പഴശ്ശിരാജ പേര്ഷ്യയിലെ രാജാവായിരുന്നു
ഇത് ഭയങ്കരമായ കണ്ടുപിടുത്തമാണെന്നെനിക്കറിയാം. ഇതിനെക്കാള് ഭയങ്കരമായ കണ്ടുപിടുത്തങ്ങള് ഇതിനു മുമ്പും ഞാന് നടത്തിയിട്ടുള്ളതുകൊണ്ട് അഹങ്കരിക്കുന്നില്ല. ഇതിന് ചരിത്രപരമായി എന്തു തെളിവാണുള്ളതെന്ന് ചോദിച്ചാല് സംഗതി എന്റെ കയ്യിലുണ്ട്. ക്രിസ്തുവും കൃഷ്ണനും ഒരാളാണ് മോണോലിസ ശരിക്കും പൊന്കുന്നംകാരിയാമെന്നും ക്ളിയോപാട്ര വര്ഷങ്ങള്ക്കു മുമ്പ് വയനാട്ടില് നിന്നു കുടിയേറിയതാണെന്നുമൊക്കെയുള്ള തിയറികള് തിയറികളായി തന്നെ നില്ക്കുന്നിടത്താണ് പഴശ്ശിരാജ പേര്ഷ്യയിലെ രാജാവായിരുന്നു എന്ന തിയറി ഞാനിവിടെ അവതരിപ്പിക്കുന്നത്.
പേര്ഷ്യയിലെ രാജാവ് എന്ന നിലയില് അദ്ദേഹം ഇവിടെ വന്നപ്പോള് പേര്ഷ്യന് രാജ എന്നറിയപ്പെട്ടു. അതുപിന്നെ ലോപിച്ച് പേര്ഷ്യരാജയും പിന്നീട് പഴശ്ശിരാജയും ആയെന്നു വേണം കരുതാന്. എന്തായാലും പഴശ്ശിരാജ എന്ന സിനിമ മലയാളത്തില് ഇറങ്ങും മുമ്പേ പേര്ഷ്യയിലെ രാജാവിനെപ്പറ്റി വന്മുതല്മുടക്കില് അവിടെയും ഒരു സിനിമയെടുത്തിട്ടുണ്ട്. സിനിമ ഞാന് കണ്ടിട്ടില്ല. പ്രിന്സ് ഓഫ് പേര്ഷ്യ എന്നാണ് സിനിമയുടെ പേര്. എന്നും വച്ച് ആ പുള്ളി തന്നെയാണ് നമ്മുടെ പഴശ്ശിരാജ എന്നെങ്ങനെ മനസ്സിലായി എന്നു നിങ്ങള്ക്കു സംശയം തോന്നാം. എന്റെ കയ്യില് സംശയാസ്പദമായി ഒരു തെളിവേയുള്ളൂ. സില്മയുടെ പോസ്റ്റര്. പഴശ്ശിരാജ എന്ന നമ്മുടെ സില്മയുടെ പോസ്റ്റര് കണ്ടിട്ടുള്ളവര് തികഞ്ഞ ഏകാഗ്രതയോടെ ഈ പോസ്റ്റര് ശ്രദ്ധിക്കുക.
ഇനി പറയൂ, നമ്മുടെ പഴശ്ശിരാജ തന്നെയല്ലേ ഈ പേര്ഷ്യന് രാജാവ് ?
