ബെര്‍ളിത്തരങ്ങള്‍

ഡേവിഡ് കീലിയും മിരാന്‍ഡ കെറും ഇന്നു താരങ്ങളാണ്. ഇത്തരത്തില്‍ ലോകത്താദ്യമായാവും രണ്ടു പേര്‍ കണ്ണടച്ചു തുറന്ന സമയം കൊണ്ട് താരങ്ങളായത്. മിരാന്‍ഡയുടെ കാര്യം അവിടെ നില്‍ക്കട്ടെ; ഓളൊരു മോഡലാണ്, വിക്ടോറിയ സീക്രട്ട് പ്രസ്ഥാനത്തിന്റെ ഭാഗമാണ്. കുറെപ്പേരൊക്കെ അറിയും. ഡേവിഡ് കീലി എന്നു പറയുന്ന മനുഷ്യനെ ഒരു മനുഷ്യനും അറിയില്ലായിരുന്നു, കഴിഞ്ഞ ദിവസം വരെ. അല്ലെങ്കിലും ഓസ്ട്രേലിയയിലെ ഒരു ബാങ്കിന്റെ മൂലയിലിരുന്ന് വിരസമായ കണക്കുകള്‍ നോക്കി വിടുന്ന ഡേവിഡ് കീലിയെ ആരറിയാന്‍, അറിഞ്ഞിട്ടെന്തു കാര്യം ?
അങ്ങനെയുള്ള വെറും അപ്രശസ്തനായ, [...]

അപ്പുക്കുട്ടന്‍ നായര്‍ ഒരേയൊരു പുസ്തകമേ എഴുതിയിട്ടുള്ളൂ. അതിന്‍റെ പേരാണ് കാമസൂത്രം. അപ്പോള്‍ സംഗതി എഴുതിയെന്നു ചരിത്രം പറയുന്ന വാല്‍സ്യായനനോ ? വാല്‍സ്യായനനോ ? അങ്ങനെയൊരു എഴുത്തുകാരനുണ്ടോ ? അദ്ദഹം എംടിയെപ്പോലെ ബെര്‍ളിയെപ്പോലെ ഒക്കെ പേരെടുത്ത ഒരു സാഹിത്യകാരനാണോ എന്നും ആളുകള്‍ ചോദിച്ചെന്നിരിക്കും. കാരണം, കാമകലയുടെ ഡിഷ്ക്ണറിക്ക് ഇന്ന് അത്രയേറെ വേര്‍ഷനുകളുണ്ട്. അത്രത്തോളം രചയിതാക്കളും. ശരിക്കും ഇതെഴുതിയ വാല്‍സ്യായനന്‍ ഇന്നു ജീവിച്ചിരുന്നെങ്കില്‍ തന്തയ്‍ക്കു വിളിച്ചു മടുത്തേനെ. അദ്ദേഹത്തിന്‍റെ വിശ്വഗ്രന്ഥം അദ്ദേഹത്തിന്‍റേതല്ലാതായി പ്രചരിപ്പിക്കുന്നവര്‍ അത്രയേറെയാണ്.
ഇതിപ്പോള്‍ പറയാന്‍ കാരണമെന്താണെന്നു വച്ചാല്‍ [...]

ഇതിനപ്പുറം മദ്രാസിന്‍റെ ‘കൂതറ’ സംഗീതകാരന്‍റെ വിമര്‍ശകര്‍ക്ക് കാലം മറുപടി നല്‍കാനില്ല. എ.ആര്‍.റഹ്‍മാന്‍ എന്ന സാധാരണക്കാരന്‍റെ സംഗീതചക്രവര്‍ത്തിയെ ലോകം ശിരസ്സിലേറ്റുമ്പോള്‍ പാരമ്പര്യസംഗീതത്തിന്‍റെ കാത്തുസൂക്ഷിപ്പുകാര്‍ക്ക് ഉത്തരമില്ലാതായേക്കാം. തട്ടുപൊളിപ്പന്‍ സംഗീതമെന്നു മുദ്രചാര്‍ത്തി വില കുറഞ്ഞതെന്തോ ആയി അപഹസിച്ചത് കാലഘട്ടത്തിന്‍റെ, തലമുറയുടെ സംഗീതമായിരുന്നു എന്നു തിരിച്ചറിയുമ്പോള്‍ റഹ്‍മാന്‍റെ ഗാനങ്ങള്‍ നിലനില്‍ക്കില്ല എന്നാണയിട്ടു പറഞ്ഞവര്‍ വിസ്മരിക്കപ്പെട്ടിട്ടും റഹ്‍മാനിയ പടരുകയാണ്, ലോകത്തിന്‍റെയും കാലത്തിന്‍റെയും അതിരുകള്‍ക്കപ്പുറത്തേക്ക്.
സംഗീത ലോകത്തെ ഏറ്റവും വലിയ പുരസ്‌ക്കാരമായി കരുതപ്പെടുന്ന ഗ്രാമി അവാര്‍ഡുകളില്‍ രണ്ടെണ്ണം നേടിയ റഹ്മാന്റെ ‘ജയ്‌ഹോ’ ഇതോടെ [...]

ഗൂഗിളിന്റെ ഒരേയൊരു അവസരവാദമാണ് സമയാസമയങ്ങളില്‍ മാറ്റി മാറ്റിയിടുന്ന ഗൂഗിള്‍ ഹോം പേജിലെ ഗൂഗിള്‍ ഡൂഡിലുകള്‍. എന്തെങ്കിലും വിശേഷദിവസമുള്ളപ്പോഴൊക്കെ ഗൂഗിള്‍ ഇതങ്ങനെ മാറ്റിക്കളയും. എന്റെ ഈ ബ്ളോഗില്‍ 100, 250, 500 പോസ്റ്റുകള്‍ തികഞ്ഞപ്പോള്‍ ഡൂഡില്‍ ഇടുമെന്നു പറഞ്ഞു വല്യ ബഹളമായിരുന്നു. മലയാളം ബ്ളോഗു കംപ്ളീറ്റും അസൂയക്കാരാണെന്നു പറഞ്ഞ് പിന്നെ ഒഴിവാക്കി. പിന്നെ, എന്തു സംഭവിച്ചാലും 1000 പോസ്റ്റുകള്‍ തികയുമ്പോള്‍ ഒരാഴ്ചത്തേക്ക് എന്റെ ഫോട്ടോയോ എന്തരോ ഒക്കെ വച്ച് വല്യ ഒരു ഡൂഡില്‍ ഇടുമെന്നാണ് പറയുന്നത്. ഇടല്ലേ, ഇടല്ലേ [...]

സഹിക്കാന്‍ വളരെ ബുദ്ധിമുട്ടാണ്. അല്ലെങ്കിലും അടുത്ത കാലത്തായി സിനിമ ഫീല്‍ഡില്‍ നിന്നുള്ള മരണവാര്‍ത്തകള്‍ കാരണം തകര്‍ന്നു തരിപ്പണമായിരിക്കുകയാണ്. അതിനിടയിലാണ് ഇതുകൂടി. മസില്‍ എത്രയുണ്ടെങ്കിലും മനസ്സ് വേദനിച്ചാല്‍ പറഞ്ഞിട്ടു കാര്യമില്ല. മസിലിന്റെ കാര്യത്തില്‍ ഞാനും സല്‍മാന്‍ ഖാനും ഈക്വലാണെങ്കിലും മനസ്സിന്റെ കാര്യത്തില്‍ സല്‍മാനാണ് കുറച്ചൂടെ ലോലന്‍.
ലണ്ടന്‍ ഡ്രീംസിന്റെ ഷൂട്ടിങ്ങിലായിരുന്ന സല്‍മാന്‍ ഖാന്‍ മരണവാര്‍ത്തയറിഞ്ഞ് ഷൂട്ടിങ് നിര്‍ത്തിവച്ച് കാറില്‍ വീട്ടിലേക്കു പായുകയായിരുന്നു (പോയ വഴിയില്‍ കടന്നുറങ്ങിയവര്‍ക്കൊന്നും അപകടമില്ല). മരിച്ചത് സല്‍മാന്റെ കുടുംബാംഗങ്ങളോ, കാമുകിമാരിലാരെങ്കിലുമോ ആയിരുന്നില്ല. സ്നേഹം സ്നേഹം എന്നു പറയുന്ന [...]

മിസ് കേരള 2009 ആയി 19കാരി അര്‍ച്ചന നായര്‍ കിരീടം ചൂടി. തിരുവനന്തപുരം സ്വദേശിയായ അര്‍ച്ചന അമേരിക്കയിലെ മിനസോട്ടയിലാണു താമസം. തിരുവനന്തപുരം പെരുന്താന്നി പ്ലാഞ്ഞൂര്‍ നോര്‍ത്തില്‍ അപ്പുക്കുട്ടന്‍ നായരുടെയും ലതയുടെയും മകളാണ് കാലിഫോര്‍ണിയയില്‍ ബയോ മെഡിക്കല്‍ എന്‍ജിനീയറിങ് വിദ്യാര്‍ഥിനിയായ അര്‍ച്ചന. കൊച്ചിയിലെ മെറിഡിയന്‍ ഹോട്ടല്‍ കണ്‍വെന്‍ഷന്‍ സെന്‍ററില്‍ നടന്ന മത്സരത്തില്‍ ഗീതു ക്രിസ്റ്റി ഫസ്റ്റ് റണ്ണപ്പായും ബോണി മേരി മാത്യു സെക്കന്‍ഡ് റണ്ണറപ്പായും കിരീടമണിഞ്ഞു.

തിരുവനന്തപുരം കുന്നുകുഴി സ്വദേശിയായ ഗീതു ഓള്‍ സെയിന്‍റ്സ് കോളജില്‍ ബികോം മൂന്നാം [...]

മുസ്ലിം ലീഗ് സംസ്ഥാന അധ്യക്ഷനും കേരളം കണ്ട ആദരണീയനായ സാമൂഹികപ്രവര്‍ത്തകനും രാഷ്ട്രീയ ആചാര്യനുമായ പാണക്കാട് മുഹമ്മദലി ശിഹാബ് തങ്ങള്‍ അന്തരിച്ചു. പിതാവായിരുന്ന പാണക്കാട് സയ്യിദ് അഹമ്മദ് പൂക്കോയ തങ്ങളുടെ മരണ ശേഷം 1975 സെപ്തംബര്‍ 1 മുതല്‍ ഇന്ത്യന്‍ യൂണിയന്‍ മുസ്ലിം ലീഗിന്‍റെ കേരളസംസ്ഥാന അദ്ധ്യക്ഷനായി പ്രവര്‍ത്തിച്ചുവരികയായിരുന്നു. സി.എച്ച് മുഹമ്മദ് കോയയാണ് മുഹമ്മദലി ശിഹാബ് തങ്ങളെ അധ്യക്ഷനായി നാമനിര്‍ദേശം ചെയ്യുമ്പോള്‍ അദ്ദേഹത്തിന്‌ 31 വയസ്സായിരുന്നു. മത-സാംസ്കാരിക-സാമൂഹിക-വിദ്യഭ്യസ മണ്ഡലങ്ങളിലും അദ്ദേഹം പ്രവര്‍ത്തിച്ചിരുന്നു.
വിവിധ പ്രദേശങ്ങളില്‍ ഖാസിയായും, യതീംഖാനകളുടെ അദ്ധ്യക്ഷനായും [...]

ഒരു ഫോട്ടോ ബ്ളോഗറാവുക എന്നത് കുഞ്ഞുന്നാള്‍ മുതലുള്ള എന്റെ ആഗ്രഹമായിരുന്നു. നാലാം ക്ളാസ്സില്‍ പഠിക്കുമ്പോള്‍ പൊട്ടിയ സ്ളേറ്റിന്റെ വിടവിലൂടെ അപ്പുറത്തെ ബെഞ്ചിലെ സോഫിയുടെ മുഖം ഒരു ഫ്രെയിമിനുള്ളില്‍ കണ്ടപ്പോഴാണ് എന്റെ ഉള്ളില്‍ ഒരു ഫോട്ടോഗ്രാഫര്‍ ഉറങ്ങിക്കിടക്കുന്നത് ഞാനറിഞ്ഞത്. ആ ഫോട്ടോഗ്രാഫറെ ഉണര്‍ത്താന്‍ വേണ്ടി ഞാന്‍ എന്നും സോഫിയെ അതേ ഫ്രെയിമിലൂടെ കണ്ടുകൊണ്ടിരുന്നു. പിന്നെ എട്ടാം ക്ളാസ്സില്‍ പഠിക്കുമ്പോള്‍ സുഗന്ധിടീച്ചറിലൂടെ ഞാന്‍ ഫോട്ടോഗ്രാഫിയുടെ വിശാലമായ ലോകത്തേക്ക് കടക്കുകയായിരുന്നു. ഒരു ക്യാമറയില്ലാതെ ചില പടങ്ങളെടുക്കാതെ മുന്നോട്ടുള്ള ജീവിതം അസാധ്യമാണെന്നു ഞാന്‍ [...]

View Larger Map
അച്ചായന്‍മാര്‍ എന്ന വര്‍ഗത്തെ (എന്നെപ്പോലുള്ള കൂതറ അച്ചായന്‍മാരല്ല, നല്ല നല്ല അച്ചായന്‍മാര്‍) ലോകത്തിനു സമ്മാനിച്ച അക്ഷരങ്ങളച്ചടിച്ചു കൂട്ടുന്ന പല പ്രസ്ഥാനങ്ങളുടെയും തറവാടായ കോട്ടയം എന്ന മഹാപ്രസ്ഥാനത്തിന് 60 വയസ്സ് പൂര്‍ത്തിയാവുന്നു. 1949 ജൂലൈ മാസത്തിലാണ് കോട്ടയം ജില്ല രൂപീകരിച്ചത്. വന്നുവന്ന് 2009 ജൂലൈ ആയ സ്ഥിതിക്ക് ജില്ലയ്ക്ക് ഷഡ്ഡിപൂര്‍ത്തി ആഘോഷിക്കാവുന്നതാണ്. ആഗോളകോട്ടയം നിവാസികളേ, അര്‍മാദിപ്പിന്‍ !

ഇപ്പോ കിട്ടും ഇപ്പോ കിട്ടും എന്നു കരുതി സോണി എറിക്സന്റെ പരസ്യം എട്ടിനു എണ്‍പതു പേര്‍ക്കു വീതം ഫോര്‍വേഡ് ചെയ്തിട്ടും പ്രസ്തുത ലാപ്ടോപ്പിനെ പറ്റി ഒരറിയിപ്പും ലഭിക്കാത്ത ലക്ഷക്കണക്കിനു മാന്യ ഇമെയില്‍ ഉപയോക്താക്കളോട് സോണി എറിക്സണ്‍ കമ്പനി തന്നെ നിലപാട് വ്യക്തമാക്കിയിരിക്കുന്നു. അതായത്, ഇമെയില്‍ ഫോര്‍വേഡ് ചെയ്താല്‍ ലാപ്ടോപ് കിട്ടുമെന്നു പറയാന്‍ കമ്പനിയുടെ തലയ്ക്ക് ഓളമില്ലെന്നും ഇത്തരം തട്ടിപ്പുകള്‍ വിശ്വസിക്കാന്‍ മാത്രം നിന്റെയൊന്നും തലയ്ക്കു മൂളയില്ലേന്നുമുള്ള ന്യായമായ ചോദ്യമാണ് കമ്പനി ഉന്നയിച്ചിരിക്കുന്നത്.
ഇതല്ല ഇതിനപ്പുറത്തെ ഫോര്‍വേഡ് കിട്ടിയാലും [...]

സ്വന്തം ചിത്രവും കുടുംബചിത്രവുമൊക്കെ ഓര്‍കുട്ടിലും ഫേസ്ബുക്കിലും അപ്ലോഡ് ചെയ്ത് ലോകമേ തറവാട്, എന്റെ പേജ് സന്ദര്‍ശിക്കുന്നവര്‍ എല്ലാം എന്റെ സുഹൃത്തുക്കള്‍ എന്നൊക്കെ അത്മവിശ്വാസത്തോടെ പറയുന്നവരോട് ഒരു വാക്ക്- സൂക്ഷിച്ചില്ലെങ്കില്‍ പടമാകും.
ഫോട്ടോ അപ്ലോഡ് ചെയ്യുന്ന സ്ത്രീകള്‍ മാത്രമേ ലോകത്ത് സൂക്ഷിക്കേണ്ടതുള്ളൂ എന്നും ആ ഫോട്ടോ എടുത്ത് നിങ്ങളുടെ തല വെട്ടി മാറ്റി അവിടെ നഗ്നരായ സ്ത്രീകളുടെ ശരീരം വച്ച് ഇന്റര്‍നെറ്റില്‍ പബ്ളിഷ് ചെയ്യുമെന്നുമാണ് നിലവിലുള്ള അടിസ്ഥാനഭീതി. അപ്പോള്‍ ഒരു സംശയം മാത്രം ബാക്കി നില്‍ക്കുന്നു- ഈ ശരീരത്തിന്റെ [...]

മേലാറ്റൂര്‍: രണ്ടാംവിവാഹത്തിനെത്തിയ എഴുപതുകാരന്‍ ചടങ്ങുകള്‍ക്കുശേഷം വധുവിനെയുംകൂട്ടി പോകുവാന്‍ ഒരുങ്ങവെ തളര്‍ന്നുവീണു മരിച്ചു. തിരുനാവായ വൈരങ്കോട് സൌത്ത് പല്ലാര്‍ ജിഎല്‍പി സ്കൂളിനു സമീപം താമസിക്കുന്ന കരിമ്പനയ്ക്കല്‍ കുഞ്ഞിമുഹമ്മദ് (70) ആണു മരിച്ചത്. പാതിരിക്കോട് ഒാലപ്പാറയിലെ വിവാഹവീട്ടില്‍ ഇന്നലെ ഉച്ചയ്ക്കു രണ്ടരയോടെയാണ് സംഭവം. ഒാലപ്പാറ പരേതനായ പാലത്തിങ്ങല്‍ കുഞ്ഞാവുവിന്റെ മകള്‍ സുബൈദ(40)യെയാണ് നിക്കാഹ് ചെയ്തിരുന്നത്. വരനും ഒപ്പമെത്തിയ സംഘവും ഒരുമിച്ചിരുന്ന് ഭക്ഷണം കഴിച്ചശേഷം നാട്ടിലേക്കു തിരിക്കുംമുന്‍പാണ് ഹൃദയാഘാതംമൂലം തളര്‍ന്നു വീണു മരിച്ചത്. കബറടക്കം ഇന്നുരാവിലെ ഒന്‍പതിന് വൈരങ്കോട് പല്ലാര്‍ ജുമാമസ്ജിദില്‍ [...]

നീട്ടിവളര്‍ത്തിയ മുടിയും ചീകിയൊതുക്കിയ താടിയും മുട്ടറ്റം വരെ അഞ്ചെട്ടു പോക്കറ്റുള്ള പാന്റ്സുമിട്ടു കോളജിലൊന്നു വിലസാമെന്നു കരുതുന്ന ആണ്‍കുട്ടികള്‍ വലഞ്ഞതു തന്നെ. ഹൈഹീല്‍ഡ് ചെരുപ്പും മിനിസ്കര്‍ട്ടുമിട്ടുവരുന്ന പെണ്‍കുട്ടികള്‍ക്കും കോളജിനുള്ളിലേക്കു പ്രവേശനം ലഭിക്കില്ല. നഗരത്തിലെ ചില കോളജുകള്‍ ഏര്‍പ്പെടുത്തുന്ന നിയന്ത്രണങ്ങളാണ് വിദ്യാര്‍ഥികള്‍ക്കു തിരിച്ചടിയാകുന്നത്.
ക്ളാസ് മുറികളില്‍ പെണ്‍കുട്ടികളും ആണ്‍കുട്ടികളും ഒരുമിച്ച് ഇരിക്കരുത്, ഇരുകൂട്ടരും ക്യാംപസിനകത്തു കളിതമാശകള്‍ പറഞ്ഞു ചുറ്റിനടക്കരുത്, തട്ടിമുട്ടി നടക്കാതിരിക്കാന്‍ പ്രത്യേകം കോണിപ്പടികള്‍ ഉപയോഗിക്കണം, വട്ടക്കഴുത്തും സന്ദേശങ്ങള്‍ രേഖപ്പെടുത്തിയിട്ടുള്ളതുമായ ടീഷര്‍ട്ട് ധരിക്കരുത് തുടങ്ങിയ നിയമങ്ങള്‍ ഇത്തവണ നടപ്പാക്കാനാണുമിക്ക കോളജ് അധികൃതരുടെയും [...]