ബെര്‍ളിത്തരങ്ങള്‍

ഇനി നമ്മള്‍ ഒരേയൊരു ടീമിനോടൊപ്പമേ നില്‍ക്കേണ്ടതുള്ളു, അത് ഹോളണ്ട് ആണ്. ഹോളണ്ട് ജയിച്ചാല്‍ നമുക്ക് ലഭിക്കുന്നത് പോര്‍ണോ പടങ്ങളിലൊക്കെ സമൃദ്ധമായി കാണാറുള്ള അനുഭവമാണ്. എല്ലാവരും കൂടി മുട്ടിപ്പായി പ്രാര്‍ഥിച്ചാല്‍ ഹോളണ്ട്, ജയിക്കും. ജയിച്ചാല്‍ ങ്ഹും.. ങ്ഹാ.. ങ്ഹം !

കന്യകാത്വം എന്നു പറയുന്നത് ഇത്രേം വില പിടിപ്പുള്ള സാധനമാണെന്ന് നേരത്തേ അറിഞ്ഞിരുന്നെങ്കില്‍ പതിനാലാം വയസ്സില്‍ ഞാനത് നശിപ്പിക്കില്ലായിരുന്നു. കുറച്ചെങ്കിലും ബാക്കിയുണ്ടായിരുന്നെങ്കില്‍ ഇൌ വര്‍ഷം അല്ലെങ്കില്‍ അടുത്ത വര്‍ഷം എനിക്കത് കോടികള്‍ക്കു വില്‍ക്കാമായിരുന്നു- എന്നാര്‍ക്കെങ്കിലും തോന്നാന്‍ ഈ പോസ്റ്റ് കാരണമായാല്‍ അതിന് ര്‍ഞാന്‍ ഉത്തരവാദിയല്ല. വിദേശരാജ്യത്ത് നടപ്പാക്കുന്ന റിയാലിറ്റി ഷോകള്‍ കുറച്ചുകാലം കഴിയുമ്പോള്‍ സാരിയും മുണ്ടുമുടുത്ത് ഇവിടേക്കു വരുന്ന പതിവ് ഇതിന്റെ കാര്യത്തിലും സംഭവിച്ചാല്‍ ഐഡിയ സ്റ്റാര്‍ കന്യക(ന്‍) എന്ന പേരിലോ മറ്റോ വരാനിടയുള്ള റിയാലിറ്റി ഷോയില്‍ പങ്കെടുക്കാനാവാത്തവര്‍ [...]

ചോര കൊടുത്തും നീര് (കണ്ണീരാണ് ഉദ്ദേശിക്കുന്നത്) കൊടുത്തും ലോകത്ത് സ്ത്രീകള്‍ തങ്ങളുടെ ഒരു ശുഷ്കാന്തി ഒന്നു കൊണ്ടു മാത്രം നിലനിര്‍ത്തിപ്പോകുന്ന പ്രസ്ഥാനമാണ് കുടുംബം. ചോര എന്നു പറയുമ്പോള്‍ ചെറിയ കണ്‍ഫ്യൂഷന്‍ ഉണ്ടാവും. എത്ര പുരോഗമനക്കാരന്‍ ആണെന്നു പറഞ്ഞാലും ശരി ഫസ്റ്റ് നൈറ്റില്‍ മേല്‍പ്പറഞ്ഞ ചോര കണ്ടില്ലെങ്കില്‍ ദാമ്പത്യത്തിന്‍റെ അടിത്തറയിലെ ഒരു കല്ല് ഇളകി വീഴും.
അതെന്തു കൊണ്ടാണെന്നു ചോദിച്ചാല്‍ ആര്‍ക്കും അറിയില്ല. നമ്മള്‍ കടയില്‍ ഒരു സാധനം വാങ്ങാന്‍ പോകുന്നു. സാധനം എന്തുമാവട്ടെ അതിന്‍റെ കവറിന്‍റെ പുറത്ത് [...]

അശ്ലീലത്തിന്റെ നിര്‍വചനങ്ങള്‍ മാറുകയും ഒരു കാലത്ത് നികൃഷ്ടമെന്നു കരുതിയിരുന്ന പോര്‍ണോഗ്രഫി ഒരു കലയായി വിശേഷിപ്പിക്കപ്പെടുകയും ചെയ്യുമ്പോള്‍ ഇതൊന്നും കാണാനും കേള്‍ക്കാനും കഴിയാത്തവര്‍ ഭാഗ്യവാന്‍മാര്‍ അല്ലെങ്കില്‍ നിര്‍ഭാഗ്യവാന്‍മാര്‍ എന്നാരെങ്കിലും ആത്മഗതം ചെയ്തിട്ടുണ്ടെങ്കില്‍ പശ്ചാത്തപിക്കുക, അന്ധര്‍ക്കു വേണ്ടി നിര്‍മിച്ച ലോകത്തെ ആദ്യത്തെ സമ്പൂര്‍ണ കൊച്ചുപുസ്തകം ആദ്യലക്കം പുറത്തിറങ്ങിയിരിക്കുന്നു. Tactile Mind എന്നു പേരിട്ടിരിക്കുന്ന ഈ അഡള്‍ട്ട് മാഗസിനില്‍ ബ്രെയില്‍ ലിപിയിലുള്ള ഉഗ്രന്‍ കഥകളും വിവരണങ്ങളും വായനക്കാരന്റെ നെഞ്ചിടിപ്പുലയ്ക്കുന്ന ചിത്രങ്ങളും ആണുള്ളത്.
അന്ധരായിട്ടുള്ളവര്‍ എങ്ങനെ ചിത്രം ആസ്വദിക്കും എന്നു ചോദിച്ചാല്‍ ചിത്രങ്ങളാണ് [...]

പരാതികളില്ല; പരിഭവമില്ല, തലയണമന്ത്രങ്ങളില്ല. അഥവാ എന്തെങ്കിലും പ്രശ്നമുണ്ടായാല്‍ കട്ടില്‍ വടക്കോട്ട് മാറ്റിയിട്ട് തിരിഞ്ഞു കിടന്നുറങ്ങുന്ന പ്രശ്നമില്ല. എച്ച്ഐവിയെ പേടിക്കേണ്ട, റേറ്റ് കൂട്ടുമോ എന്നും ആശങ്ക വേണ്ട. രോഗമോ വാര്‍ധക്യമോ ഒരു ഭീഷണിയാകാനും പോകുന്നില്ല. എന്നെങ്കിലും ഇതെല്ലാം പത്രസമ്മേളനം വിളിച്ച് പരസ്യപ്പെടുത്തുമെന്നോ നിങ്ങളറിയാതെ വിഡിയോ എടുത്ത് നെറ്റില്‍ അപ്ലോഡ് ചെയ്യുമെന്നോ ഭയപ്പെടുകയും വേണ്ട.
അവിവാഹിതനായി ആയുഷ്കാലം ജീവിക്കാന്‍ തീരുമാനിക്കുന്ന ഫ്രോഡുകള്‍ക്കും കറുത്തതോ വെളുത്തതോ കാവി പൂശിയതോ ആയ കുപ്പായങ്ങള്‍ക്കുള്ളില്‍ ദൈവത്തിന്റെ ഏജന്റായി ജീവിക്കുന്നവര്‍ക്കും, മൊത്തത്തില്‍ പെണ്ണിനെ കൊണ്ടുള്ള പ്രയോജനം [...]

എനിക്കു ടെന്നിസ് അറിയില്ല. എങ്കിലും കളി കണ്ടാല്‍ ഞാന്‍ ഇരുന്നുപോവും. ബോറിസ് ബെക്കറും ആന്ദ്രെ അഗാസിയും റോജര്‍ ഫെഡററും ഒക്കെ എന്റെ ഇഷ്ടതാരങ്ങളാണ്. ഇവരുടെയൊക്കെ കളി കണ്ടിരിക്കാന്‍ എനിക്കു കിറുക്കില്ല.ഇവരൊക്കെ വലിയ കളിക്കാരാണെന്നു പത്രത്തില്‍ വായിച്ചറിഞ്ഞതാണ്. സ്റ്റെഫി ഗ്രാഫ് മുതല്‍ ഇങ്ങോട്ട് ഒട്ടേറെ വനിതാ ടെന്നിസ് താരങ്ങളുടെ കളിയാണ് ഞാന്‍ ഇരുന്നു (ചിലപ്പോള്‍ കിടന്നും) കണ്ടിട്ടുള്ളത്. എന്നെപ്പോലെയൊരു മൂന്നാംകിട വായില്‍നോക്കിക്ക് ടെന്നിസില്‍ എന്തു കമ്പം എന്നു ചോദിച്ചാല്‍ കൃത്യമായും ഒരുത്തരമേയുള്ളൂ- കളിക്കാരികളിലാണു കമ്പം. സ്റ്റെഫി ഗ്രാഫ്, മോണിക്ക [...]

ഇന്നു രാജ്യാന്തര ലൈംഗികത്തൊളിലാളി ദിനം. തങ്ങളുടെ ദിനം വന്നതറിയാതെ ലോകമെങ്ങും അനകം അനേകം മഹതികള്‍ തങ്ങളുടെ തൊഴിലില്‍ ഏര്‍പ്പെട്ടുകൊണ്ടിരിക്കുന്നു. അറിഞ്ഞവര്‍ക്കും അറിയാത്തവര്‍ക്കും പുരുഷലോകത്തിന്‍റെ വക അഭിവാദ്യങ്ങള്‍ !

വേശ്യാവൃത്തി വൃത്തിയും അതുപോലെ മല്‍സരവുമുള്ള മാന്യമായ തൊഴിലായി മാറിയപ്പോള്‍ മൊത്തത്തില്‍ ചരക്കിനു വില കുറയുകയും നിലവാരം കുറഞ്ഞ ചരക്കുകള്‍ക്ക് വില കിട്ടാതാവുകയും ചെയ്തതോടെ സ്വയം ചരക്കായി അംഗീകരിച്ച് വ്യത്യസ്തമായ വിപണനതന്ത്രങ്ങളുമായി വിപണിയിലേക്കിറങ്ങാന്‍ നിര്‍ബന്ധിതരായിരിക്കുകയാണ് ചില പെണ്‍കുട്ടികള്‍. മനുഷ്യക്കടത്തും കച്ചവടവും ഒന്നും ഒരു പുതുമയല്ല. പെണ്‍വാണിഭം കേരളത്തില്‍ പോലും ഒരു കുടില്‍വ്യവസായമാണ്. ഞാന്‍ പറഞ്ഞുവരുന്നത് വിദേശത്തെ കാര്യമാണ്.
വെബ്സൈറ്റിലൂടെ തന്റെ കന്യകാത്വം വില്‍പനയ്ക്ക് വച്ച് ഒരാഴ്ച കൊണ്ട് ഒറ്റയടിക്ക് ആറരലക്ഷം രൂപ (10,000 യൂറോ) സമ്പാദിച്ച റുമേനിയന്‍ വിദ്യാര്‍ത്ഥിനി [...]

ചൈനയെക്കുറിച്ച് വല്ലതുമൊക്കെ പറയാനുള്ള അവകാശം ഇനി മുതല്‍ കമ്മ്യൂണിസ്റ്റുകാര്‍ക്കു മാത്രമുള്ളതല്ല. എന്നെപ്പോലുള്ളവര്‍ക്കും വിശാലചൈനയെ സ്നേഹിക്കാന്‍ ഒരു കാരണമുണ്ടായിരിക്കുന്നു. കമ്മ്യൂണിസം എന്നു പറയുന്നത് മൂരാച്ചി പിന്തിരിപ്പന്‍ പ്രസ്ഥാനമാണെന്നു കരുതുന്നവരും പ്രചരിപ്പിക്കുന്നവരും ഇതോടെ ഒരു പാഠം പഠിച്ചുകൊള്ളും. വെള്ളം ദുരുപയോഗിക്കുന്നെന്നു പറഞ്ഞ് കുടിക്കാനുള്ള കോള ഉണ്ടാക്കുന്ന കമ്പനിക്കാരെ അടിച്ചോടിച്ചിട്ട് കുളിക്കാനും കുന്തം മറിയാനും മറ്റുമായി ഇവിടെ കണ്ണൂരില്‍ പാര്‍ട്ടി വിസ്മയ എന്ന പേരില്‍ ഒരു വാട്ടര്‍ തീം പാര്‍ക്ക് തുടങ്ങിയെന്നും പറഞ്ഞ് എന്നാ ബഹളമായിരുന്നു. ഇനിയിപ്പോള്‍ ഒരുത്തനും മിണ്ടണ്ടല്ലോ.
ചൈനയില്‍ [...]

എത്രയോ ടീച്ചര്‍മാര്‍ നമ്മളെയൊക്കെ പഠിപ്പിച്ചിരിക്കുന്നു. എന്നിട്ടും ഇങ്ങനെയൊരു ടീച്ചറെ നമുക്കു കിട്ടിയില്ല. ആറിലോ ഏഴിലോ പഠിക്കുമ്പോള്‍ റിലീസ് ചെയ്ത എന്റെ ട്യൂഷന്‍ ടീച്ചര്‍ എന്ന സിനിമ തിയറ്ററില്‍ പോയി കണ്ടതിനു ശേഷം എല്ലാ ടീച്ചര്‍മാരോടും ഒരിതു തോന്നിയിരുന്ന കാലത്ത് ഇതിന്റെ പകുതി വീര്യമെങ്കിലുമുള്ള ഒരു ടീച്ചര്‍ നമ്മുടെയൊന്നും ജീവിതത്തിലേക്കു കടന്നുവരാത്തതില്‍ നമുക്കു പശ്ചാത്തപിച്ചുകൊണ്ട് ആ നഷ്ട കൌമാരതൃഷ്ണകളെക്കുറിച്ചോര്‍ത്ത് വ്യസനിക്കാം.
ഈ ടീച്ചറിന്റെ പേര് കാര്‍മിന എറിക ലോപെസ് എന്നാണ്. നല്ല സ്റ്റൈലന്‍ പേര്. ടീച്ചറിനെതിരെ ഒരു 15കാരന്‍ [...]

മിമിക്സ് പരേഡ് പോലെ, ഗാനമേള പോലെ, സിനിമാറ്റിക് ഡാന്‍സ് പോലെ ഇക്കാലത്തിന്റെ കലയും സംഗീതവും മിമിക്രിയുമാണ് പോര്‍ണോഗ്രഫി അഥവാ തുണ്ടുപടക്കച്ചവടം. മൊട്ടേന്നു വിരിയുന്ന കുട്ടികള്‍ മുതല്‍ പെട്ടിയില്‍ കിടക്കുന്ന ഗ്രാന്‍ഡ് ഫാദേഴ്സ് വരെ കണ്ടാല്‍ കണ്ണെടുക്കില്ല. (ഞാന്‍ വീണ്ടും പറയുന്നു, ഇതു കാണുകയും കേള്‍ക്കുകയും ചെയ്യാത്തവര്‍ ഭാഗ്യവാന്‍മാര്‍, എന്തുകൊണ്ടെന്നാല്‍ ഇതൊക്കെ കാണാനും കേള്‍ക്കാനും ഉള്ള അവസരം അവര്‍ക്കുള്ളതാകുന്നു !) യുവതലമുറയെ വഴിതെറ്റിക്കുന്ന, സ്ത്രീയുടെ കമ്പോളവല്‍ക്കരണത്തിനു വേഗം കൂട്ടുന്ന, ലൈംഗിക അരാജകത്വത്തിലേക്കു വഴി തെളിക്കുന്ന പോര്‍ണോഗ്രഫി തുലയട്ടെ, തുലഞ്ഞു [...]