ബെര്‍ളിത്തരങ്ങള്‍

വായനയെ ആരെങ്കിലും കൊല്ലാന്‍ ശ്രമിക്കുന്നുണ്ടെങ്കില്‍ അത് സിനിമയാണ് സീരിയലാണ് ഇന്റര്‍നെറ്റാണ് എന്നൊക്കെയാണ് ആരോപണം എങ്കില്‍ വായന എന്ന പുരാതന അനുഭവത്തിലേക്ക് നെറ്റ് വായനക്കാരെ കൂട്ടിക്കൊണ്ടുപോവുകകയാണ് ഗൂഗിള്‍, ഏറ്റവും പുതിയ ആപ്ളിക്കേഷനിലൂടെ. പരമ്പരാഗത വെബ് ബ്രൌസിങ് അനുഭവത്തെ വേറിട്ടതാക്കുക എന്നതോടൊപ്പം പുസ്തകത്തിന്റെ പേജുകള്‍ മറിക്കുന്നതു പോലെ വെബ് പേജുകള്‍ മറിച്ച് വായിക്കാനുള്ള അവസരമൊരുക്കുകയാണ് ഈ പുതിയ ആപ്ലിക്കേഷനിലൂടെ.
ഗൂഗിള്‍ ഫാസ്റ്റ് ഫ്ലിപ് എന്നു പേരിട്ടിരിക്കുന്ന ഈ ഗൂഗിള്‍ ലാബ്സ് ആപ്ളിക്കേഷന്‍ http://fastflip.googlelabs.com/ എന്ന വിലാസത്തിലാണ് ലഭ്യമായിട്ടുള്ളത്. പുസ്തകത്തിന്റെ പേജുകള്‍ [...]

അരുതാത്ത കാര്യങ്ങള്‍ക്ക് അറിയാതെ ഇരയാവുന്നതോളം മോശപ്പെട്ട കാര്യം വേറെയില്ല. നല്ലതു മാത്രം കാണാനും അറിയാനുമായി ഇന്റര്‍നെറ്റില്‍ വല്ലതും സേര്‍ച്ച് ചെയ്താല്‍ പോലും സമയദോഷം കൊണ്ടോ കീവേര്‍ഡിന്റെ അപൂര്‍ണത കൊണ്ടോ ചിലപ്പോള്‍ മുന്നില്‍ വരുന്നത് ബിക്കിനിയിട്ട ചേച്ചിമാരായിരിക്കും. വ്രതമാസത്തില്‍ ഹറാമായ റിസള്‍ട്ടുകള്‍ പേടിച്ച് ഇന്റര്‍നെറ്റു തന്നെ വേണ്ടെന്നു വച്ചിരിക്കുന്നവര്‍ക്കു വേണ്ടി ഹലാല്‍ ചിക്കന്‍ എന്നൊക്കെ പറയുന്നതു പോലെ ഒരു ഹലാല്‍ സേര്‍ച്ച് എന്‍ജിന്‍ രൂപകല്‍പന ചെയ്തിരിക്കുകകയാണ് പതിനേഴുകാരനായ നെതര്‍ലന്‍ഡ്സ് സ്വദേശി റെസ സര്‍ദേഹ.
ഐആം ഹലാല്‍ (imhalal.com) എന്ന [...]

“Perfection is achieved, not when there is nothing more to add, but when there is nothing left to take away”
മഹാത്മാഗാന്ധിയോ മാര്‍ട്ടിന്‍ ലൂതര്‍ കിങ്ങോ അല്ല, നമ്മുടെ സ്വന്തം അസിന്‍ തോട്ടുങ്കലിന്റേതാണ് ഈ മഹദ്വചനം. ഈശ്വരാ സിനിമാക്കാരൊക്കെ ഇപ്പോള്‍ ഈ ലൈനിലായോ എന്നു നമ്മള്‍ അദ്ഭുതപ്പെടും. സിനിമാക്കാര്‍ മാത്രമല്ല മിക്കവാറും ആളുകള്‍ ഇപ്പോള്‍ ഈ ലൈനിലുള്ള തത്വചിന്തകരാണ്. പക്ഷെ, ഒന്നുണ്ട്, ആരും തത്വചിന്തകരായി ജനിക്കുന്നില്ല, ഈ സമൂഹമാണ് അവരെ അങ്ങനെയാക്കി [...]

ഇനി ഒന്നും നോക്കാനില്ല. ഇന്റര്‍നെറ്റ് എന്നു കേള്‍ക്കുമ്പോഴേ അതൊക്കെ പുതിയ പിള്ളേരുടെ ഓരോ ഇടപാടല്ലേ എന്നു ചോദിക്കുന്നവരുടെ കാലുവാരിക്കൊള്ളുക. കാരണം, പുതിയതും പഴയതുമായ പിള്ളേര്‍ അര്‍മാദിക്കുന്ന മഹത്തായ ഇന്റര്‍നെറ്റിനു തിരുവോണദിവസം നാല്‍പതാം പിറന്നാളായിരുന്നു. 1969 സെപ്റ്റംബര്‍ രണ്ടിനായിരുന്നു ലൊസാഞ്ചലസില്‍ ഇന്റര്‍നെറ്റിന്റെ ആദ്യരൂപമായ അര്‍പാനെറ്റ് കണ്ടുപിടിക്കപ്പെട്ടത്, അഥവാ പ്രവര്‍ത്തനം തുടങ്ങിയത്.
ഇന്ന്, ലോകം കംപ്ളീറ്റും ഇന്റര്‍നെറ്റിലേക്കു മാറുകയാണ്. ജീവിച്ചിരിക്കുന്ന ഓരോ മനുഷ്യനും ഇന്റര്‍നെറ്റില്‍ കൂടി ഒരു ഐഡന്റിറ്റി വേണമെന്നതാണ് പുതിയ ലോകത്തിന്റെ തത്വം. ഇല്ലെങ്കില്‍ പിന്നെ ജീവിച്ചിരുന്നിട്ടെന്തു കാര്യം [...]

ഇനിയും ഫേസ്ബുക്ക് ഇന്‍വിറ്റേഷന്‍ കിട്ടാത്ത ആരെങ്കിലുമുണ്ടെങ്കില്‍ നേരേ www.facebook.com എന്ന സൈറ്റില്‍ ചെന്നു റജിസ്റ്റര്‍ ചെയ്ത് ഒരക്കൌണ്ട് ഉണ്ടാക്കുക. മൈസ്പേസ് കഴിഞ്ഞാല്‍ ലോകത്ത് ഏറ്റവുമധികം അംഗങ്ങളുള്ള സോഷ്യല്‍ നെറ്റ്വര്‍ക്കിങ് സൈറ്റായ ഫേസ്ബുക്ക് ഇന്ത്യന്‍ എഡിഷന്‍ തുടങ്ങിയതാണ് ഇന്ത്യയില്‍ ഫേസ്ബുക്ക് തരംഗത്തിനു കാരണമായത്. മേയ് ആദ്യവാരം തന്നെ ആറ് ഇന്ത്യന്‍ പ്രാദേശികഭാഷകളില്‍ കൂടി ഫേസ്ബുക്ക് ലഭ്യമാക്കിയതോടെ വളര്‍ച്ചയുടെ വേഗം കൂടി.
ഗൂഗിളിന്റെ സോഷ്യല്‍ നെറ്റ്വര്‍ക്കിങ് സൈറ്റായ ഓര്‍കുട്ടിന് ഏറ്റവുമധികം ഉപയോക്താക്കളുള്ള ബ്രസീലിലും ഇന്ത്യയിലുമാണ് ഫേസ്ബുക്ക് കഴിഞ്ഞ രണ്ടുമാസത്തിനിടെ അഭൂതപൂര്‍വമായ [...]

ഒരിക്കലും അവസാനിക്കാത്ത ഒരു അന്വേഷണമാണ് ജീവിതം. ഭക്ഷണം, പാര്‍പ്പിടം, വസ്ത്രം, രതി അങ്ങനെ വേണ്ടതും വേണ്ടാത്തതുമെല്ലാം അന്വേഷിച്ചു കണ്ടെത്തുകയാണ് ആധുനികമനുഷ്യന്‍. എന്നാല്‍ അതിനെക്കാള്‍ സങ്കീര്‍ണമാണ് അവനവനെ തന്നെ അന്വേഷിക്കുന്നത്. കൃത്യമായ സൂചനകളും വഴികാട്ടികളുമില്ലാതെ ഒരാള്‍ സ്വയം അന്വേഷിച്ചു തുടങ്ങുമ്പോള്‍ ഒരു പക്ഷേ ആരും കൂട്ടിനുണ്ടായെന്നു വരില്ല. അത്തരമൊരു പ്രതിസന്ധി നേരിടുന്നവര്‍ ഇനി വിഷമിക്കേണ്ട, നിങ്ങളെയും ഗൂഗിള്‍ സേര്‍ച്ച് സഹായിക്കും. ആത്മാന്വേഷണം എന്ന ആത്മീയാന്വേഷണത്തെ സഹായിക്കാന്‍ ദൈവം തമ്പുരാനു മാത്രമേ പറ്റൂ. ഇത് ഗൂഗിളില്‍ സ്വന്തം പേര് ടൈപ്പ് [...]

അറിയാതെ കൈവിട്ടു പോകുന്ന ഇമെയിലുകള്‍ ഉണ്ടാക്കുന്ന അപകടങ്ങള്‍ എന്തൊക്കെയാണെന്ന് അതനുഭവിച്ചവര്‍ക്കേ അറിയൂ. അടുത്ത കൂട്ടുകാരിക്ക് അയക്കുന്ന പ്രേമലേഖനം മുതല്‍ കള്ളുകുടിച്ച് ഇരുനൂറും മുന്നൂറും പേര്‍ക്കയച്ചുപോകുന്ന നല്ല ഒന്നാം തരം തെറികളും ഡ്രാഫ്ടില്‍ ഇങ്ങനെ മിനുക്കി മിനുക്കി വച്ച ശേഷം അബദ്ധത്തില്‍ അയച്ചുപോകുന്ന രാജിക്കത്തുകളും തുടങ്ങി ആര്‍ക്കും എപ്പോഴും മെയിലുകള്‍ അയക്കപ്പെട്ടുപോകാം. ഇവരില്‍ കള്ളുകുടിയന്‍മാരെ തല്‍ക്കാലത്തേക്ക് രക്ഷിക്കാന്‍ ഗൂഗിള്‍ നേരത്തെ ഒരു സംവിധാനം ഏര്‍പ്പെടുത്തിയിരുന്നു.
ഇതനുസരിച്ച് ഗൂഗിളിന്റെ ജിമെയിലില്‍ നിന്ന് രാത്രി വൈകി അയക്കുന്ന മെയിലുകള്‍ നിങ്ങള്‍ സുബോധത്തോടെയാണ് [...]

വെറും 10 ഡോളറിന് ഒരു ലാപ്ടോപ് ഇറക്കി ഇന്ത്യ ചരിത്രത്തില്‍ ഇടം നേടാന്‍ പോകുന്നു. വാര്‍ത്ത എല്ലാ മാധ്യമങ്ങളിലും വന്നു. ബ്രിട്ടീഷ് അമേരിക്കന്‍ പത്രങ്ങള്‍ അദ്ഭുതം കലര്‍ന്ന ഞെട്ടലോടെ സംഗതി അവതരിപ്പിച്ചു. ഇന്ത്യക്കാരനല്ലേ ചിലപ്പോള്‍ ഇറക്കിക്കളയും എന്നവര്‍ വിശ്വസിച്ചു. ഭീകര കംപ്യൂട്ടര്‍ കംപ്യൂട്ടര്‍ മുട്ടുവിറച്ചു കാത്തിരുന്നു. ചിലരാകട്ടെ ചതുരത്തിലിരിക്കുന്ന ഒരുപകരണത്തിന്റെ ചിത്രത്തോടൊപ്പം ഇന്ത്യയിലെ വിദ്യാഭ്യാസവകുപ്പ് പുറത്തിറക്കാനിരിക്കുന്ന 10 ഡോളറിന്റെ കംപ്യൂട്ടര്‍ എന്ന് അടിക്കുറിപ്പു വരെ കൊടുത്തു. അപ്പോഴും ചിലര്‍ സംശയങ്ങള്‍ ഉന്നയിച്ചു. എല്‍സിഡിക്കു തന്നെ പത്തുമുപ്പത്തഞ്ചു ഡോളറാകുന്ന [...]

ഓര്‍ക്കുട്ടിലില്ലെങ്കില്‍ ആള്‍ ജീവിച്ചിരിപ്പില്ല എന്നതാണ് ഇന്നത്തെ സമൂഹത്തില്‍ പഴയ സുഹൃത്തുക്കളെ അന്വേഷിക്കുന്നവരുടെ ഒരു മാനദണ്ഡം. ഓര്‍ക്കുട്ട് വന്നതോടെ പണ്ട് കോംപസു കൊണ്ട് കുത്തിയ ആറാം ക്ളാസ്സുകാരനെയും ഒന്‍പതാംക്ളാസ്സില്‍ നോക്കി നോക്കി ഇരുന്ന സുന്ദരിയെയും ഒക്കെ അന്വേഷിച്ചു കണ്ടെത്തി സൌഹൃദം പുതുക്കാനുള്ള അവസരമായി.
എന്നാല്‍ തീവ്രവാദ, ലഹരിമരുന്ന്, ലൈംഗിക കമ്മ്യൂണിറ്റികളുടെ അതിപ്രസരവും വ്യക്തിഗതവിവരങ്ങളുടെ ദുരുപയോഗവും മൂലം ആളുകള്‍ പ്രൊഫൈല്‍ ഡിലീറ്റ് ചെയ്ത് ഓര്‍ക്കുട്ട് വിട്ടുപോവുകയോ കേവലസ്ക്രാപ്പിനപ്പുറത്തേക്ക് ഓര്‍ക്കുട്ടിങ് കുറച്ചുവച്ചിര്ിക്കുകയോ ഒക്കെയാണിപ്പോള്‍. മിക്കവാറും ഓഫിസുകളിലും മറ്റും ഓര്‍ക്കുട്ട് ബ്ലോക്ക് ചെയ്തിരിക്കുന്നതിനാല്‍ നിത്യോപയോഗസൈറ്റ് [...]