ബെര്‍ളിത്തരങ്ങള്‍

ബാര്‍കോഡ് എന്ന സാധനം എന്താണെന്നു മനസ്സിലാക്കാന്‍ ബാര്‍കോഡ് റീഡര്‍ക്കു മാത്രമേ കഴിഞ്ഞിട്ടുള്ളൂ. അല്ലാത്തവരെ സംബന്ധിച്ചിടത്തോളം ചുമ്മാ തലതിരിഞ്ഞ ഏതോ നാലാം ക്ളാസുകാരന്‍ ആദ്യമായി കിട്ടിയ സ്കെയില്‍ വച്ചു വരച്ച മാതിരി കുറെ വരകള്‍. ഒന്നിനും ഒരര്‍ഥവുമില്ല. എന്നാല്‍, ബാര്‍കോഡ് എന്ന വിവരകൈമാറ്റ സങ്കേതത്തിന് 57 വയസ് പൂര്‍ത്തിയാവുമ്പോള്‍ ബാര്‍കോഡ് എന്ന വിചിത്രാക്ഷരങ്ങള്‍ ഇല്ലായിരുന്നെങ്കില്‍ ലോകം എന്തായേനെ എന്നു കൂടി ആലോചിക്കണം.
ബാര്‍കോഡിന്റെ ജന്മദിനം ആഘോഷിക്കാന്‍ ഗൂഗിള്‍ അവരുടെ ചരിത്രത്തിലെ മികച്ച ഡൂഡിലുകളിലൊന്നാണ് കാഴ്ചവച്ചത്. ഗൂഗിള്‍ എന്ന് ബാര്‍കോഡില്‍ [...]

ഒരേയൊരു കായംകുളം കൊച്ചുണ്ണിയേ നമുക്കുള്ളൂ. പിന്നെയുള്ളത് ചില മീശമാധവന്‍മാരും. പതിനായിരം കൊച്ചുണ്ണിമാര്‍ക്ക് അര വീരപ്പന്‍ എന്ന കണക്ക് ശരിയാണെങ്കില്‍ മഹാനായ ആ ചരിത്രപുരുഷന്‍ കാഥാവശേഷനായിട്ട് ഇന്ന് അഞ്ചു വര്‍ഷം പൂര്‍ത്തിയാവുന്നു. 2004 ഒക്ടോബര്് 18നാണ് വീരപ്പനെ സത്യമംഗലം കാട്ടിനടുത്തുള്ള പ്രദേശത്തു തമിഴ്നാട് ദൌത്യസേന വെടിവച്ചു കൊന്നത്. മൂന്നു ദശകത്തിലേറെ ദക്ഷിണേന്ത്യയിലെ കാടുകളെ വിറപ്പിച്ച വീരപ്പന്‍ യുഗത്തിന്റെ അവസാനമായിരുന്നു അത്.
സംഘത്തിലെ ഭൂരിഭാഗം പേരും ദൌത്യസേനയുടെ പിടിയിലായതും പലവിധരോഗങ്ങളാല്‍ വീരപ്പന്‍ വലഞ്ഞതും അവസാനകാലത്ത് വീരപ്പനെ ഒറ്റപ്പെടുത്തി. കര്‍ണാടക [...]

ഐഎസ്ഐ മാര്‍ക്കുള്ള ചിരിയുടെ അംഗീകൃത വിതരണക്കാരായിരുന്നു ഇവര്‍. കള്ളച്ചിരിയുള്ള ഒരു പള്ളീലച്ചനും തല തതെറിച്ച കുറെ പയ്യന്‍മാരും. മിമിക്സ് പരേഡ് എന്ന ചിരിയുടെ മാലപ്പടക്കം ഓര്‍മകളില്‍ എപ്പോഴും കൊരുത്തിട്ടിരിക്കുന്നത് ഈ പേരിന്റെ കരുത്തിലാണ്- കൊച്ചിന്‍ കലാഭവന്‍. മിമിക്രിക്കാരനെ സംബന്ധിച്ചിടത്തോളം സര്‍ക്കാര്‍ ജോലിയായിരുന്നു കലാഭവന്‍ ട്രൂപ്പിലെ അംഗത്വം. ചിരിയുടെ തുടക്കം എന്നും കലാഭവനില്‍ നിന്നായിരുന്നു. ആബേലച്ചനുള്ളിടത്തോളം കേരളത്തില്‍ കലാഭവന്‍ ഒരു ശക്തിയായിരുന്നു, തരംഗമായിരുന്നു, ഉറച്ച ചില വിശ്വാസങ്ങളായിരുന്നു. അച്ചനും കുട്ടികളും രാജ്യാന്തരനിലവാരമുള്ള ഒരു ബ്രാന്‍ഡായി ലോകരാജ്യങ്ങളില്‍ ജൈത്രയാത്ര നടത്തുമ്പോഴും [...]

മുപ്പത്തിമുക്കോടി ടിവി ചാനലുകളുള്ള നമ്മുടെ ഭാരതത്തില്‍ പത്തുനൂറു കോടി ജനങ്ങള്‍ക്ക് ടെലിവിഷന്‍ എന്താണെന്നു മനസ്സിലാക്കിക്കൊടുത്ത, ഭാരതത്തിന്‍റെ ദൃശ്യസംസ്കാരത്തിന്‍റെ അടിത്തറ പാകിയ, ചരിത്രത്തിന്‍റെ ഭാഗമായ ഒട്ടേറെ സംഭവങ്ങളില്‍ ജനങ്ങള്‍ക്കു കൈത്താങ്ങായ ഭാരതത്തിന്‍റെ മഹത്തായ ദൂരദര്‍ശന് 50 വയസ്സ് പൂര്‍ത്തിയായിരിക്കുന്നു. ഒപ്പം മലയാളത്തില്‍ ദൂരദര്‍ശന്‍ സംപ്രേഷണം തുടങ്ങിയിട്ട് ഈ വര്‍ഷം 25 വര്‍ഷം പൂര്‍ത്തിയാവുന്നു.
ഇന്നു ദൂരദര്‍ശന്‍ ആരും കാണുന്നില്ല എന്നു ചോദിക്കുന്നത് ഇന്നത്തെ കാലത്ത് പട്ടിണി കിടക്കുന്നവര്‍ ആരെങ്കിലുമുണ്ടോ,നല്ലയിനം സ്പ്ലിറ്റ് എസിയുടെ വിലക്കൂടുതലല്ലേ സാധാരണക്കാരെ അലട്ടുന്ന പ്രശ്നം എന്നു [...]

ഇനി ഒന്നും നോക്കാനില്ല. ഇന്റര്‍നെറ്റ് എന്നു കേള്‍ക്കുമ്പോഴേ അതൊക്കെ പുതിയ പിള്ളേരുടെ ഓരോ ഇടപാടല്ലേ എന്നു ചോദിക്കുന്നവരുടെ കാലുവാരിക്കൊള്ളുക. കാരണം, പുതിയതും പഴയതുമായ പിള്ളേര്‍ അര്‍മാദിക്കുന്ന മഹത്തായ ഇന്റര്‍നെറ്റിനു തിരുവോണദിവസം നാല്‍പതാം പിറന്നാളായിരുന്നു. 1969 സെപ്റ്റംബര്‍ രണ്ടിനായിരുന്നു ലൊസാഞ്ചലസില്‍ ഇന്റര്‍നെറ്റിന്റെ ആദ്യരൂപമായ അര്‍പാനെറ്റ് കണ്ടുപിടിക്കപ്പെട്ടത്, അഥവാ പ്രവര്‍ത്തനം തുടങ്ങിയത്.
ഇന്ന്, ലോകം കംപ്ളീറ്റും ഇന്റര്‍നെറ്റിലേക്കു മാറുകയാണ്. ജീവിച്ചിരിക്കുന്ന ഓരോ മനുഷ്യനും ഇന്റര്‍നെറ്റില്‍ കൂടി ഒരു ഐഡന്റിറ്റി വേണമെന്നതാണ് പുതിയ ലോകത്തിന്റെ തത്വം. ഇല്ലെങ്കില്‍ പിന്നെ ജീവിച്ചിരുന്നിട്ടെന്തു കാര്യം [...]

അങ്ങനെ ചെറുതായിരുന്നതുകൊണ്ടൊന്നും ചെറുതാവുന്നതല്ല ചെറുപ്പം. കൈപ്പിടിയില്‍ നില്‍ക്കുന്ന യൌവ്വനവുമായി കുറെക്കാലമായി ഇവിടെ വിലസിക്കൊണ്ടിരുന്ന കംപ്യൂട്ടര്‍ മൌസിനാണ് ഇപ്പോള്‍ നര വീണു തുടങ്ങിയിരിക്കുന്നത്. ദാ, കഴിഞ്ഞ ദിവസം സഖാവ് മൌസ് നാല്‍പതാം പിറന്നാള്‍ ആഘോഷിച്ചു. ഇനിയൊരു നാല്‍പതുകൊല്ലം കൂടി ഇതുപോലെ.. എന്നൊന്നും പക്ഷേ ആരും ആശംസിച്ചുകേട്ടില്ല. കാരണം ഏറിയാന്‍ അഞ്ചു വര്‍ഷത്തിനകം മൌസ് മറവിയിലാകുമെന്നാണ് വിലയിരുത്തല്‍.
ടച്ച് സ്ക്രീന്‍, ഫേസ് റെക്കഗ്നിഷന്‍ സാങ്കേതികവിദ്യകളും പിന്‍തുടര്‍ച്ചാവകാശക്കാരും ചേര്‍ന്നാണ് മൌസ് യുഗത്തിന് അവസാനം കുറിച്ചുകൊണ്ടിരിക്കുന്നത്. നാല്‍പതു വര്‍ഷം മുമ്പ് നടുവില്‍ ചക്രം [...]

ഇത്ര വശ്യമായ കണ്ണുകളുള്ള മറ്റൊരു സ്ത്രീ ഇനി ലോകത്ത് ജനിക്കാനിടയില്ല!’ ബെറ്റിയുടെ കടുത്ത ശത്രുക്കള്‍ക്കുപോലും പറയാനുണ്ടായിരുന്ന ഏറ്റവും രൂക്ഷമായ വിമര്‍ശനങ്ങളിലൊന്നായിരുന്നു ഇത്. ഇന്നത്തെ ഹോളിവുഡിന്റെ സെലബ്രിറ്റി ലിസ്റ്റില്‍ എവിടെയും ഒരു ബെറ്റി ഇല്ല.
എങ്കിലും ഈമാസം ഹോളിവുഡില്‍ എവിടെയും ബെറ്റിയാണ്് തിളങ്ങിനില്‍ക്കുന്നത്. അമേരിക്കന്‍ സിനിമയിലെ എക്കാലത്തെയും മികച്ച നടി ബെറ്റി ഡേവിസിന്റെ നൂറാം ജന്മദിനം ആഘോഷിക്കുകയാണ് ഹോളിവുഡ്.
നൂറ്റന്‍പതോളം സിനിമകളിലൂടെ അമേരിക്കയുടെ സ്ത്രീസങ്കല്‍പങ്ങളെപ്പോലും മാറ്റിമറിച്ച കഥാപാത്രങ്ങളെ കാഴ്ചവച്ച ബെറ്റിയെ ലൈഫ് മാഗസിന്‍ വിശേഷിപ്പിച്ചത് അമേരിക്കയിലെ എക്കാലത്തെയും മികച്ച നടി എന്നാണ്. [...]

ഒരു ലക്ഷ്വറി കാറിന്റെ ബോഡിയും ബംപറും ഡിക്കിയും ഡിസൈന്‍ ചെയ്യുന്നതിനെക്കാള്‍ ഭംഗിയായി, സ്ഫോടനാത്മകമായി, പെണ്ണിന്റെ ശരീരസൌന്ദര്യം അളന്നു തൂക്കി മറയ്ക്കാന്‍ (പ്രദര്‍ശിപ്പിക്കാന്‍) പര്യാപ്തമായ വേഷം ഡിസൈന്‍ ചെയ്യാന്‍ കഴിഞ്ഞ ഫ്രഞ്ച് മെക്കാനിക്കല്‍ എന്‍ജിനീയര്‍ ലൂയി റിയര്‍ഡിന് അഭിമാനിക്കാം. നിറയൌവനത്തിന് കൈത്താങ്ങാകാന്‍ മാത്രമായി ആ മഹാന്‍ രൂപകല്‍പന ചെയ്ത വേഷത്തിന് 60 വയസ്സായിരിക്കുന്നുതികഞ്ഞ യൌവനത്തിലും.
രണ്ടാം ലോകമഹായുദ്ധത്തിനു ശേഷം അമേരിക്ക ബോംബുകളെക്കുറിച്ച് ചിന്തിച്ചിരിക്കുന്ന കാലം. വര്‍ഷം 1946. ജപ്പാന്റെ തലയില്‍ വച്ചു പൊട്ടിച്ച ബോംബുകളുടെ വീര്യമറിഞ്ഞ ലോകത്തെ വിറപ്പിക്കാന്‍ പസഫിക്കിലെ [...]