ബെര്‍ളിത്തരങ്ങള്‍

ഹഹഹഹഹഹഹഹഹഹഹഹഹഹ.. ! കൊച്ചിന്‍ ഹനീഫയെ അനുകരിക്കുമ്പോള്‍ ഒരു മിമിക്രിക്കാരന്‍ നേരിടുന്ന ഏറ്റവും വലിയ വെല്ലുവിളി ഈ ചിരിയാണ്. ബാക്കിയൊക്കെ ഓകെ. ആസാനേ.. എന്നൊരു നാലു തവണ വിളിച്ച് ടാ പന്നീ.. കുത്തിമലത്തിക്കളയും എന്നൊക്കെ പറഞ്ഞാല്‍ സംഗതി ക്ലീന്‍.
പ്രേക്ഷകരുടെ കൊച്ചിന്‍ ഹനീഫ എന്നും ഈ നിറചിരിയോടെ നമ്മെ കീഴടക്കിയിട്ടേയുള്ളൂ. അദ്ദേഹത്തിന്‍റെ വേര്‍പാടില്‍ സ്ഥിരം ഡയലോഗുകള്‍ കാച്ചി ആ ആത്മാവിനെ ബോറടിപ്പിക്കാന്‍ ‍എനിക്കും ആഗ്രഹമില്ല. ഇതിനോടകം തന്നെ ആ ശരീരം ചില്ലുകൂട്ടില്‍ വച്ചുള്ള റിയാലിറ്റി ഷോയും തലയും വാലുമില്ലാത്ത [...]

അറുപതുകളിലെ മദ്രാസ് നഗരം. പണത്തിനപ്പുറത്ത് മറ്റൊന്നുമില്ലെന്നു വിശ്വസിച്ച ചലച്ചിത്രവ്യവസായത്തിന്റെ ദക്ഷിണേന്ത്യന്‍ ആസ്ഥാനം. ‘ജ്ഞാനസുന്ദരി’ എന്ന മലയാളചിത്രം ബോക്സ് ഒാഫിസില്‍ തകര്‍ന്നതിന്റെ ദുഃഖവുമായി ഇരിക്കുകയായിരുന്നു നിര്‍മാതാവ് ടി.ഇ. വാസുദേവന്‍. ഇന്നത്തെപ്പോലെ പടം പൊളിയുന്നത് സാധാരണവും ഹിറ്റാവുന്നത് അസാധാരണവുമാകുന്ന കാലമല്ല. നിര്‍മാതാവിന് അപ്രതീക്ഷിതമായി ചിത്രത്തിലെ നായകന്റെ ഫോണ്‍ കോള്‍ വന്നു. ” ജ്ഞാനസുന്ദരി തകര്‍ന്നതില്‍ എനിക്കും വിഷമമുണ്ട്. താങ്കളുടെ അടുത്ത ചിത്രത്തില്‍ എനിക്ക് വേഷമുണ്ടെങ്കില്‍ ഞാന്‍ അഭിനയിക്കാന്‍ എത്തിയിരിക്കും. എന്റെ പ്രതിഫലത്തിന്റെ കാര്യം മറന്നേക്കൂ.” ഇങ്ങനെ പറയാന്‍ കഴിയുന്ന ഒരേയൊരു [...]

മലയാള സിനിമ ഒരിക്കലും നന്നാവില്ല. മമ്മൂട്ടി, മോഹന്‍ലാല്‍ തുടങ്ങിയ കിളവന്‍മാര്‍ പുറത്തുപോയാലേ മലയാള സിനിമ രക്ഷപെടൂ. വിവരമുള്ള സംവിധായകരും കഴിവുള്ള എഴുത്തുകാരും ഇല്ലാത്തതാണ് മലയാള സിനിമയുടെ ശാപം. അടൂര്‍ ഗോപാലകൃഷ്ണനെപ്പോലുള്ള ഫ്രോഡുകളും ഉദയകൃഷ്ണ സിബി കെ.തോമസിനെപ്പോലുള്ള നിലവാരമില്ലാത്ത എഴുത്തുകാരും ശ്രീനിവാസനെപ്പോലുള്ള തട്ടിപ്പുകാരുമാണ് മലയാള സിനിമയുടെ ശാപം. തമിഴില്‍ ഇറങ്ങുന്ന സിനിമയൊക്കെ കണ്ടു പഠിക്കണം. തെലുങ്കിലും ഹിന്ദിയിലും വര്‍ഷം എത്ര ഹിറ്റുകളാണ്. 2012, അവതാര്‍ പോലുള്ള ഹോളിവുഡ് സിനിമകള്‍ കാശ് തൂത്തുവാരുകയല്ലേ, മലയാള സിനിമ എന്നു പറയുന്ന കൂതറ [...]

 തിരക്കഥാ വിദ്യാര്‍ഥികള്‍ തീര്‍ച്ചയായും പഠിച്ചിരിക്കേണ്ട തിരക്കഥകളിലൊന്നാണ് ഇവിടം സ്വര്‍ഗമാണ്. മോഹന്‍ലാലിന്റെ ഈ വര്‍ഷം ഇറങ്ങിയതില്‍ ഏറ്റവും മികച്ച ചിത്രം. ഒരു നല്ല സിനിമ, നന്മയുള്ള സിനിമ. അനേകം സിനിമകളിലെ ഘടകങ്ങള്‍ കൂട്ടിയിണക്കി പുതിയതൊന്നു നിര്‍മിക്കുന്ന തിരക്കഥാബോധത്തിന് അപവാദമാണ് ഈ ചിത്രം. റിയല്‍ എസ്റ്റേറ്റ് മാഫിയയോട് ഒരു കര്‍ഷകന്‍ നടത്തുന്ന ഒറ്റയാള്‍ പോരാട്ടത്തിന്റെ കഥ. മോഹന്‍ലാല്‍ എന്ന നടനെ സംബന്ധിച്ച് കനപ്പെട്ട കഥാപാത്രമല്ല ഇത്. എങ്കിലും നേര്‍ത്ത നര്‍മത്തില്‍ ചാലിച്ച ലാലിന്റേതുമാത്രമായ ചില പ്രകടനങ്ങള്‍ ചിത്രത്തിനു മാറ്റു കൂട്ടുന്നു. [...]

രണ്ടേ രണ്ടു സൂപ്പര്‍ ഹിറ്റുകള്‍ ഉള്‍പ്പെടെ തരക്കേടില്ലാതെ ഓടിയ പത്തു ചിത്രങ്ങളുടെ തിളക്കത്തില്‍ മലയാള സിനിമയ്ക്ക് 2009 പരുക്കില്ലാത്ത വര്‍ഷം. ഏറ്റവും അധികം പുതുമുഖ സംവിധായകര്‍ക്ക് അവസരം ലഭിച്ച വര്‍ഷമെന്ന പ്രത്യേകതയും ഈ വര്‍ഷത്തിനുണ്ട്. പുതിയ പരീക്ഷണങ്ങളും കലാമൂല്യമുള്ള ചിത്രങ്ങളും പുതിയ ഒട്ടേറെ പ്രതിഭകളുടെ കടന്നുവരവും ഈ സിനിമാവര്‍ഷത്തെ അനുഗ്രഹീതമാക്കി എന്നു പറയാം. ക്രിസ്മസ് ചിത്രങ്ങള്‍ ഉള്‍പ്പെടെ ഈ വര്‍ഷം ആകെ റിലീസ് ചെയ്ത ചിത്രങ്ങള്‍ 70. 2008ല്‍ ആകെ പുറത്തിറങ്ങിയത് 61 സിനിമകളായിരുന്നു.
പഴശ്ശിരാജയും ടു [...]

പതിന്നാലാമാത് രാജ്യാന്തര ചലച്ചിത്രമേളയ്ക്ക് ഇനി ഒരാഴ്ച കൂടി. സംസ്ഥാന ചലച്ചിത്ര അക്കാദമി സംഘടിപ്പിക്കുന്ന ചലച്ചിത്രമേള 11 മുതല്‍ 18 വരെയാണ് തിരുവനന്തപുരത്ത് നടക്കുന്നത്. ബോളിവുഡ് നടി ഷര്‍മിള ടാഗോര്‍ മുഖ്യാതിഥിയാവുന്ന ഉദ്ഘാടന സമ്മേളനത്തില്‍ ഓസ്കര്‍ ജേതാക്കളായ എ.ആര്‍.റഹ്മാന്‍, റസൂല്‍ പൂക്കുട്ടി, ഗുല്‍സാര്‍ എന്നിവരെ ആദരിക്കും. തുടര്‍ന്നുള്ള ഏഴു ദിവസങ്ങളില്‍ 11 വിഭാഗങ്ങളിലായി 164 സിനിമകളാണ് പ്രദര്‍ശിപ്പിക്കുന്നത്. തുര്‍ക്കിയില്‍ നിന്നുള്ള ‘എ സ്റ്റെപ് ഇന്റു ടാര്‍ക്നെസ്സ്’ ആണ് ഉദ്ഘാടന ചിത്രം. മല്‍സരവിഭാഗത്തില്‍ 14 സിനിമകളാണ് പ്രദര്‍ശിപ്പിക്കുന്നത്. ഈ വിഭാഗത്തില്‍ [...]

പാലേരി മാണിക്യം ഒരു പാതിരാക്കൊലപാതകത്തിന്റെ കഥ എന്ന സിനിമ സത്യത്തില് എഴുത്തുകാരന്റേയും സംവിധായകന്റെയും സിനിമയായിരിക്കുമെന്ന പ്രതീക്ഷയിലാണ് ആദ്യ ഷോ കാണാന് തന്നെ തിയറ്ററിലെത്തിയത്. കോഴിക്കോട് കൈരളി തിയറ്ററില് തീരെ തിരക്കുണ്ടായിരുന്നില്ല. റിലീസിനോടനുബന്ധിച്ച് പബ്ളിസിറ്റി ഉണ്ടായിരുന്നില്ല എന്നുതാവണം കാരണം.
സിനിമ ആരംഭിക്കുന്നത് പാതിരാക്കൊലപാതകത്തിന്റെ പച്ചയായ അവതരണത്തോടെയാണ്. ക്ളോസപ്പ് ഷോട്ടുകളില് പിടഞ്ഞു മരിക്കുന്ന രണ്ടു ജീവനുകള്. പുഴയില് മുക്കിക്കൊല്ലുകയാണ് ഒരാളെ- ബ്രഹ്മദത്തന് നമ്പൂതിരി. കരുത്തനായ ഒരു പുരുഷന്റെ കീഴെ പിടഞ്ഞമരുകയാണ് വല്ലാതെ സുന്ദരിയായ ഒരു പെണ്കുട്ടി- പാലേരി മാണിക്യം ആവണം.
മരണം എല്ലാം [...]

കൂടുതലൊന്നും പറയാനില്ല. കാശുള്ള വീട്ടിലെ പയ്യന്‍ വേലക്കാരി പെണ്ണിനെ വളച്ചെടുക്കുന്നു. പയ്യന്‍സിനു തന്നോടു പ്രേമമാണെന്നു വേലക്കാരീസ് തെറ്റിദ്ധരിക്കുന്നു. നല്ല തണുപ്പുള്ള ഒരു രാത്രിയില്‍ പയ്യന്‍ വേലക്കാരിയെ പണിയുന്നു. വൈകാതെ പയ്യന്‍സ് വലിയ വീട്ടിലെ കൊള്ളാവുന്ന പെണ്ണിനെ കല്യാണം കഴിക്കുന്നു. വേലക്കാരി കരയുന്നു. കെട്ടിയവന്റെ ചുറ്റിക്കളിയുടെ സൂചന കിട്ടുന്ന നവവധു വേലക്കാരിയെ അടിച്ചു പുറത്താക്കുന്നു- ഇത്രേയുള്ളൂ എംടി- ലാല്‍ജോസ് ടീമിന്റെ നീലത്താമര.
മുപ്പതു വര്‍ഷങ്ങള്‍ക്കു മുമ്പ് രവികുമാറും അബികയും നായികാനായകന്‍മാരായി യൂസഫലി കേച്ചേരി സംവിധാനം ചെയ്ത എംടിയുടെ സൃഷ്ടിയായ [...]

ഇത് ഭയങ്കരമായ കണ്ടുപിടുത്തമാണെന്നെനിക്കറിയാം. ഇതിനെക്കാള്‍ ഭയങ്കരമായ കണ്ടുപിടുത്തങ്ങള്‍ ഇതിനു മുമ്പും ഞാന്‍ നടത്തിയിട്ടുള്ളതുകൊണ്ട് അഹങ്കരിക്കുന്നില്ല. ഇതിന് ചരിത്രപരമായി എന്തു തെളിവാണുള്ളതെന്ന് ചോദിച്ചാല്‍ സംഗതി എന്റെ കയ്യിലുണ്ട്. ക്രിസ്തുവും കൃഷ്ണനും ഒരാളാണ് മോണോലിസ ശരിക്കും പൊന്‍കുന്നംകാരിയാമെന്നും ക്ളിയോപാട്ര വര്‍ഷങ്ങള്‍ക്കു മുമ്പ് വയനാട്ടില്‍ നിന്നു കുടിയേറിയതാണെന്നുമൊക്കെയുള്ള തിയറികള്‍ തിയറികളായി തന്നെ നില്‍ക്കുന്നിടത്താണ് പഴശ്ശിരാജ പേര്‍ഷ്യയിലെ രാജാവായിരുന്നു എന്ന തിയറി ഞാനിവിടെ അവതരിപ്പിക്കുന്നത്.
പേര്‍ഷ്യയിലെ രാജാവ് എന്ന നിലയില്‍ അദ്ദേഹം ഇവിടെ വന്നപ്പോള്‍ പേര്‍ഷ്യന്‍ രാജ എന്നറിയപ്പെട്ടു. അതുപിന്നെ ലോപിച്ച് പേര്‍ഷ്യരാജയും പിന്നീട് [...]

1980 നവംബര്‍ 16 ഞായറാഴ്ച: ‘ദീപം’ എന്ന സിനിമയുടെ ഫസ്റ്റ് ഷോ കാണാന്‍ തിയറ്ററില്‍ കയറിയവരാരും അന്നു സന്തോഷത്തോടെയല്ല മടങ്ങിയത്. സിനിമയുടെ കഥയോ ക്ളൈമാക്സോ ഒന്നും അവരെ സ്വാധീനിച്ചതേയില്ല. ഒരിക്കലും മറക്കാനാവാത്ത ഒന്നായി ആ ഷോ മാറ്റിയത് ഇടയ്ക്ക് പ്രദര്‍ശനം നിര്‍ത്തി പ്രദര്‍ശിപ്പിച്ച, തിയറ്ററില്‍ ഞെട്ടലും അമ്പരപ്പും നിലവിളിയു ഉയര്‍ത്തിയ ഒരു സ്ലൈഡ് ആയിരുന്നു. അതില്‍ ഇങ്ങനെ എഴുതിയിരുന്നു: ”ഇൌ ചിത്രത്തിലെ നായകനായ ജയന്‍ മദ്രാസില്‍ അപകടത്തില്‍ മരിച്ചു”
കേരളം മുഴുവന്‍ സ്നേഹിക്കുന്ന, ആരാധിക്കുന്ന, ചെറുപ്പം പിന്‍തുടരാന്‍ കൊതിക്കുന്ന [...]

എന്തൊക്കെ പറഞ്ഞാലും ഇന്ത്യ പാക്കിസ്ഥാനോടു ചെയ്യുന്നത് കൊടും ക്രൂരതയാണ്. രാഷ്ട്രീയമല്ല, സിനിമയാണ് പറയുന്നത്. ബോളിവുഡ് സിനിമകളുടെ ‘ശല്യം”കാരണം കുത്തുപാളയെടുക്കുകയാണ് പാക്കിസ്ഥാന്‍ സിനിമ. ഇൌ വര്‍ഷം ഇതുവരെ പാക്കിസ്ഥാനില്‍ നിര്‍മിക്കപ്പെട്ട സിനിമകളുടെ എണ്ണം കേട്ടാല്‍ മനസ്സിലാവും- ഒന്‍പത്. വര്‍ഷം ഒന്നോ രണ്ടോ സിനിമ മാത്രം ഹിറ്റാവുന്ന മലയാളത്തില്‍ പോലും വര്‍ഷം അറുപതോളം സിനിമകള്‍ നിര്‍മിക്കപ്പെടുമ്പോഴാണ് പാവം പാക്കിസ്ഥാന് ഇൌ ദുര്‍ഗതി. മറ്റെല്ലാ സംഗതികളുടെയും പിന്നിലെന്ന പോലെ തങ്ങളുടെ ചലച്ചിത്രവ്യവസായം തകര്‍ന്നതിന്റെ പിന്നിലും ഇന്ത്യയാണെന്നാണ് പാക്കിസ്ഥാന്‍ പറയുന്നത്. അതില്‍ അല്‍പം [...]

“വീരേതിഹാസങ്ങള്‍ രചിച്ച ഉത്തരകേരളത്തിലെ വീരനായകന്‍മാരുടെ ചങ്ങലയിലെ ഒരു കണ്ണി-ഉദയന്‍. കൌമാരം കടന്നപ്പോള്‍ അവന്‍ അങ്കമുറകളില്‍ അഗ്രഗണ്യനായി, കോലത്തിരി നാടിന്റെ പടനായകനായി. കളരിയിലെ അങ്കത്തട്ടിലും അങ്ങകലെ അതിര്‍ത്തിയിലെ പടക്കളത്തിലും കയ്യും മെയ്യും മറന്നവന്‍ അടരാടി. അപ്പോഴും ഉള്ളിന്റെയുള്ളില്‍, മനസ്സിന്റെ മൃദുലതകളില്‍ താലോലിക്കുവാനായി അയാള്‍ക്കൊരു സ്വപ്നമുണ്ടായിരുന്നു-പാര്‍വതിക്കുട്ടി.
ഹര്‍ഷോന്മാദത്തിന്റെ നാളുകളായിരുന്നു അത്. അവയുടെ അവിരാമപ്രവാഹത്തിനിടയില്‍ എപ്പോഴോ, ഏതോ ഒരഭിശപ്തനിമിഷത്തില്‍ അയാളുടെ സ്വപ്നങ്ങളുടെ വര്‍ണനൂലുകള്‍ പൊട്ടിപ്പോയി…. താഴെ അഗാധഗര്‍ത്തമായിരുന്നു. കൊടുംവേദനയുടെ നാളുകളായിരുന്നു അത്. അനന്തമായ അറബിക്കടലിന്റെ അപാരതകകളിലെവിടെയോ നഷ്ടസ്വപ്നങ്ങളുടെ മഞ്ഞുവീണു മരവിച്ച മനസ്സുമായി, ഉണ്ണാത്ത [...]

കേരളത്തില്‍ അങ്ങോളമിങ്ങോളം പ്രതിഷേധം അലയടിക്കുകയാണ്. സത്യത്തില്‍ മലയാളിയുടെ മുഖത്തു നോക്കി അണ്ടര്‍വെയര്‍ ഊരിക്കാണിച്ചതുപോലെയായിപ്പോയി ഇത്. അതും രണ്ടു ഭീകരസംഭവങ്ങളും ഒരാഴ്ച തന്നെയായി എന്നത് മറ്റൊരു ഞെട്ടല്‍. എല്ലാവര്‍ക്കും ഇതു മാത്രമേ സംസാരിക്കാനുള്ളൂ. അല്ലെങ്കിലും ഇത്ര ഭയങ്കരമായ ഒരു അവഗണന കേരളത്തിനോടും മലയാളത്തിനോടും ഇതിനു മുമ്പ് ഉണ്ടായിട്ടുണ്ടോ എന്നത് സംശയമാണ്.
കോമണ്‍വെല്‍ത്ത് ഗെയിംസും ഇന്ത്യന്‍ പനോരമയുമാണ് ലക്ഷക്കണക്കിനു മലയാളികളെപ്പോലെ എന്നെയും ധാര്‍മികരോഷം കൊള്ളിക്കുന്നത്. കോമണ്‍വെല്‍ത്ത് ഗെയിംസ് ദീപശിഖാപ്രയാണത്തിന് അഭിനവ് ബിന്ദ്രയെ വിളിച്ചു, സാനിയ മിര്‍സയെ വിളിച്ചു, കപില്‍ ദേവിനെ [...]