ബെര്‍ളിത്തരങ്ങള്‍

ജാനെറ്റ് നീ സത്യമായും അണ്ടര്‍വെയര്‍ ഇടാറില്ലേ ? എനിക്കു വിശ്വസിക്കാന്‍ കഴിയുന്നില്ല. നിന്നെപ്പോലെ ഉന്നതകുലജാതയായ ഒരു പെണ്‍കുട്ടി അണ്ടര്‍വെയര്‍ ഇടാതെ സ്കൂളില്‍ വരാന്‍ പാടുണ്ടോ ? സത്യത്തില്‍ ജസ്റ്റിന്‍ അതു പറഞ്ഞപ്പോള്‍ എന്റെ നെഞ്ച് കലങ്ങിപ്പോയി. അണ്ടര്‍വെയര്‍ ഇടാനുള്ള ധൈര്യം എനിക്കുമില്ല പക്ഷേ, ധീരവനിതയായ നീ, അതും ഒരു പെണ്ണായ നീ അണ്ടര്‍വെയര്‍ ഇടാതെ സ്കൂളില്‍ വരുന്നു എന്നത് എന്നെ പിന്നെയും പിന്നെയും ഞെട്ടിക്കുകയാണ്.
നിന്നെ കാണുമ്പോള്‍ എന്റെ നെഞ്ചിടിപ്പു വര്‍ധിക്കുന്നു. മുമ്പ് സംഗീത മാത്രമേ എന്നെ [...]

പൂക്കള്‍ കൊഴിഞ്ഞു തുടങ്ങിയ ചാമ്പമരത്തിന്റെ മുകളില്‍ നെഞ്ചുരയും വിധം വട്ടം പിടിച്ചിരിക്കുമ്പോള്‍ വടക്കുനിന്നെത്തിയൊരു കാറ്റ് ചാര്‍ളിയുടെ നെറ്റിയിലെ വിയര്‍പ്പു തുടച്ചു കടന്നുപോയി.
കാറ്റിലുലഞ്ഞ ചാമ്പയില്‍ നിന്നൊരു പഴുത്ത ചാമ്പയ്‍ക്ക നെറുകയില്‍ വീണപ്പോള്‍ കുന്നിന്‍ ചെരുവില്‍ അര കിലോമീറ്ററോളം താഴെ കയ്യില്‍ പുസ്തകവുമായി മുറ്റത്തേക്കിറങ്ങിയ മേരിക്കുട്ടിയുടെ രൂപം വെയിലേറ്റുരുകുന്ന ബോഡിമേട്ട് റോഡിലെ കാഴ്ചകള്‍ പോലെ അല്‍പം വിളറി ചാര്‍ളിയുടെ കണ്ണില്‍ തെളിഞ്ഞു.
ഉണ്ണിമിശിഹായ്‍ക്ക് സ്തുതി. എത്ര നേരമായി ഈ ചാമ്പയുടെ തോളില്‍ കയറിയിരിക്കുന്നു എന്റെ മേരിക്കുട്ടീ നിന്നെയൊന്നു കാണാന്‍. മെടഞ്ഞിട്ട നിന്റെ [...]

എന്റെ സംഗീതയ്‍ക്ക്,മരിച്ചിട്ടില്ല. മരിക്കണമെന്നാഗ്രാഹിച്ചു. ഒന്നും സംഭവിച്ചില്ല. കത്തുന്ന നെഞ്ചുമായി ഇപ്പോഴും ജീവിച്ചിരിക്കുന്നു. അവസാനം കണ്ടപ്പോഴും ഞാന്‍ നിന്നോടു പറഞ്ഞു-നീ ജസ്‍റ്റിന് നന്നായി ചേരും,ജസ്റ്റിന്‍ വളരെ നല്ലവനാണ് എന്നൊക്കെ. ഇപ്പോഴും അതു തന്നെ ഞാന്‍ പറയുന്നു. അത് ജസ്റ്റിന്‍ നല്ലവനായതുകൊണ്ടല്ല. ജസ്റ്റിന്‍ നിന്റെ ഭര്‍ത്താവും ‍ഞാന്‍ നിന്റെ പൂര്‍വകാമുകനായതിനാല്‍ എനിക്ക് മറ്റൊന്നും പറയാന്‍ അവകാശമില്ല.
ജസ്റ്റിനെ നീ തിരഞ്ഞെടുത്തതാണ്, എനിക്കതില്‍ പരാതിയില്ല. എനിക്ക് നിന്നെ തിരഞ്ഞെടുക്കാന്‍ അനുവാദമുണ്ടായിരുന്നില്ലല്ലോ. ഞാന്‍ നിന്റെ കഴുത്തില്‍ താലി കെട്ടുമായിരുന്നു എന്നെനിക്ക് ഉറപ്പ് പറയാന്‍ കഴിയില്ല. [...]

പൈലി എന്ന ഗുണ്ടയുടെ പതിനാലാമത്തെ കൂലിത്തല്ലായിരുന്നു അത്. മറുവശത്ത് അതിശക്തനും കരുത്തനും സുന്ദരനുമായ ചാര്‍ളി ആണെന്നത് പൈലിക്കൊരു പ്രശ്നമായിരുന്നില്ല. എന്നാല്‍ അടി തുടങ്ങി ആദ്യമിനിട്ടില്‍ തന്നെ പൈലി ആ സത്യം തിരിച്ചറി‍ഞ്ഞു- ചാര്‍ളിയോടേറ്റുമുട്ടി നില്‍ക്കുക എളുപ്പമല്ല.
തന്റെ ബജാജ് പള്‍സര്‍ ബൈക്കില്‍ ഇരുന്നു കൊണ്ട് ഗുണ്ടകളെ ഒറ്റക്കാല്‍ കൊണ്ട് തൊഴിച്ച് തൊഴിച്ച് ദൂരെയെറിയുകയായിരുന്നു ചാര്‍ളി. തലയിലിരുന്ന കടുംമഞ്ഞ ഹെല്‍മെറ്റ് ലക്ഷ്യമാക്കി ഗുണ്ടകള്‍ വിവിധ തരത്തിലുള്ള അറ്റാക്കുകള്‍ നടത്തിയെങ്കിലും ചാര്‍ളിയുടെ നാടന്‍ മുറകള്‍ക്കു മുന്നില്‍ എല്ലാം നിഷ്ടപ്രഭമായതേയുള്ളൂ. ഗുണ്ടകളെയെല്ലാം വെറും [...]

പ്രിയപ്പെട്ട സംഗീതയ്‍ക്ക്,
“It is late; it has neverbeen early Time run downby nearly placed on nearlyHalf a half, half a quarter,half an eighth Et aliawill not attainThe Arabian wraith….”
ഐറിഷ് കവി ബ്രെന്‍ഡാനോയുടെ ഏറ്റവും പുതിയ കവിതയുടെ ആദ്യവരികളാണിത്. ഇത് എന്തിനാണ് ഞാനെഴുതിയത് എന്ന് സംഗീത വിസ്മയിക്കുന്നുണ്ടാവും. ഇതും ഇതിനപ്പുറവും വായിക്കുകയും എഴുതുകയും ചെയ്യുന്ന പരുവത്തിലാണ് ഞാന്‍.ഞാന്‍ ഇന്ന് അതിഭയങ്കരനായ ഒരു ഫിലോസഫറാണ്.വളരെ ഗൌരവമുള്ള കാര്യങ്ങള്‍ മാത്രമേ ഞാന്‍ [...]

എന്റെ സംഗീതയ്‍ക്ക്,
നിന്നെ ഞാന്‍ വെറുതെ വിടുമെന്നു കരുതേണ്ട. കുറെ നാളായിട്ട് എന്റെ മുന്നില്‍ കിടന്നു നീ കളിക്കുന്നു. ജെസ്റ്റിനോട് നിനക്കാരാധനയാണെന്ന് എനിക്കറിയാം. എനിക്കവനോടൊരു ആരാധനയും ഇല്ല. നിന്നോടും എനിക്കൊരാധാനയും ഇല്ല. നീ വലിയ സുന്ദരിയാണെന്നു നീ വിശ്വസിക്കുന്നുണ്ടെങ്കില്‍ വെറുതെയാണ്. നിന്നെക്കാള്‍ സുന്ദരിയായ എത്രയോ പെണ്ണുങ്ങള്‍ എന്റെ വീടിന്റെ ചുറ്റും ഉണ്ട്. അവരെയൊന്നും ഞാന്‍ നോക്കാറുപോലുമില്ല.
ഞാനിവിടെ വന്ന് നിന്നെ നോക്കിയിരിക്കുമെന്ന് നീ കരുതുന്നുണ്ടെങ്കില്‍ വെറുതെയാണ്. നിന്നെ ഞാന്‍ നോക്കാറേയില്ല. നീ വലിയ സുന്ദരിയാണെന്നു കരുതുന്ന മണ്ടന്മാര്‍ ഉണ്ടാവും. അവന്മാരോടും [...]