ബെര്‍ളിത്തരങ്ങള്‍

“അന്നൊരു ഞായറാഴ്ചയായിരുന്നു. പള്ളിയില്‍ പോയി വന്ന സണ്ണി അടുക്കളയിലേക്കു പോയി. അമ്മച്ചിയും അനിയത്തിയും എല്ലാം അടുത്ത കുര്‍ബാനയ്ര്‍ക്ക് പള്ളിയിലേക്കു പോയതാണ്. അടുപ്പിനരികില്‍ ആലോചനകളിലാണ്ട് നില്‍ക്കുകയാണ് മോളിക്കുട്ടി. ഇപ്പോഴും പാവാടയും ബ്ലൌസും ധരിക്കുന്ന നാട്ടിലെ ഏക പെണ്‍കുട്ടി. അമ്മച്ചീടെ വകേലൊള്ള ഒരാങ്ങളേടെ വകേലൊള്ള മോള്. അമ്മച്ചിക്ക് ഒരു കൈസഹായത്തിനു വേണ്ടി വന്നു നില്‍ക്കുകയാണ്. രക്തബന്ധത്തില്‍ ആരുമില്ലാത്തതിനാല്‍ തന്റെ സുക്ഷിതത്വം കൂടി കരുതിയാവണം ഇവിടെ കൂടാന്‍ അവള്‍ തീരുമാനിച്ചത്.
കത്തിക്കാളുന്ന തീയെ പ്രണയത്തോടെ നോക്കി നില്‍ക്കുന്ന മോളിക്കുട്ടിയെ വാതില്‍പ്പടിയില്‍ ചാരി [...]

ക്ളൌഡ് കംപ്യൂട്ടിങ്ങില്‍ ചേക്കേറുന്ന ലോകത്തിലെ ആദ്യത്തെ മലയാളം ബ്ളോഗ് ഏതാണെന്ന് നാളെ വല്ല പിഎസ്സി പരീക്ഷയ്ക്കും ചോദിച്ചാല്‍ ഒട്ടും അമാന്തിക്കരുത്. അത് ഇതാണ്. ഇന്നലെ വൈകുന്നേരം ഇന്ത്യന്‍ സമയം ഏതാണ്ട് ഏഴ് ഏഴര എട്ടു മണിയോടെയാണ് നിങ്ങളുടെ പ്രിയപ്പെട്ട ബെര്‍ളിത്തരങ്ങള്‍ ക്ളൌഡില്‍ നിന്നും പ്രവര്‍ത്തനം തുടങ്ങിയത്. റാക് സ്പേസ് ക്ളൌഡിലാണ് ഈ ബ്ളോഗ് ഹോസ്റ്റ് ചെയ്തിരിക്കുന്നത്. ആദ്യം ഡിസ്കസ് കമന്റ് സംവിധാനം, ഇപ്പോള്‍ ക്ളൌഡ് ഞാനും എന്റെ ബ്ളോഗും ലോകത്തിനു നല്‍കുന്ന സംഭാവനങ്ങള്‍ നിസ്തുലം തന്നെ. ഭാവിയില്‍ [...]

പലരും ആഗ്രഹിക്കാത്തതുപോലെ 2009ലും മലയാളം ബ്ളോഗിന്റെ കുലപതിയും കിരീടം വയ്ക്കാത്ത രാജാവും ഞാന്‍ തന്നെയായിരുന്നു. ഇനി കുറേക്കാലത്തേക്കും അങ്ങനെ തന്നെയായിരിക്കും. ലോകത്ത് ഏറ്റവും അധികം വായിക്കപ്പെടുന്ന മലയാളം ബ്ളോഗ് ഇതാണ് ഇതാണ് എന്നു പണ്ടേ ഞാന്‍ പറഞ്ഞിരുന്നെങ്കിലും അന്നൊന്നും ആരും സമ്മതിച്ചില്ല. കഴിഞ്ഞ വര്‍ഷമായപ്പോഴേക്കും വായനക്കാരുടെ എണ്ണത്തിലല്ല പോസ്റ്റിന്റെ നിലവാരത്തിലാണ് കാര്യം എന്നായി ഇവറ്റകളുടെ നിലപാട്. എന്നാല്‍ 2009ല്‍ സ്ഥിതിയാകെ മാറി.
എല്ലാ അര്‍ത്ഥത്തിലും ഏറ്റവും മികച്ച മലയാളം ബ്ളോഗായി ബെര്‍ളിത്തരങ്ങള്‍ മാറുന്ന കാഴ്ചയാണ് നമ്മളെല്ലാവരും കണ്ടത്. [...]

എന്താണെന്നു വച്ചാല്‍ എന്റെ ഒരു ബ്ളോഗ് പോസ്റ്റ് അച്ചടിച്ചു എന്നതിലുള്ള സന്തോഷവും കൃതജ്ഞതയും മാത്രമല്ല (അത് എന്റെ സ്വന്തം കാര്യമാണ്) ഈ പോസ്റ്റിപ്പോള്‍ ആരുടേതാണ് എന്നറിയാന്‍ വയ്യാത്ത സ്ഥിതിയിലേക്ക് ഫോര്‍വേര്‍ഡ് നാറികള്‍ സംഗതി ഫോര്‍വേഡ് ചെയ്തു കൊണ്ടിരിക്കുന്ന ഈ സമയത്ത് തന്നെ അത് പ്രസിദ്ധീകരിച്ചതില്‍ ചന്ദ്രിക ദിനപ്പത്രത്തോടും അതിന്റെ ഭാരവാഹികളോടും എന്റെ സ്വന്തം പേരിലും ഈ ബ്ളോഗിന്റെ പേരിലും ഞാന്‍ കൃതജ്ഞത രേഖപ്പെടുത്തുന്നു. ചന്ദ്രികയില്‍ വന്ന പോസ്റ്റിന്റെ സ്കാന്‍ ചെയ്ത സൂത്രം ഇവിടെ കൊടുക്കുന്നു.

എന്റെ പോസ്റ്റുകള്‍ [...]

ഇത്രയും കാലം കൊണ്ട് അനേകരെ വഴി തെറ്റിച്ച, അനേകരുടെ ആസ്വാദനശേഷി തല്ലിക്കെടുത്തിയ ബെര്‍ളിത്തരങ്ങള്‍ എന്ന എന്റെ ഈ ബ്ളോഗില്‍ നിന്നുള്ള തിരഞ്ഞെടുത്ത രചനകള്‍ ഇനി നിങ്ങള്‍ക്കു പുസ്തക രൂപത്തിലും ലഭിക്കും. ഇതിനു മാത്രം നിങ്ങളെന്തു തെറ്റു ചെയ്തു എന്നു ചോദിച്ചാല്‍ എനിക്കുത്തരമില്ല. ചിക്കുന്‍ ഗുനിയ പിടിച്ചവന് പന്നിപ്പനി കൂടി പിടിച്ചെന്നു കരുതിയാല്‍ മതി. വരാനുള്ളത് വണ്‍വേ വഴി പോകില്ല എന്നാണല്ലോ പഴമൊഴി. അതു വന്നു കഴിഞ്ഞു. നിങ്ങളുടെ അടുത്തുള്ള പുസ്തകശാലകളില്‍ സംഗതി റിലീസ് ചെയ്തു കഴിഞ്ഞു. ഓവര്‍സീസ് [...]

ഇത്രകാലം ബ്ലോഗര്‍മാരുടെ (ഞാന്‍ ബ്ലോഗറല്ല) ഉറക്കം കെടുത്തിയ ബ്ലോഗിണി ഇഞ്ചിപ്പെണ്ണ് പിടിയില്‍. ഇഞ്ചിയെ ഇപ്പം പിടിക്കും തിന്നും എന്നൊക്കെ പറഞ്ഞ് പോസ്റ്റിടുകയും ഇഞ്ചിയുടേതെന്നു പറഞ്ഞ് വേറെ ഏതോ സാധുവന്‍റെ ഐഡന്‍റ്റിറ്റി വെളിപ്പെടുത്തുകയും ചെയ്ത മരമാക്രിക്ക് പാടേ തെറ്റി. ഇഞ്ചിപ്പെണ്ണ് എന്ന അതിസുന്ദരിയായ ബ്ലോഗറുടെ ചിത്രം ദാ ഇവിടെ-

ഇത് ഹിന്ദു പത്രത്തിനു കോപ്പിറൈറ്റ് ഉള്ള ചിത്രമാണ്. ഹിന്ദുവിന്‍റെ വെബ്സൈറ്റില്‍ പ്രസിദ്ധീകരിച്ചിരിക്കുന്നതാണ്.ഫോട്ടോ എടുത്തിരിക്കുന്നത് എന്നും ഇഞ്ചി പക്ഷത്തു നിന്നിട്ടുള്ള തുളസി കക്കാട്ട് ആണ്. അദ്ദേഹത്തിന്‍െയോ ഹിന്ദു പത്രത്തിന്‍റെയോ അനുമതിയോടെയല്ല ഞാനീ [...]

സത്യക്രിസ്ത്യാനികള്‍ കല്യാണം കഴിക്കുന്നത് സാധാരണ പള്ളിയില്‍ വച്ചാണ്. അങ്ങനെ കല്യാണം കഴിക്കുമ്പോള്‍ പള്ളിയിലെ ചടങ്ങ് നടത്തുന്ന വൈദികന്‍ താലിയെടുത്ത് വരന്റെ കയ്യില്‍ പിടിപ്പിച്ചു കൊടുക്കുകയും വരന്‍ അത് കെട്ടിത്തുടങ്ങുകയും വരന്റെ സഹോദരിയോ ആ സ്ഥാനത്തുള്ള ആരെങ്കിലും ആ ജോലി അങ്ങു പൂര്‍ത്തിയാക്കുകയും ആണ് ചെയ്യുന്നത്. താലി കെട്ടുന്ന ജോലി പോലും കംപ്ളീറ്റായി ചെയ്യാത്ത ക്ണാപ്പന്‍മാരാണ് പിന്നെയങ്ങോട്ട് മാതൃകാപരമായ കുടുംബജീവിതം നയിക്കുന്നതെന്നോര്‍ക്കണം.
കല്യാണത്തിന്റെ ഫോട്ടോയും വിഡിയോയും ഒക്കെ കാണുമ്പോള്‍ അതില്‍ വൈദികന്റെ പങ്ക് വളരെ വ്യക്തമായി കാണാം. ആ കണ്ടതിന്റെ [...]

സത്യത്തില്‍ ഞാന്‍ വളരെ ഭാഗ്യവാനാണ്. ഇങ്ങനെയൊക്കെയുള്ള ഭാഗ്യം എല്ലാവര്‍ക്കും കിട്ടില്ല. ഈ വിഷയം പല തവണ ഈ ബ്ലോഗില്‍ ചര്‍ച്ച ചെയ്തിട്ടുള്ളതാണ്, എങ്കിലും ബുദ്ധിജീവികളുടെ എണ്ണം കുറയുന്നില്ലാത്തതിനാല്‍ എനിക്കിതു പിന്നെയും പറയാതിരിക്കാനാവില്ല. ബ്ലോഗില്‍ എഴുതുന്നത് അടിച്ചുമാറ്റരുത് എന്നു പറയുന്നതില്‍ വലിയ കാര്യമില്ല എന്നറിയാം. അടിച്ചു മാറ്റുന്നത് എങ്ങനെയായാലും മോഷണം തന്നെയാണ്, സമ്മതിച്ചു. ഞാനെഴുതുന്നത് വിശ്വസാഹിത്യമല്ലാത്തതിനാല്‍ ഇതൊക്കെ അടിച്ചു മാറ്റേണ്ടി വരുന്നവന്‍ എത്ര വലിയ ഗതികേടുകാരനായിരിക്കും എന്നതാലോചിക്കുമ്പോള്‍ സങ്കടവുമുണ്ട്.
പല പോസ്റ്റുകളും പലരും ഫോര്‍വേഡ് ചെയ്യുമ്പോള്‍ അതില്‍ എന്‍റെ പേരു [...]

വെബ്സൈറ്റ് ഹാക്കിങ് എന്നു പറയുന്നത് ഒരു കലയാണ്. എന്നാല്‍ എപ്പോഴും അതങ്ങനെ തന്നെ ആയിരിക്കണമെന്നുമില്ല. ഹാക്കര്‍മാര്‍ പലതരത്തിലാണുള്ളത്. ചിലര്‍ പ്രൊഫഷനല്‍ ഹാക്കര്‍മാരാണ്. ഹാക്കിങ് എന്താണെന്ന് അവര്‍ക്കറിയാം. എന്നാല്‍ മറ്റു ചിലര്‍ അങ്ങനെയല്ല ആവശ്യം വരുമ്പോള്‍ അവര്‍ ഹാക്കിങ് ചെയ്തു പോവുകയാണ്. എന്താണ് ഹാക്കിങ് ? ഒരുത്തനെ തുലയ്‍ക്കണമെന്ന മോഹവുമായി നമ്മള്‍ പലതും ചെയ്യണമെന്നാഗ്രഹിക്കുന്നു. ഒന്നും നടക്കാനാതെ വരുമ്പോള്‍ അവന്‍റെ പേര് ഒരു കടലാസിലെഴുതിയിട്ട് അതില്‍ കാര്‍ക്കിച്ചു തുപ്പിയ ശേഷം അതില്‍ കയറി നിന്നു തുള്ളുന്നു. ഇതാണോ ഹാക്കിങ് [...]

ഇപ്പോ വച്ചതേയുള്ളൂ (ഫോണ്‍) ഒബാമ. ആളുകള്‍ ഒക്കെയിങ്ങനെ സെന്‍സിറ്റീവാകാന്‍ തുടങ്ങിയാല്‍ ഞാനെന്തു ചെയ്യും എനിക്കറിയില്ല. ഒബാമ മലയാളം പഠിക്കുന്നു എന്നു കേട്ടപ്പോള്‍ അതൊരിക്കലും എന്റെ ബ്ളോഗ് വായിക്കാനായിരിക്കുമെന്നു ഞാന്‍ കരുതിയില്ല. ഇവിടെ സിപിഎം രാഷ്ട്രീയത്തിലിടപെടുന്നതിന്റെ ഭാഗമായി ദേശാഭിമാനിയും ജനയുഗവും വായിക്കുന്നതിനും പിണറായി വിഭാഗത്തിനെതിരെ പോസ്റ്റര്‍ എഴുതുന്നതിനുമാണെന്നാണ് കരുതിയത്. എന്നാല്‍ അവിടെ സിപിഎമ്മിനു തെറ്റി. അയാള്‍ കഴിഞ്ഞ മൂന്നു മാസം കൊണ്ട് എന്റെ എല്ലാ പോസ്റ്റുകളും വായിച്ചു തീര്‍ത്തു എന്നു പറയുമ്പോള്‍ കാര്യങ്ങള്‍ എവിടെയെത്തി നില്‍ക്കുന്നു എന്നാലോചിക്കണം.
ഇന്നു [...]

പലരും പറഞ്ഞതാണ്, ചെറായ് ബ്ലോഗ് മീറ്റ് എന്ന പേരില്‍ സംഘടിപ്പിച്ച് ബ്ലോഗേഴ്സ് സൗഹൃദ കൂട്ടായ്മ എന്ന പേരില്‍ നടത്തിയ പരിപാടി ഒരു അസംബന്ധസംഗമം ആണെന്ന് ഒരു പോസ്റ്റില്‍ ‍ഞാന്‍ പറഞ്ഞത് സത്യത്തില്‍ ബ്ലോഗ് മീറ്റിന് നല്ല പബ്ലിസിറ്റി കിട്ടാന്‍ വേണ്ടിയായിരുന്നു എന്ന്. അല്ലെങ്കിലും കോമഡി മാത്രം പറയുന്ന ഞാന്‍ പറഞ്ഞ ചെറായ് മീറ്റ് കോമഡി മാത്രം ആളുകള്‍ക്ക് മനസ്സിലാവാതെ പോയതാണ് കുഴപ്പമെന്ന്. ചിലര്‍ അത് ശരിവച്ചു, ചിലര്‍ എതിര്‍ത്തു.ബ്ലോഗ് മീറ്റ് പൊളിക്കാനായിരുന്നു അതെന്നും വാദമുണ്ടായി. ബ്ലോഗ് സൗഹൃദസംഗമം [...]

ഏതൊരു പ്രസ്ഥാനത്തിനും അതിന്‍റേതായ ഒരു ഹിസ്റ്ററി ഉണ്ട്. മലയാളം ബ്ലോഗിനും ഉണ്ട് ഹിസ്റ്ററി.ഇതുപോലെ ഇക്കണോമിക്സ്, പൊളിറ്റിക്സ്, കെമിസ്ട്രി തുടങ്ങിയവയും ഉണ്ട്. നമ്മുടെ വിഷയം ബ്ലോഗ് ഹിസ്റ്ററി മാത്രമായതുകൊണ്ട് അക്കാര്യം പറയാം. ബ്ലോഗ് തുടങ്ങിയിട്ട് നാലോ അഞ്ചോ വര്‍ഷമല്ലേയായുള്ളൂ, പിന്നെന്തിനാ ചരിത്രപഠനം എന്നൊക്കെ ചില കരിങ്കാലികള്‍ ചോദിക്കും. അങ്ങനെയല്ല. എല്ലാം ചരിത്രത്തില്‍ രേഖപ്പെടുത്തി വയ്‍ക്കണം. പുതുതലമുറയെ പഠിപ്പിക്കണം. അല്ലെങ്കില്‍ പുതുതായി ബ്ലോഗ് തുടങ്ങിവരുന്ന തോലകള്‍ നമ്മളെ വകവയ്‍ക്കില്ല. ഇന്ത്യ, സ്വാതന്ത്ര്യസമരം, മഹാത്മാഗാന്ധി എന്നൊക്കെ പാഠപുസ്തകത്തില്‍ പഠിപ്പിക്കുന്നതു കൊണ്ടാണല്ലോ ഇന്നത്തെ [...]

അവനെ കൊന്നുകളയുക.. അരച്ചരച്ചരച്ചു കൊന്നുകളയുക..
അതെ അവനെ കൊന്നുകളയുക.. അരച്ചരച്ചരച്ചരച്ചരച്ചരച്ചരചച്ചരച്ചരച്ചരച്ചു കൊന്നുകളയുക
എന്തിന് ? അവനും നിങ്ങളെപ്പോലൊരുവനല്ലേ ?
അല്ല അവന്‍ ഞങ്ങള്‍ക്കെതിരാണ്.. ഞങ്ങള്‍ക്കെല്ലാവര്‍ക്കും എതിരാണ്.. അവനെ കൊന്നുകളയുക..
അതെ.. ഞങ്ങളുടെ ആശയങ്ങളെ അവന്‍ എതിര്‍ത്തു.. ഞങ്ങളുടെ സംഗമങ്ങളെ അവന്‍ ചോദ്യം ചെയ്തു..
ആരാണ് നിങ്ങള്‍ ?
ഞങ്ങള്‍… ഞങ്ങളൊക്കെ.. ഞങ്ങള്‍ക്കിടയില്‍ ഒരു ധാരണയുണ്ട്.. ഞങ്ങള്‍ ഒന്നാണ്…
ഞങ്ങള്‍ പരസ്പരം ഉപദ്രവിക്കില്ല.. പരസ്പരം പുറത്തുതട്ടി അഭിനന്ദിക്കും.. പൊട്ടിച്ചിരിക്കും..
അവനോ.. അവന്‍ അവന് ആരോടും സ്നേഹമില്ല.. അവനോടു മാത്രമേയുള്ളൂ..
അവനെ കൊല്ലണം.. അവന്റെ പണി കളയണം.. അവന്റെ [...]