ബെര്‍ളിത്തരങ്ങള്‍

കാശുണ്ടാക്കിയിട്ട് ഒരാനയെ വാങ്ങി മുറ്റത്തു കെട്ടിയിട്ട് ‘പോയി പത്രമെടുത്തോണ്ടു വാടാ പോത്തേ’ എന്ന് ആനയെ നോക്കി ആക്രോശിക്കാനുള്ള അഭിനിവേശത്തിനു കര്‍ട്ടന്‍ വീഴുകയാണ്. നമ്മള്‍ പട്ടിയെപ്പോലെ പരിപാലിച്ചിരുന്ന ആന ഒരു പുലിയാണെന്ന് സര്‍ക്കാര്‍ പ്രഖ്യാപിച്ചിരിക്കുന്നു !

സംസ്ഥാന സ്കൂള്‍ കായികമേള കഴിഞ്ഞ് കപ്പ് കോരുത്തോട് കൊണ്ടുപോയി എന്നു കേള്‍ക്കാന്‍ കാത്തിരിക്കുന്നവരോട് ഇത്തവണ കോതമംഗലമാണ് എന്നു പറയുന്നതുപോലെയാണ് ഈ ഓണത്തിന് ചാലക്കുടിയെ കരുനാഗപ്പള്ളി തറപറ്റിച്ചു എന്നു പറയുന്നത്.

വിശ്വനാഥന്‍ ആനന്ദ് തമിഴ്‍നാട്ടുകാരനാണ്. എത്ര മലയാളം താരങ്ങള്‍ക്ക് ഹൈദരാബാദ് യൂണിവേഴ്സിറ്റി ഡോക്ടറേററ് നല്‍കിയിട്ടുണ്ട് ? അതുപോലെ ആനന്ദിനു അമ്മയില്‍ അംഗത്വവുമില്ല. ഡോക്ടറേറ്റ് നിഷേധിക്കാന്‍ ഇതിനെക്കാള്‍ ശക്തമായ കാരണങ്ങള്‍ വേറെ വേണോ ?

16 കൂട്ടം ടച്ചിങ്സും അനവധിയായ ബ്രാന്‍ഡുകളും മാലോകരെല്ലാം ഒന്നുപോലെയാണെന്ന് വിളിച്ചുപറയുന്ന സുദിനം. എല്ലാ മലയാളികള്‍ക്കും എന്‍റെ തിരുവോണാശംസകള്‍.

പുറംരാജ്യത്തു കുടുങ്ങിപ്പോയ ഇന്ത്യക്കാരെ കഷ്ടപ്പെട്ടു ബുദ്ധിമുട്ടി നാട്ടിലെത്തിച്ചു എന്നദ്ദേഹം പറഞ്ഞത് പച്ചക്കള്ളമാണെന്ന് നാട്ടില്‍ മടങ്ങിയെത്തിയ തൊഴിലാളികള്‍ തന്നെ പറയുമ്പോള്‍ രവിച്ചേട്ടന്‍ എന്തൊരു ഫ്രോഡാണെന്ന് നമ്മളൊക്കെ ആലോചിച്ചു പോകും.

ആത്മഹത്യ ചെയ്യുന്നവന് പെണ്ണുകേസുമായോ അത്തരം ഏതെങ്കിലും കേസുകളുമായോ ബന്ധമില്ലെങ്കില്‍, ബ്ലേഡ്-ബാങ്ക്- കടം- കര്‍ഷകന്‍ എന്നീ ഏതെങ്കിലും ടാഗുകള്‍ യോജിക്കുന്നവനാണെങ്കില്‍ അതൊരു വിശുദ്ധ ആത്മഹത്യയായി കണക്കാക്കപ്പെടും.

റഷ്യന്‍ ഫോട്ടോഗ്രാഫറായ സെര്‍ജി മിഖായേലോവിച് പ്രൊകുദിന്‍ ഗോര്‍സ്കിയുടെ ശ്രദ്ധേയമായ ചിത്രങ്ങള്‍ 1910നും 1915നും ഇടയിലെടുത്തിട്ടുള്ളതാണ്. കളര്‍ എന്നു പറഞ്ഞാല്‍ ഡിജിറ്റല്‍ ഫോട്ടോഗ്രഫിയെ ലജ്ജിപ്പിക്കുന്ന ഡെപ്തുള്ള ചിത്രങ്ങള്‍.

നമ്മുടെ എല്ലാം എല്ലാമാണെന്നു പറഞ്ഞ് നാട്ടുകാരെല്ലാം കൂടി കോമഡി പറഞ്ഞു പറഞ്ഞു താരമാക്കിയ ഓപണ്‍സോഴ്സ് സൂപ്പര്‍സ്റ്റാര്‍ ടിന്റുമോനെ മണ്ണും ചാരി നിന്ന ഇരിങ്ങാലക്കുടക്കാരന്‍ കൊണ്ടുപോകുന്നു.

ലോകജനതയ്ക്കാകമാനം ഇന്ത്യയും ഇന്ത്യക്കാരും പ്രചോദനവും പ്രതീക്ഷയുടെ
വെളിച്ചവുമാണ്- ബരാക് ഒബാമ (പ്രസിഡന്‍റ്, യുഎസ്എ), 15 ഓഗസ്റ്റ്, 2010.

ഹോട്ടലാണെന്നു കരുതി ബാര്‍ബര്‍ ഷാപ്പില്‍ കയറുന്നതും ബാര്‍ബര്‍ ഷാപ്പിനു മുന്നില്‍ ഹോട്ടല്‍ എന്നു ബോര്‍ഡ് കണ്ട് കയറുന്നതും തമ്മില്‍ വ്യത്യാസമുണ്ട്. ആഗ്രഹിക്കാത്തത് സംഭവിച്ചു എന്നു തിരിച്ചറിയുന്ന നിമിഷം വരെ ഇര എല്ലാം ആസ്വദിക്കുന്നുണ്ട്.

എലിമിനേഷന്‍ റൗണ്ടു കഴിയുന്ന രാവുകളില്‍‍ കരഞ്ഞു കരഞ്ഞു തളര്‍ന്നുറങ്ങുന്ന പ്രേക്ഷകര്‍ ഇനിയും മനസാക്ഷി നഷ്ടപ്പെട്ടിട്ടില്ലാത്ത ഒരു സമൂഹത്തിന്‍റെ പ്രതീകമാണ്.സ്വവര്‍ഗാനുരാഗികളുടെ എലിമിനേഷന്‍ റൗണ്ടുകളില്‍ എതിര്‍ലിംഗാനുരാഗി ചിരിക്കുമോ കരയുമോ ?