ബെര്‍ളിത്തരങ്ങള്‍

വെളുപ്പിനു മൂന്നരയായപ്പോള്‍ മാത്തുക്കുട്ടി പതിവുപോലെ ടാപ്പിങ് കത്തിയും ഹെഡ്‍ലൈറ്റുമായി തോട്ടത്തിലേക്കു പോയി. കിടക്കയില്‍ തിരിഞ്ഞു കിടക്കുമ്പോള്‍ ലില്ലിക്കുട്ടി വാതിലില്‍ മുട്ടുകേട്ടു. എത്ര പണം കയ്യിലുണ്ടായാലും ഒന്നും അത്ര പെട്ടെന്നു മാറില്ല. ക്രൂശിതരൂപത്തിനു പിന്നലിരിക്കുന്ന ലോട്ടറി ടിക്കറ്റ് തന്റെ വിധി മാറ്റിയെഴുതിയ വിവരം അത്രപെട്ടെന്നു് ആരും വിശ്വസിക്കില്ല. ഇന്നു താന്‍ ലക്ഷപ്രഭുവാണ്. എന്നിട്ടും കെട്ടിയവന്‍ വീട്ടില്‍ നിന്നിറങ്ങുന്ന നേരം നോക്കി എത്തുന്ന മുതലാളിയുടെ മുട്ടു കേള്‍ക്കുമ്പോള്‍ അറിയാതെ ഉള്ളില്‍ ആരോ വാതില്‍ തുറന്നു കൊടുക്കുന്നു. റോസമ്മ
കൊച്ചമ്മയ്ക്ക് പ്രാര്‍ത്ഥനയിലും പ്രേഷിതപ്രവര്‍ത്തനത്തിലുമാണ് [...]

ഇരുപത്തിയെട്ടാം വയസ്സില്‍ അവന്റെ ജീവിതത്തില്‍ കര്‍ത്താവിന്റെ ഇടപെടലുണ്ടാകുമെന്ന് മുല്ലക്കര സാറ് പ്രവചിച്ചപ്പോള്‍ അതു വെറുതെയായിരിക്കുമെന്നാണ് കരുതിയത്. എന്നിട്ടിപ്പോള്‍ എന്തായി ? മുല്ലക്കര സാറിന്റെ വാക്കുകള്‍ യാഥാര്‍ഥ്യമായി. തെക്കേക്കൂറ്റ് ബാങ്കിനു വേണ്ടി സീസി പിടിച്ചും കൈയ്യും കാലും വെട്ടുമെന്നു ഭീഷണിപ്പെടുത്തിയും വീടുകളില്‍ കയറി പെണ്ണുങ്ങളുടെ താലിമാല പൊട്ടിച്ചും നടന്നിരുന്ന ഷാജു ഇപ്പോള്‍ രാവിലെ എണീക്കുന്നു. ആദ്യത്തെ കുര്‍ബാനയ്ക്ക് തന്നെ പള്ളിയില്‍ പോകുന്നു. ഇടവകയുടെ നവാഭിഷിക്തനായ കപ്യാരാണ് ഷാജു. എന്താണ് ,ഷാജുവിന്റെ ജീവിതത്തില്‍ സംഭവിച്ച അതിശയകരമായ മാറ്റം ? കര്‍ത്താവിന്റെ [...]

ബെര്‍ളി തോമസ്
www.berlytharangal.com
സുരക്ഷാകാരണങ്ങളാല്‍ ഇന്ത്യന്‍ പ്രീമിയര്‍ ലീഗ് മല്‍സരങ്ങള്‍ ഇന്ത്യക്കു പുറത്തു നടത്താന്‍ തീരുമാനിച്ചതിനെ തുടര്‍ന്ന് അതുപോലെ ജനം കൂടാന്‍ സാധ്യതയുള്ള മറ്റ് ആഘോഷപരിപാടികളും മല്‍സരങ്ങളും കൂടുതല്‍ സുരക്ഷിതമായ ഇന്ത്യക്കു പുറത്തുള്ള മേഖലകളിലേക്ക് മാറ്റാന്‍ തീരുമാനിച്ചു. തീവ്രവാദഭീഷണിയുടെ പശ്ചാത്തലത്തിലാണ് ഈ നീക്കം. ഇതനുസരിച്ച് ലോകപ്രസിദ്ധമായ തൃശൂര്‍ പൂരം വരുന്ന വര്‍ഷം മുതല്‍ ബ്രസീലിലെ റിയോ ഡി ജനീറോയില്‍ നടത്തും.. കാര്യം ബ്രസീലിലാണ് സംഗതി നടത്തുന്നതെങ്കിലും തൃശൂര്‍ പൂരം എന്ന പേര് മാറ്റില്ല. അതാണ് നമ്മുടെ രാജ്യസ്നേഹം.
അര്‍ത്തുങ്കല്‍ [...]

പ്രിയപ്പെട്ട അച്ചായന്,
ഇന്നലെയും ഞാന്‍ അതേ സ്വപ്നം കണ്ടു. ഇനിയും എനിക്കിങ്ങനെ മുന്നോട്ടു പോകാന്‍ വയ്യ. ഓരോ ദിവസവും രാവിലെ വിചാരിക്കും ഇന്നത് സംഭവിക്കും എന്ന്. ഓരോ നിമിഷവും മാനസികമായി തയ്യാറായി കാത്തിരിക്കുകയാണ് കഴിഞ്ഞ ഒന്നരയാഴ്ചയായി. ഞാന്‍ തളര്‍ന്നു അച്ചായാ. ഭക്ഷണം കഴിക്കാന്‍ പറ്റുന്നില്ല. കണ്ണടച്ചാല്‍ വീണ്ടും അതേ സ്വപ്നം. സ്വപ്നമാണെങ്കിലും അതിലെ ഓരോ രംഗങ്ങളും ഇപ്പോള്‍ എനിക്കു മനഃപാഠമാണ്.
ഞാന്‍ ഓഫിസിലെ ക്യാബിനുള്ളില്‍ അക്ഷമയായിരിക്കുന്നതായാണ് സ്വപ്നത്തിലെ ആദ്യസീന്‍. കയ്യില്‍ തുറക്കാത്ത പേന. കംപ്യൂട്ടറില്‍ ഇന്‍ബോക്സ് റിഫ്രഷ് [...]

കാട്ടുപൂഞ്ചോലയില്‍ കുളിക്കുന്ന ദേശാടനപക്ഷികളുടെ ചിത്രം തന്റെ കൊഡാക് കെബി 10 ഓട്ടോഫോക്കസ് ക്യാമറയില്‍ പകര്‍ത്തുമ്പോള്‍ തന്നെ ദേവസ്സിക്കുട്ടിയോട് കൂട്ടുകാരന്‍ പോളച്ചന്‍ പറഞ്ഞിരുന്നു ഒരിക്കല്‍ നിനക്കൊരു ഓസ്കാര്‍ കിട്ടുമെന്ന്. പിന്നെ, ദേവസ്സിക്കുട്ടി ക്യാമറ മാറി, ലൊക്കേഷനുകള്‍ മാറി, അനേകം അനേകം ദേശാടനപ്പക്ഷികളുടെ ചിത്രം നിരവധി ക്യാമറകളിലായി പകര്‍ത്തി. ആ ജീവന്‍തുടിക്കുന്ന ചിത്രങ്ങളിലേക്കു നോക്കി ഈ പടമെടുത്തവനെ സമ്മതിക്കണം എന്ന് ലോകത്തെവിടെയൊക്കെയോ നിന്ന് ആരൊക്കെയോ പറയുമ്പോള്‍ അതൊന്നും ദേവസ്സിക്കുട്ടി അറിഞ്ഞിരുന്നില്ല. നല്ല പടങ്ങള്‍ എടുക്കുക എന്നതു മാത്രമാണ് തന്റെ നിയോഗം [...]

ബാംഗൂര്‍ ബസിന്റെ മൂന്നാമത്തെ സീറ്റിലിരുന്നുറങ്ങുമ്പോഴാണ് മുകളില്‍ നിന്ന് കൂറ്റന്‍ബാഗ് ഊര്‍ന്നു വീണ് അവന്റെ നെഞ്ചില്‍ പതിച്ചത്. ഞെട്ടിയുണരുമ്പോള്‍ ബാഗിന്റെ ഉടമയായ പെണ്‍കുട്ടി ഓടി അടുത്തെത്തിയിരുന്നു.
അയ്യോ സോറി ട്ടോ.. എന്റെ ബാഗാ ഇത്..- ബാഗുമെടുത്ത് അവള്‍ പിന്നിലെ സീറ്റിലേക്കു പോയി. അല്‍പം ഇരുണ്ട ഉയരം കുറഞ്ഞ അവളെ പരിചയമുള്ളതുപോലെ തോന്നി റിയാസിന്. ബസില്‍ നിന്നറങ്ങുമ്പോള്‍ അവള്‍ വീണ്ടും അടുത്തു വന്നു.- സോറീട്ടോ.. റിയലി സോറി.. എന്താ പേര് ?
റിയാസ് മുഹമ്മദ്… എന്താ നിന്റെ പേര് ?
നിന്റെയോ.. ? എനിക്കെത്ര [...]

രണ്ടര എന്നുള്ളത് മൂന്നിഞ്ച് ആയപ്പോള്‍ അവള്‍ പറഞ്ഞു- മതി !
അല്ല.. ഓണമല്ലേ.. അല്‍പം കൂടുതലിരുന്നോട്ടെ..
വേണ്ട.. ഞാന്‍ താങ്ങില്ല.. മേക്കപ്പാണെന്നു കരുതി എന്തിനും ഒരു പരിധിയില്ലേ.. രണ്ടര ഇഞ്ച് മേക്കപ്പ് മുഖത്തുവന്നാല്‍ തന്നെ മുക്കാല്‍ കിലോ വരും.. അതുവല്ലതും പ്രേക്ഷകര്‍ക്കറിയണോ.. അവര്‍ പറയും അവള്‍ക്കു തലക്കനമാണെന്ന്.. ആങ്കേഴ്സ് ഡിസാസ്റ്റര്‍ മാര്‍ക്ക്സ് ഹു വാണ്‍ഡഡ് നോയിങ്..
മനസ്സിലായില്ല..
ആങ്കര്‍മാരുടെ കഷ്ടപ്പാടുകള്‍ ആര്‍ക്കുമറിയേണ്ടല്ലോ എന്നു പറഞ്ഞതാ..ബ്രിട്ടീഷ് ഇംഗീഷ് ആണ്.. ഞാന്‍ പിഡിസി പഠിച്ചത് ഓക്സ്ഫഡിലായിരുന്നല്ലോ.. അതിനു ശേഷമാണല്ലോ മിസ് കേരള വെഞ്ഞാറമൂട് ആകുന്നത്..
മിസ് കേരള [...]

വല്യച്ഛന്റെ കൂടെ കൊച്ചി ഷിപ്പ്യാര്‍ഡ് കാണാന്‍ പോയപ്പോഴാണ് സരോജ് ആദ്യമായി തന്തൂരിയില്‍ വേവുന്ന കോഴിയുടെ ഗന്ധം അറിയുന്നത്. കൊച്ചിയിലെ ചൈനീസ് ഫുഡ്സ് ഹോട്ടലിന്റെ മുന്നിലൂടെ നടന്നുപോവുമ്പോള്‍ പുകഞ്ഞ മസാലയുടെയും മാംസത്തിന്റെയും ഗന്ധം സരോജിന്റെ മൂക്കില്‍ നിറഞ്ഞു. വ്യത്യസ്തമായ ആ ഗന്ധം എന്താണെന്ന് അപ്പോള്‍ തന്നെ വല്യച്ഛനോടന്വേഷിച്ചു. ശ്വാസം നീട്ടിപ്പിടിച്ച് പിന്നെ നിര്‍വൃതിയോടെ ശ്വസിച്ച് വല്യച്ഛന്‍ പറഞ്ഞു-
ആഹ.. തന്തൂരിയുടെ മണമല്ലേ.. തന്തൂരി തന്തൂരി..ഹെന്താ ടേസ്റ്റ്.. വല്യ വല്യ ആളുകളൊക്കെ അതല്ലേ കഴിക്കുന്നത്..
സരോജിന്റെ കണ്ണുകള്‍ നിറഞ്ഞു. തന്തൂരി അടുപ്പില്‍ നിന്നുള്ള [...]

കാഷ്വാലിറ്റിയുടെ പുറത്ത് വരാന്തമേല്‍ അപ്പോഴും ആ ഹെല്‍മെറ്റ് ഒരു കേടും കൂടാതെ ഇരിപ്പുണ്ടായിരുന്നു.അതിനടുത്ത് അയാളുടെ ചോര പുരണ്ട വസ്ത്രങ്ങളും. ഡോക്ടര്‍മാര്‍ അകത്തേക്കോടുന്നു, പുറത്തേക്കോടുന്നു. അകത്ത് കിടക്കുന്നവന്റെ നിലയില്‍ എന്തെങ്കിലും മാറ്റമുള്ളതുകൊണ്ടല്ല. പുറത്തു നില്‍ക്കുന്ന അവന്റെ ബന്ധുക്കള്‍ കച്ചറ-കൂതറ പാര്‍ട്ടീസാണ്. അവന്‍മാരുടെ കയ്യിലെങ്ങാനും പെട്ടാല്‍..!
എല്ലാറ്റിനും മൂകസാക്ഷിയായെന്ന പോലെ നായകനോടൊപ്പം നിന്ന് വില്ലന്റെ ജോലികള്‍ ചെയ്യുന്ന സഹനടനെപ്പോലെ ആ ഹെല്‍മെറ്റ് ദുഖത്തിന്റെ മൂടുപടമണിഞ്ഞ് അപ്പോഴും ആ വരാന്തമേല്‍ ഇരിപ്പുണ്ടായിരുന്നു. അയാളെ ആംബുലന്‍സില്‍ കൊണ്ടുവന്നപ്പോള്‍ താഴെ വീണുപോയതാണ്. ആരോ എടുത്ത് വരാന്തയില്‍ [...]

പ്രിയപ്പെട്ട ഫാദര്‍ കുര്യാക്കോസിന്,
ഞാനാകെ പ്രതിസന്ധിയിലാണ് ഫാദര്‍. ഇടവക വികാരി എന്ന നിലയില്‍ എനിക്കെങ്ങനെ മുന്നോട്ടു പോകാന്‍ കഴിയും എന്ന കാര്യത്തില്‍ സംശയമുണ്ട്. ഇവിടേക്ക് വല്ല ചെറുപ്പക്കാരെയും അയച്ചിട്ട് എന്നെ വല്ല നാട്ടിന്‍പുറത്തേക്കും അയക്കണമെന്ന് അപേക്ഷിക്കുന്നു. ഇവിടുത്തെ ആളുകളുടെ ആത്മീയാവശ്യങ്ങള്‍ തിരിച്ചരിയാന്‍ പോലും കഴിയാത്ത എനിക്ക് എങ്ങനെ അതിനൊക്കെ പരിഹാരം കാണാന്‍ കഴിയുമെന്ന് അറിയില്ല.
ഉദാരണത്തിന് കഴിഞ്ഞ ആഴ്ച കുമ്പസാരിക്കാന്‍ വന്ന പിള്ളേര്‍ എന്റെടുത്ത് പറഞ്ഞ പലതും എനിക്ക് മനസ്സിലായിട്ടില്ല. അവര്‍ പറയുന്നത് തെറ്റാണോ അല്ലയോ എന്നു പോലും [...]

ഏറെ നേരം കാത്തിരിക്കേണ്ടി വന്നു അവളൊന്നു വന്നു കിട്ടാന്‍. ബ്രോക്കര്‍ പറഞ്ഞിരുന്നതുപോലെ വളരെ അടക്കവും ഒതുക്കവും ശാലീനതയും ഉള്ള പെണ്‍കുട്ടി. ആദ്യകാഴ്ചയില്‍ ഓകെ. എത്രയോ പെണ്‍കുട്ടികളെ കണ്ടതാണ്. ഇതെങ്കിലും ശരിയായാല്‍ മതിയായിരുന്നു.
ബാംഗൂരില്‍ പഠിച്ച കുട്ടി എന്നു കേട്ട് വേണ്ടെന്നു വച്ചിരുന്നെങ്കില്‍ അബദ്ധമായേനെ എന്നു തോന്നി. അടുത്തു വന്നപ്പോള്‍ ശ്രദ്ധിച്ചു. വിരല്‍ത്തുമ്പുകള്‍ വിറയ്ക്കുന്നു, മൂക്കിന്‍ തുമ്പ് വിയര്‍ത്തിരിക്കുന്നു, അടിമുടി നാണത്തിന്റെ പകല്‍പ്പൂരം. ഈശ്വരാ ! ആദ്യമായാണോ ഇവള്‍ ഒരു പുരുഷന്റെ ഇത്ര അടുത്ത് വരുന്നത് , എന്തൊരു [...]

രണ്ട് വര്‍ഷം കാത്തിരുന്ന് കാത്തിരുന്ന് കിട്ടിയ വിവാഹമോചനവുമായി വീട്ടിലെത്തിയപ്പോള്‍ മുതല്‍ സ്റ്റെല്ലക്ക് കടുത്ത ശൂന്യത തോന്നി. റിച്ചാര്‍ഡിനെ പ്രണയിച്ചിരുന്ന സമയത്ത് കരുതി ഒരിക്കലും തങ്ങള്‍ക്കിടയിലൊരകല്‍ച്ചയുണ്ടാവില്ല എന്ന്.
വിവാഹം കഴിഞ്ഞതോടെ കാര്യങ്ങള്‍ മാറി. നല്ലൊരു ജീവിതത്തിനു വേണ്ടിയുള്ള കാത്തിരിപ്പും ക്ഷമയും അവസാനിപ്പിച്ച് വിവാഹമോചനത്തെക്കുറിച്ചാലോചിച്ചപ്പോള്‍ അതായി പിന്നെയുള്ള പ്രതീക്ഷ. വിവാഹമോചനം കിട്ടുന്നതോടെ ജീവിതം മാറിമറിഞ്ഞ് സന്തോഷപ്രദമാകും എന്നു കരുതി.
ഒടുവില്‍ അത് കിട്ടിയപ്പോള്‍ വല്ലാത്ത ശൂന്യത. സത്യത്തില്‍ കഴിഞ്ഞ രണ്ട് വര്‍ഷമായി റിച്ചാര്‍ഡിനെ വെറുക്കാന്‍ കാരണങ്ങള്‍ കണ്ടെത്തുമ്പോള്‍, വക്കീലുമായി രാപ്പകലുകള്‍ ചെലവിടുമ്പോള്‍ ഒക്കെ [...]

പ്രിയപ്പെട്ടവരെ, ഞങ്ങളുടെ ഗോത്രമാതാവും വിപ്ളവസമരവീര്യങ്ങളുടെ വാറ്റുകാരിയുമായ ശ്രീ , സോറി ശ്രീമതി കാര്‍ത്തുവിനോട് വിധേയത്വവും അടിമത്തവും കാര്‍ത്തുവിന്റെ നുകത്തിന്‍ കീഴില്‍ നമ്മള്‍ അനുഭവിക്കുന്ന അനിയതിന്ത്രിതമായ അനുഭൂതികള്‍ക്കുള്ള ഉപകാരസ്മരണാപ്രകാശനവും ലക്ഷ്യമാക്കി അടുത്ത ആഴ്ച ഞരമ്പുഗോത്രത്തിലെ എല്ലാ ഞരമ്പ് രോഗികളും യെല്ലോ വീക്കായി ആചരിച്ച് കാര്‍ത്തുച്ചേച്ചിയെ സുഖിപ്പിക്കണം എന്നഭ്യര്‍ത്ഥിക്കുന്നു.
വീടിന്റെ പെയിന്റ് മഞ്ഞ ആക്കി മാറ്റിയാണ് ഈ പ്രതിഷേധപരിപാടിയില്‍ പങ്കെടുക്കേണ്ടത്.പ്രതിഷേധപരിപാടിയുടെ ഭാഗമായി കാര്‍ത്തൂസ് ഫാന്‍സ് അസോസിയേഷന്റെയും സോള്‍മേറ്റ്സ് ഗില്‍ഡിന്റെയും നേതൃത്വത്തില്‍ നാളെ ഗോത്രഭവന്‍ മാര്‍ച്ചും ധര്‍ണ്ണയും മറ്റും മറ്റും [...]