സൈബര് ഫെമിനിസ്റ്റ് ഗൈഡ്
യഥാര്ത്ഥ ഫെമിനിസവും ഇതുമായി എന്തു ബന്ധം എന്നു ചോദിച്ചാല് അത് യഥാര്ഥ കമ്യൂണിസവും കേരളത്തിലെ കമ്യൂണിസവുമായി എന്തു ബന്ധമെന്നു ചോദിക്കുന്നതുപോലെയാവും. സ്ത്രീവിമോചനത്തിനു വേണ്ടി പ്രവര്ത്തിച്ചിട്ടുള്ള മാതൃകാവനിതകളുടെ കാലടിപ്പാടുകളെ പിന്തുടരാനുള്ള ഉള്ക്കരുത്തില്ലാത്ത,എന്നാല് സ്ത്രീപക്ഷവാദി എന്ന ലേബലില് പുരുഷന്മാരുടെ ശ്രദ്ധ പിടിച്ചുപറ്റാനാഗ്രഹിക്കുന്ന മല്ലു ആന്റീസിനു വേണ്ടിയുള്ള ഗൈഡ് ആണിത്. ഇതനുസരിച്ച് പ്രവര്ത്തിച്ചാല് മെയില് ഷോവനിസ്റ്റ് പന്നിയിറച്ചി കഴിച്ച് തടി നന്നാക്കാം,പരിപ്രേക്ഷ്യങ്ങളുടെ പിന്ബലത്തില് വാരികകളില് കോളങ്ങളെഴുതാം.
സാധാരണഗതിയില് ഫെമിനിസ്റ്റ് ആയിത്തീരുന്ന മലയാളികള് പൊതുവേ സൗന്ദര്യം കുറഞ്ഞവരെന്നു കരുതുന്നവരോ മധ്യവയസ്സിലെത്തിയവരോ ആയിരിക്കും. അതായത് മറ്റു സ്ത്രീകള്ക്ക് പുരുഷന്മാരെ ആകര്ഷിക്കാന് കഴിയുന്നതുപോലെ തനിക്ക് പുരുഷന്മാരെ ആകര്ഷിക്കാന് കഴിയുന്നില്ല എന്ന തിരിച്ചറിവില് നിന്നുണ്ടാകുന്ന അപകര്ഷതാബോധത്തില് നിന്നാണ് ശരാശരി മലയാളി ഫെമിനിസ്റ്റ് പിറക്കുന്നത്. തന്നെ പുകഴ്ത്തുകയോ ആരാധിക്കുകയോ തന്റെ പിന്നാലെ നടക്കുകയോ ചെയ്യാത്ത പുരുഷസമൂഹത്തെ മറ്റുള്ള സ്ത്രീകളെ ആരാധിക്കുകയും പുകഴ്ത്തുകയും അവരുടെ പിന്നാലെ നടക്കുകയും ചെയ്യുന്നതിന്റെ പേരില് ശിക്ഷിക്കുക എന്നതാണ് ഈ ടൈപ്പ് ഫെമിനിസ്റ്റുകളുടെ ലക്ഷ്യം.
അതിസുന്ദരികളായ മലയാളികള് ഫെമിനിസ്റ്റുകളാവാറില്ല. ഫെമിനിസ്റ്റുകള്ക്ക് പൊതുവേ ഇരുണ്ട നിറവും എണ്ണമിനുപ്പുള്ള ചര്മവും ചുരുണ്ട മുടിയുമായിരിക്കും, അഥവാ ഈ സവിശേഷതകളുള്ളവരാണ് ഫെമിനിസ്റ്റുകളായിത്തീരുന്നത്. പൊതുസമൂഹത്തില് ഫെമിനിസ്റ്റുകള്ക്ക് പുല്ലുവിലയായതുകൊണ്ട് നാട്ടിലിറങ്ങിയുള്ള പ്രവര്ത്തനങ്ങളെക്കാള് ഓണ്ലൈനിലെ അഭ്യാസങ്ങളാണ് ഇ-കാലത്ത് ഫെമിനിസ്റ്റുകള്ക്ക് നല്ലത്. സാധാരണ ഫെമിനിസത്തില് നിന്നു വ്യത്യസ്തമായി കെട്ടിയോന് പിന്നില് നിന്നു തന്തയ്ക്കു വിളിക്കുന്നത് കേട്ടില്ല എന്നു നടിച്ചുകൊണ്ട് സൈബര് ഫെമിനിസ്റ്റിന് ഭര്ത്താവിന്റെ കരണത്തടിച്ചിട്ട് ഇറങ്ങിപ്പോരാന് ട്രെയിനി ഫെമിനിസ്റ്റുകളോട് ഉപദേശിക്കാമെന്നൊരു ഗുണമുണ്ട്.
ഫെമിനിസ്റ്റ് വിജയിക്കുന്നത് പുരുഷന്മാരുടെ പിന്തുണ ലഭിക്കുമ്പോള് മാത്രമാണ്. പുരുഷസമൂഹത്തെ അടച്ചാക്ഷേപിക്കുമ്പോള് ‘അയ്യോ ചേച്ചി നന്നായി, ഞങ്ങളാ ടൈപ്പല്ല’ എന്നു പറഞ്ഞ് ചേച്ചിയുടെ സാരിവാലില് തൂങ്ങുന്ന മണകുണാഞ്ചന്മാരാണ് പൊതുവേ ഫെമിനിസ്റ്റുകളുടെ ആരാധകര്. സുന്ദരികളായ സ്ത്രീകളാല് അവഗണിക്കപ്പെട്ടു കിടക്കുന്ന, സ്ത്രീകടാക്ഷം കൊതിക്കുന്ന പുരുഷന്മാരാണ് ഇത്തരത്തില് ഫെമിനിസം വിജയിക്കുന്നതിനു വേണ്ടി മുദ്രാവാക്യം വിളിച്ച് കൂടെക്കൂടുന്നത്.
ഒരു സൈബര് ഫെമിനിസ്റ്റിന്റെ വിജയത്തിന് അത്യാവശ്യമായി വേണ്ടത് ആകര്ഷണീയമായ പ്രൊഫൈല് ആണ്. ചുരുണ്ട മുടി അഴിച്ചിട്ടു നില്ക്കുന്ന പ്രൊഫൈല് ചിത്രമാണ് അത്യാവശ്യം.വേഷം എന്തുമാവാം. പ്രായത്തിനനുസരിച്ച് സാരിയോ ജീന്സോ എന്തും ധരിക്കാം, വൃത്തിയായി ധരിക്കരുത് എന്നു മാത്രം. ജാതിയോ മതമോ എന്താണെന്ന് പേരില് നിന്നു വ്യക്തമാകുമെങ്കിലും ഒരു ഫെമിനിസ്റ്റ് പ്രൊഫൈല് പ്രകാരം നിരീശ്വരവാദി ആയിരിക്കണം. ദൈവങ്ങളെല്ലാം പൊതുവേ പുരുഷന്മാരാണ് എന്നതാണ് ഇതിനു കാരണമായി പറയേണ്ടത്.വനിതാ ദൈവങ്ങളുണ്ടെങ്കിലും ഒരു സ്ത്രീ മറ്റൊരു സ്ത്രീയെ ആരാധിക്കുന്ന രീതി ഫെമിനിസത്തിലില്ല.
ഏഷ്യാനെറ്റ് സീരിയലുകളും ബോബനും മോളിയുമൊക്കെയാണ് ഏറ്റവും പ്രിയപ്പെട്ടതെങ്കിലും പ്രൊഫൈലില് അതൊന്നും കൊടുക്കരുത്.ഗൂഗിളില് സേര്ച്ച് ചെയ്താല് വിദേശ ചാനലുകളിലെ ഫെമിനിസ്റ്റ് ഷോകളുടെ പേരു കിട്ടും. അതൊക്കെയേ കൊടുക്കാവൂ. അതുപോലെ തന്നെ പ്രസിദ്ധമായ ഫെമിനിസ്റ്റ് ഇ-മാഗസിനുകളുടെ പേരുകളും കൊടുക്കാം.ഏറ്റവും അധികം കണ്ട സിനിമ കിലുക്കം ആയിരിക്കാം എങ്കിലും അതൊന്നും പ്രൊഫൈലില് കൊടുക്കാന് പാടില്ല. Persepolis, All About My Mother, Raise the Red Lantern തുടങ്ങിയ സിനിമകളുടെ പേരുകളേ കൊടുക്കാവൂ.മലയാളത്തില് നിന്നൊരു സിനിമ വേണമെന്നു നിര്ബന്ധമാണെങ്കില് 22 ഫീമെയില് കോട്ടയം കൊടുക്കാം.
സ്ത്രീപക്ഷ പോരാട്ടങ്ങളുടെ വാര്്ത്തകള് മാത്രം തിരഞ്ഞെടുത്ത് ഷെയര് ചെയ്യുകയും സ്ത്രീപീഡനം നടത്തിയവരെ ശപിക്കുകയും ചെയ്യുന്നതാണ് ബോള്ഡായ ഫെമിനിസ്റ്റുകളുടെ ലക്ഷണം. എഴുത്തിന് രണ്ടുതരം ഭാഷ ഉപയോഗിക്കാം. മലയാളത്തില് പെണ്ണെഴുത്തുകാരിയായി അറിയപ്പെടാന് ആഗ്രഹമുണ്ടെങ്കില് മാതൃഭൂമി, മാധ്യമം ആഴ്ചപ്പതിപ്പുകളും പച്ചക്കുതിരയും വായിച്ച് അതില് ഉപയോഗിക്കുന്ന ഭാഷ സ്വീകരിക്കുന്നതാവും ഭംഗി. പരിപ്രേക്ഷ്യം, ഇടം, അടയാളപ്പെടുത്തല് തുടങ്ങിയ വാക്കുകള് പഠിച്ച് വച്ച് ഇടക്കിടെ ഉപയോഗിച്ചാല് നന്നാവും. ഉദാഹരണത്തിന് നിങ്ങള് കെഎസ്ആര്ടിസി ബസ് സ്റ്റാന്ഡിലെ കംഫര്ട്ട് സ്റ്റേഷനില് പൈസ കൊടുക്കാതെ കയറി മൂത്രമൊഴിച്ചു എന്നത് പെണ്ണെഴുത്തില് ഇങ്ങനെ വേണം എഴുതാന്- ‘പുരുഷാധിപത്യസമൂഹത്തിലെ ഗതാഗതധാര്ഷ്യങ്ങളുടെ വാതായനങ്ങളിലൂടെ കൈവീശിനടന്ന്,പ്രകൃതിയുടെ ജൈവദാഹങ്ങളുടെ പരിപ്രേക്ഷ്യങ്ങളെ നിക്ഷേപിക്കാന് ഇടം കണ്ടെത്തുക മാത്രമല്ല, പെണ്ണിന്റെ ചോദനകളെ വാണിജ്യവല്ക്കരിക്കാനുള്ള ആണ്കോയ്മയുടെ മുഖത്ത് എന്റെ പുച്ഛം അടയാളപ്പെടുത്തുക കൂടി ചെയ്തിട്ടാണ് ഞാന് മടങ്ങിയത്.’ സംഗതി ഇരമ്പും.
ഇത്രയുമൊക്കെയായാല് പിന്നെ വേണ്ടത് മെയില് ഷോവനിസ്റ്റ് പിഗ്ഗുകളുടെ മേലുള്ള കുതിരകയറ്റമാണ്. അവരുടെ അഭിപ്രായങ്ങള് വരികള്ക്കിടയിലൂടെ വായിച്ച് അതില് സ്ത്രീവിരുദ്ധത കണ്ടെത്തി പരിപ്രേക്ഷ്യം കൊണ്ട് ജ്വലിച്ച് ഒരു പൂശങ്ങു പൂശിയാല് സൈബര് ഇടത്തില് പെണ്ണെഴുത്തു പൂത്തുലഞ്ഞു എന്നും മറ്റും വിശേഷിപ്പിച്ച് കുണ്ടന്മാര് നെടുങ്കന് ലേഖനങ്ങളെഴുതി വാഴ്ത്തും. വല്ലാതെ ഇഷ്ടം തോന്നുന്ന ചെറുപ്പക്കാരനോട് ഇഷ്ടം അറിയിക്കാനും ഫെമിനിസ്റ്റിന് പെണ്ണെഴുത്ത് ഉപയോഗിക്കാം. മത്തായി എന്ന ചുള്ളനെ നിങ്ങള്ക്ക് പണ്ടു മുതലേ ഇഷ്ടമാണെന്നു കരുതുക.മത്തായിയെ ഇങ്ങോട്ട് വരുത്തുന്നതിനായി ഇങ്ങനെ എഴുതാം- മത്തായി എന്നു പറയുന്ന മൈ@#നെ എനിക്കു പണ്ടു മുതലേ അറപ്പാണ്. മത്തായിയുടെ കവിളില് ഉമ്മ കൊടുക്കണം എന്ന മോഹം മനസ്സിലുണ്ടെങ്കില് മത്തായിയെ നേരിട്ടു കാണുമ്പോള് ഊരി കവിളത്ത് അടിക്കാനായി ഞാനിന്ന് പുതിയൊരു ഹൈഹീല്ഡ് ചെരുപ്പുവാങ്ങി എന്നുമെഴുതാം. പുരുഷ-അവശ-ഫെമിനിസ്റ്റുകളുടെ കയ്യടിയും മത്തായിയുടെ ശ്രദ്ധയും ഒരേ സമയം ആകര്ഷിക്കാന് ഇതു ധാരാളം.
വിവാഹം എന്ന സമ്പ്രദായത്തിനെതിരായുള്ള എഴുത്തുകളും ദൈവത്തെ വെല്ലുവിളിക്കുന്ന കുറിപ്പുകളും അടിക്കടി ഉണ്ടാവണം. കെട്ടുതാലി പൊട്ടിച്ചു സ്വാതന്ത്ര്യം പ്രഖ്യാപിക്കാന് ആഹ്വാനം ചെയ്യുന്നതിലൂടെ പുരുഷസമൂഹത്തിന്റെ ആദരവ് പിടിച്ചുപറ്റാനാവും. തന്റെ സ്ത്രൈണവീര്യങ്ങള്ക്കു മുന്നില് പകച്ചുനില്ക്കുന്ന ബലഹീനനായ മധ്യവയസ്കന്റെ ഇമേജ് ആണ് ഒരു ഫെമിനിസ്റ്റ് ദൈവത്തിനു നല്കേണ്ടത്. നിരീശ്വരവാദിയായ ഫെമിനിസ്റ്റുകള്ക്ക് ദൈവത്തെ ആവോളം ആക്ഷേപിക്കാന് വകുപ്പുണ്ട്. അഭിപ്രായങ്ങളോടൊപ്പം വിദേശഫെമിനിസ്റ്റുകളുടെ നഗ്നതാപ്രദര്ശനങ്ങളുടെ ചിത്രങ്ങള് ഷെയര് ചെയ്യുന്നതും ബോള്ഡാണ്. ഫെമിനിസത്തെ പിന്തുണയ്ക്കുന്ന ഞരമ്പുരോഗികളായ പുരുഷന്മാരെ ഉത്തേജിപ്പിച്ച് കൂടെനിര്ത്താനും നാളെ ഇവളുടെ ചിത്രങ്ങളും ഇങ്ങനെ കാണാമെന്ന പ്രതീക്ഷ അവര്ക്കു നല്കാനും ഇത് സഹായിക്കും.
സായിപ്പന്മാരോടുള്ള അതിരുവിട്ട ആദരവ് ഒരു നല്ല ഫെമിനിസ്റ്റിന്റെ ലക്ഷണമാണ്. വെള്ളക്കാര് മഹാത്മാക്കളാണ് എന്നതിനെക്കാള് മലയാളി പുരുഷന്മാര് വൃത്തികെട്ടവന്മാരാണ് എന്നത് അടിവരയിട്ടു സ്ഥാപിക്കുന്നതിനുള്ള പരിശ്രമങ്ങള് എന്നും നടത്തണം. നിന്റെയൊക്കെ തന്തയും കെട്ടിയോനും മലയാളി പുരുഷന്മാരല്ലേ എന്നാരെങ്കിലും ചോദിച്ചാല് അവര് സായിപ്പന്മാരുടെ മനസ്സും മലയാളികളുടെ രൂപവുമുള്ള പ്രത്യേകതരം പുരുഷന്മാരാണെന്ന നിലപാടെടുത്താല് മതി.താന് കുടുംബസമേതം ഇവിടെയൊന്നും ജനിക്കേണ്ടവളല്ല എന്ന് ചുറ്റുമുള്ളവരെ ബോധിപ്പിക്കുന്നതില് സൈബര് ഫെമിനിസ്റ്റ് വിജയിച്ചേ പറ്റൂ. തല്ക്കാലത്തേക്ക് ഇത്രയും മതിയെന്നു തോന്നുന്നു. സൈബര് ഫെമിനിസ്റ്റ് എന്ന വ്യക്തിത്വം പടുത്തുയര്ത്തിക്കൊണ്ടുവരുമ്പോള് പ്രായോഗികമായ ബുദ്ധിമുട്ടുകള് നേരിടുകയാണെങ്കില് പറഞ്ഞാല് മതി, ഉപദേശം ഫ്രീയായി തരാം.
