന്നോ [...]

കേരളത്തില്‍ നടന്ന ഉപതിരഞ്ഞെടുപ്പ് കോണ്‍ഗ്രസിനും യുഡിഎഫ് വര്‍ഗീയ ശക്തികള്‍ക്കും വന്‍ തിരിച്ചടിയായി. മൂന്നു സീറ്റുകളിലും സിപിഎം സ്ഥാനാര്‍ഥികള്‍ തോറ്റെങ്കിലും യുഡിഎഫിന്റെ ഭൂരിപക്ഷത്തിലുണ്ടായ ഇടിവ് യുഡിഎഫിനെ ജനം വെറുക്കുന്നു എന്നതിന്റെ തെളിവാണ്. യുഡിഎഫ് സീറ്റുകളിലാണ് ഇടതു സ്ഥാനാര്‍ഥികള്‍ ഈ നേട്ടം ഉണ്ടാക്കിയിരിക്കുന്നതെന്നോര്‍ക്കണം. വെറും സാങ്കേതികവിജയം മാത്രം നേടിയ യുഡിഎഫ് മൂല്യാധിഷ്ഠിതപരാജയം ഏറ്റുവാങ്ങിയിരിക്കുകയാണ്. സിപിഎമ്മിന്റെ പ്രാധാന്യം കുറഞ്ഞെന്ന മട്ടില്‍ നടന്ന പ്രചാരണങ്ങള്‍ക്കു വന്‍ തിരിച്ചടിയായിരിക്കുകയാണ് കണ്ണൂര്‍, എറണാകുളം, ആഴപ്പുഴ തിരഞ്ഞെടുപ്പു ഫലങ്ങള്‍.
ജനാധിപത്യ പ്രക്രിയയില്‍ ജയവും തോല്‍വിയുമല്ല ജനങ്ങളുടെ പ്രതികരണമാണ് [...]

സ്നേഹനിധിയായ അപ്പച്ചാ,
എന്തൊക്കെയുണ്ടപ്പച്ചാ വിശേഷങ്ങള്‍ ? സുഖം തന്നെയല്ലേ ? വീട്ടിലേക്ക് ഞാന്‍ വന്നിട്ട് അഞ്ചു വര്‍ഷമായെങ്കിലും എല്ലാ ദിവസവും ഞാന്‍ അപ്പച്ചനെക്കുറിച്ച് ഓര്‍ക്കാറുണ്ടായിരുന്നു. അപ്പച്ചന് ഷുഗര്‍ നോക്കുന്ന യന്ത്രം വാങ്ങാനെന്നു പറഞ്ഞ് അമ്മച്ചിയുടെ കയ്യില്‍ നിന്ന് അയ്യായിരം രൂപയും വാങ്ങി ഇറങ്ങിപ്പോന്ന പോക്കാണ്. ഇപ്പോള്‍ ഷുഗറൊക്കെ എങ്ങനെയുണ്ടപ്പച്ചാ ? സൂസമ്മയാന്റിക്കും ഷീലച്ചേച്ചിക്കും ഒക്കെ സുഖമല്ലേ ? കഴിഞ്ഞ കോളജ് ഇലക്ഷന്‍ കാലത്ത് ഷീലച്ചേച്ചിയുടെ കോളജില്‍ ഒരു സമരവുമായി പോയവഴി എന്റെ കൂടെയുണ്ടായിരുന്നവര്‍ ചേച്ചീടെ മാരുതി സെന്നിന്റെ ചില്ലുപൊട്ടിച്ച [...]

ഒരു തിരഞ്ഞെടുപ്പ് കൊണ്ട് അവസാനിക്കുന്നതല്ല ഇന്ത്യയുടെ ജനാധിപത്യം. ജനാധിപത്യത്തിന്റെ ആനുകൂല്യങ്ങളും അവകാശങ്ങളും അനുദിനം അനുഭവിക്കുന്ന ഒരു പൌരനും ആ ജനാധിപത്യത്തിന്റെ അവകാശങ്ങള്‍ പതിച്ചു തരുന്ന മഹത്തായ തിരഞ്ഞെടുപ്പു പ്രക്രിയയെ അട്ടിമറിക്കുന്ന ഒരു വാക്കുരിയാടാന്‍ അവകാശമുണ്ടെന്ന് ഞാന്‍ കരുതുന്നില്ല. വോട്ട് ചെയ്യണോ വേണ്ടയോ എന്നത് ഓരോരുത്തരും സ്വയം തീരുമാനിക്കേണ്ട കാര്യമാണ്. വോട്ടു ചെയ്യാതിരിക്കലാണ് തന്റെ രാഷ്ട്രീയമെന്ന് വിശ്വസിക്കാനുള്ള സ്വാതന്ത്യവും ഈ ജനാധിപത്യം നല്‍കുന്നതാണെന്ന് സൌകര്യം മറക്കുന്നതായിരിക്കാം, വോട്ടു ചെയ്യാതിരിക്കാനുള്ള കാരണങ്ങള്‍ എണ്ണി എണ്ണി പ്രചരിപ്പിക്കുന്ന വിപ്ളവകാരികള്‍.
ഈ തിരഞ്ഞെടുപ്പുകാലത്ത് [...]