ബെര്‍ളിത്തരങ്ങള്‍

ആ ചുവന്ന ഡയറി കിട്ടിയിരുന്നെങ്കില്‍ ഒന്നു വായിച്ചു നോക്കാമായിരുന്നു. 16 വയസുള്ളപ്പോള്‍ പരിശുദ്ധ കന്യകാത്വം നഷ്ടപ്പെട്ടതുമുതലുള്ള 5000 പുരുഷന്‍മാരോടൊത്തുള്ള ലൈംഗികജീവിതം നിക്കി ലീ ആ ഡയറിയില്‍ രേഖപ്പെടുത്തിയിട്ടുണ്ട്.

വക്കീല്‍ നോട്ടീസിന്‍റെ പകര്‍പ്പ് കയ്യില്‍ വച്ച് ചില വെബ്സൈറ്റുകളും പ്രസിദ്ധീകരണങ്ങളും സംഗതി ഖണ്ഡശ പ്രസിദ്ധീകരിക്കുകയാണ്. വക്കീല്‍ നോട്ടീസ് ഒക്കെ പരമ്പരയാക്കുന്നവരെ സമ്മതിക്കണം. ചീഞ്ഞളിഞ്ഞ ജീവിതം കണ്ട് ജനം മൂക്കുപൊത്തി ചിരിക്കുകയാണ്. സംഗതി സിനിമാറ്റിക് ആയതുകൊണ്ട് ആ നാറ്റവും ഒരു സുഗന്ധമാണല്ലോ !

എല്ലാവരും കൂടി ഇങ്ങനെ തുടങ്ങിയാല്‍ മാന്യമായി വിവാഹജീവിതം നയിക്കുന്ന സിനിമക്കാര്‍ തങ്ങള്‍ക്കെന്തോ കുഴപ്പമുണ്ടെന്നു ചിന്തിച്ചു തുടങ്ങും. ഇപ്പോള്‍ തന്നെ ‘അല്ല അവര്‍ മാത്രം ഡൈവോഴ്സ് ആകുന്നില്ലല്ലോ’ എന്നാശങ്കപ്പെട്ട് പല താരദമ്പതികളുടെയും വീടിനു ചുറ്റം കറങ്ങുകയാണ് പപ്പരാസികള്‍. ഏറ്റവുമൊടുവില്‍ വിവാഹത്തില്‍ നിന്നും മോചനം ആവശ്യപ്പെട്ട് കോടതിയില്‍ പോയിരിക്കുന്നത് ഒരു കാലത്തെ പെണ്‍കുട്ടികളുടെ സ്വപ്നസുന്ദരനായിരുന്ന അരവിന്ദ് സ്വാമിയാണ്. അസൂയയും കരിങ്കണ്ണും ആ ജീവിതവും തകര്‍ത്തു. എല്ലാ അവളുമാര്‍ക്കും സന്തോഷമായല്ലോ ?
അരവിന്ദ് സ്വാമിയും ഭാര്യ ഗായത്രിയും വിവാഹമോചനത്തിന്റെ വക്കില്‍ നില്‍പു തുടങ്ങിയിട്ട് [...]

ലോകത്തുള്ള എല്ലാ കൂതറകളും മരിക്കും അതുപോലെ നയന്‍സും മരിക്കും. ഞാനുദ്ദേശിച്ചത് അങ്ങനെയല്ലാതെ മെര്‍ലിന്‍ മണ്‍റോയെപ്പോലെ, സില്‍ക്ക് സ്മിതയെപ്പോലെ ഒരു ദിവസം നയന്‍താരയും എല്ലാവരെയും ഞെട്ടിച്ചുകൊണ്ട് ജീവനൊടുക്കുമോ എന്നാണ്. ഇത്ര ക്രൂരമായി സംസാരിക്കാന്‍ നിങ്ങള്‍ക്കെങ്ങനെ കഴിയുന്നു ആഭാസാ, എന്നാരും ചോദിക്കരുത്. ആഭാസനാണെങ്കിലും ഞാനൊരു ക്രൂരനല്ല. നയന്‍താരയുടെ കാര്യത്തില്‍ പ്രത്യേകിച്ചും.
നയന്‍താര മരിക്കും എന്നു പറഞ്ഞത് നയന്‍സ് സ്വന്തം കയ്യില്‍ പച്ചകുത്തി വച്ചിരിക്കുന്നു എന്നു മാധ്യമങ്ങള്‍ പറഞ്ഞ പ്രഭുദേവയാണ്. അതും പ്രഭുദേവയെ കിട്ടിയില്ലെങ്കില്‍, മുന്നും പിന്നും നോക്കാതെ നയന്‍താര മരിച്ചുകളയുമെന്ന്. [...]

വല്ലവന്‍റെയും ജിവിതത്തെപ്പറ്റി തിയറിയുണ്ടാക്കുന്നിടത്തോളം രസകരമായ മറ്റൊരു പരിപാടി ലോകത്തില്ല. കാവ്യ മാധവന്‍റെ വിവാഹജീവിതത്തിലുണ്ടായ കല്ലു കടികളെ കുറെപ്പേര്‍ വേദനയോടെയാണ് കണ്ടതെങ്കില്‍ മറ്റൊരു വശത്ത് അതൊരാഘോഷമായിരുന്നു.നിശ്ചല്‍ ചന്ദ്ര അഥവാ നിഷാല്‍ ചന്ദ്ര എന്ന ഭീകരവില്ലനെ ചുറ്റിപ്പറ്റിയായിരുന്നു ഇതുവരെയുള്ള കഥകളെങ്കില്‍ ഈ ലക്കം നക്കീരന്‍ മുതല്‍ കഥ മാറുകയാണ്. നക്കീരന്‍ എന്നു പറഞ്ഞാല്‍ നമ്മുടെ അതേ പഴയ നക്കീരന്‍. വീരപ്പനുമായുള്ള ഇന്‍റര്‍വ്യൂകള്‍ വഴി ലോകമാധ്യമശ്രദ്ധ പിടിച്ചു പറ്റിയ മീശക്കാരന്‍ ഗോപാലന്‍റെ നക്കീരന്‍.
ഈ ലക്കം നക്കീരന്‍റെ ഒന്നാം പേജ് കവര്‍ [...]

മലയാളം നടിമാര്‍ക്ക് ഇപ്പോള്‍ ശനിദശയാണ്. നമ്മുടെ പ്രിയങ്കരിയായ മീര ജാസ്മിന് അതിനുമപ്പുറത്തെ ഏതാണ്ട് പ്ലൂട്ടോ ദശയാണ്. അല്ലെങ്കില്‍ ആ കൊച്ചിനിങ്ങനെയൊക്കെ വരുമോ ? മീര ജാസ്മിന്‍ ഏതാണ്ട് മൂന്നു നാലു വര്‍ഷമായി പ്രേമിച്ചുകൊണ്ടിരിക്കുന്ന, ഏതാണ്ട് ഒന്നൊന്നര വര്‍ഷമായി കൂടെപ്പൊറുത്തുകൊണ്ടിരിക്കുന്ന മഹാനായ സംഗീതജ്ഞന്‍ മാന്‍ഡൊലിന്‍ വിദഗ്ധന്‍ രാജേഷ് (ആ പേരുള്ളവരേ ശരിയല്ല) ഏറ്റവും ഒടുവില്‍ മീരയെ ഔദ്യോഗികമായി തള്ളിപ്പറഞ്ഞു എന്നതാണ് ദുഖകരമായ സംഗതി. കാവ്യയുടെ ജീവിതത്തിനേറ്റ ആഘാതത്തില്‍ നിന്ന് കേരളത്തിലെ സാധാരണക്കാരായ പ്രേക്ഷകര്‍ ഒരുവിധം റിക്കവര്‍ ചെയ്തു വരുന്നതേയുള്ളൂ. [...]

ഓരോ നടിയും വിവാഹിതയാകുമ്പോഴും മലയാളി പ്രേക്ഷകര്‍ നിരാശപ്പെടുകയാണ് പതിവ് എന്നാല്‍ അവിശ്വസനീയമായ ഈ വാര്‍ത്ത എല്ലാവരെയും ഞെട്ടിക്കുകയാണ്. അടുത്തിടെ വിവാഹിതയായ കാവ്യ മാധവനും നിഷാല്‍ ചന്ദ്രയും വിവാഹമോചനത്തിന്റെ വഴിയിലാണ് എന്നതാണ് പുതിയ വിവരം. കാവ്യയുടെ മധുവിധുവിന്റെ വിശേഷങ്ങള്‍ പോലും മാധ്യമങ്ങള്‍ ആഘോഷിച്ചു തീരും മുമ്പേ ഇത്തരമൊരു വിവരം തീര്‍ത്തും അവിശ്വസനീയവും അമ്പരപ്പുളവാക്കുന്നതുമായിരിക്കും.
വിവാഹമോചനത്തിനുള്ള നടപടിക്രമങ്ങളുമായി കാവ്യ അഭിഭാഷകനെ സന്ദര്‍ശിച്ചു എന്നാണ് അറിയാന്‍ കഴിയുന്നത്. വിവാഹത്തിനു മുമ്പേ പൊരുത്തക്കേടുകള്‍ പ്രകടമായിരുന്ന ഇവര്‍ക്കിടയിലെ ആശയക്കുഴപ്പങ്ങള്‍ മറ്റുള്ളവര്‍ ഇടപെട്ട് പരിഹരിച്ച് വിവാഹത്തിലെത്തിക്കുകയായിരുന്നത്രേ. [...]

ക്ഷമിക്കണം, ഈ ചിത്രങ്ങള്‍ പ്രസിദ്ധീകരിക്കേണ്ടി വന്നതില്‍ ബ്ലോഗാധിപര്‍ ഖേദിക്കുന്നു. പക്ഷെ സംഭവം ഗുരുതരമായതു കൊണ്ട് ഇടപെട്ടു പോയതാണ്.
കാവേരി നദീജലവും മുല്ലപ്പെരിയാര്‍ അണക്കെട്ടും പോലെയാണ് കേരളത്തിന് ഇന്ന് നയന്‍താര.
തമിഴ്നാടിന്റെ ക്രൂരതയ്ക്കു മുമ്പില്‍ പകച്ചു നില്‍ക്കുന്ന പാവപ്പെട്ട ഈ ചങ്ങനാശേരിക്കാരിയുടെ വിശുദ്ധിക്കു മുമ്പില്‍ പകച്ചു നിന്നു കൊണ്ട് അവതരിക്കുന്ന ഈ ചിത്രങ്ങളെ സംബന്ധിച്ച് യാതൊരു ഗ്യാരണ്ടിയും അവകാശവാദങ്ങളും ഈ ബ്ലോഗിനോ ബ്ലോഗാധിപര്‍ക്കോ കുടില്‍വ്യവസായമായ ഗൂഗിളിനോ ഉണ്ടായിരിക്കുന്നതല്ല.
നാലു ദിവസം മുമ്പാണ് ഈ ചിത്രങ്ങള്‍ നെറ്റില്‍ ലഭ്യമായത്. ഇതിലെ യുവാവ് ചിമ്പു എന്ന [...]