ഓര്മകളുടെ പുന:പ്രക്ഷേപണം
1966ലെ വിഷുദിനത്തില് തുടങ്ങിയ കോഴിക്കോട് നിലയത്തിലെ വാര്ത്താ പ്രക്ഷേപണം അപ്രതീക്ഷിതമായ വെല്ലുവിളികളിലൂടെയാണു കടന്നുവന്നത്. വാര്ത്താപ്രക്ഷേപണത്തിനു തുടക്കംകുറിക്കാന് ഡല്ഹിയില്നിന്നെത്തിയ കെ. ഗോപിനാഥിന്റെ സ്മരണകളില് എണ്പത്തിയഞ്ചാം വയസ്സിലും വാര്ത്താപ്രക്ഷേപണത്തിന്റെ ഓര്മകള് സജീവം.
അതുവരെ തിരുവനന്തപുരത്തുനിന്നു റിലേ ചെയ്തിരുന്ന മലയാളം വാര്ത്തയെ കോഴിക്കോട്ടുനിന്നു തുടങ്ങി മലബാറിന്റെ ഇലക്ട്രോണിക് വാര്ത്താ സംസ്കാരത്തിനു തുടക്കംകുറിക്കുക എന്ന ദൌത്യം തുടങ്ങി വിജയകരമായി പൂര്ത്തിയാക്കിയതിനു പിന്നില് ഗോപിനാഥിന്റെ സാഹസികതയാര്ന്ന മനസ്സുതന്നെയായിരുന്നു.
സഹപ്രവര്ത്തകനായിരുന്ന പി.കെ. മൊയ്തീന്കോയയോടൊപ്പം ആറു വര്ഷത്തോളം കഠിനാധ്വാനം ചെയ്തതിന്റെ ഫലമായി, തുടര്ന്നുള്ള കാലങ്ങളില് ആകാശവാണിയെ മലബാര് നെഞ്ചിലേറ്റി.
ഒരു വൈകുന്നേരം [...]
