ബെര്‍ളിത്തരങ്ങള്‍

പ്രിയപ്പെട്ട അമ്മാവന്,
ഇത് വളരെ നിര്‍ണായകമായ ഒരു തീരുമാനമാണ് എന്നു പ്രത്യേകം പറയുന്നില്ല. വായിച്ചു വരുമ്പോള്‍ അമ്മാവന്‍ ഞെട്ടാതിരിക്കാന്‍ വേണ്ടി ഒന്നു സൂചിപ്പിച്ചെന്നു മാത്രം. അമ്മാവന്റെ മകളെ ഞാന്‍ കല്യാണം കഴിക്കാമെന്നു സമ്മതിച്ചത് അമ്മാവന്റെ സ്വത്തോ പണമോ മോള്‍ടെ സൌന്ദര്യമോ ഒന്നും കണ്ടിട്ടല്ല. കുലമഹിമ, അതൊന്നുമാത്രമാണ് അമ്മാവനിലും മകളിലും എന്നെ തളച്ചിട്ടത്. ചെറുപ്പത്തില്‍ പെറ്റമ്മയുടെ താലിമാല പൊട്ടിച്ചുകൊണ്ടു നാടുവിട്ട അമ്മാവന്‍ വളരെ വലിയ ബിസിനസുകാരായി മടങ്ങി വരുമ്പോള്‍ ഞാന്‍ സത്യം പറഞ്ഞാല്‍ കെഎസ്യു, യൂത്ത് കോണ്‍ഗ്രസ് എന്നൊക്കെ [...]

അളിയോ പൂയ്,
എന്നാ പറഞ്ഞാലും നമ്മടെ തോട്ടുമുക്കിലെ കുളിക്കടവിലിരുന്ന് കൂവുന്ന ഒരു സുഖം ഇവിടെ ഇല്ലെടാ ഉവ്വേ. ഈരാറ്റുപേട്ട, ഭരണങ്ങാനം, പാലാ എന്നൊക്കെ പറയുന്ന പോലത്തെ സ്ഥലങ്ങളും ഇവിടില്ല. ലണ്ടന്‍ പിന്നെ നമ്മള് കേട്ടിട്ടുണ്ട്. മാഞ്ചസ്റ്റര്‍ കൂഞ്ചസ്റ്റര്‍, ഡെര്‍ബി കുര്‍ബി, ലങ്കാസ്റ്റര്‍ കുങ്കാസ്റ്റര്‍ ഇമ്മാതിരി സ്ഥലങ്ങളാണിവിടെ. എന്റെ സ്റ്റുഡന്റ് വിസ കഴിയാന്‍ ആറുമാസം കൂടിയേ ഉള്ളൂ. എന്റെ കൂടെ അവിടുന്നു കേറിപ്പോന്നവന്‍മാരൊക്കെ ഇവിടെ അലമ്പോടലമ്പാ. ബ്രിട്ടണ്‍ ഇങ്ങനൊരു കൂതറ രാജ്യമാണെന്നു ഞാന്‍ വിചാരിച്ചില്ലെടാ ഉവ്വേ. കണ്ട അണ്ടനും അടകോടനും [...]

പ്രിയപ്പെട്ട മേഴ്സിക്കുട്ടി,
കത്ത് വായിച്ചു തുടങ്ങിയപ്പോള്‍ സത്യത്തില്‍ ഞാന്‍ വിസ്മയിച്ചു. ഓരോ വരിയിലും നിറഞ്ഞു നില്‍ക്കുന്ന ഉദ്വേഗം എന്നെ വല്ലാതെ ത്രസിപ്പിച്ചു. വീട്ടിലേക്കുള്ള യാത്രയില്‍ ടാക്സിയില്‍ വച്ചെങ്കിലും എന്തെങ്കിലും സംഭവിക്കുമെന്ന് മേഴ്സിയെപ്പോലെ തന്നെ ഞാനും പ്രതീക്ഷിച്ചു. എല്ലാം വായിച്ചു കഴിഞ്ഞപ്പോള്‍ എനിക്കു സത്യത്തില്‍ മേഴ്സിയോട് ബഹുമാനമാണ് തോന്നിയത്. ജീവിതത്തിലെ പ്രതിസന്ധികളില്‍ തളര്‍ന്നു പോകുന്ന സ്ത്രീകള്‍ക്ക് മേഴ്സിക്കുട്ടി ഒരു മാതൃകയാണ്. രാത്രി എപ്പോഴും സ്ത്രീകളുടെ മനസ്സില്‍ കീഴ്പ്പെടാനുള്ള ടെന്‍ഡന്‍സി ഉളവാക്കുന്ന അന്തരീക്ഷമാണ് ഒരുക്കുന്നത്. നാട്ടിലുള്ളപ്പോള്‍ പുറത്തിറങ്ങാന്‍ പോലും മടിയുള്ള മേഴ്സിക്കുട്ടി [...]

പ്രിയപ്പെട്ട സണ്ണിക്കുട്ടി ഡോക്ടര്‍ക്ക്,
35 വയസ്സുള്ള വിവാഹിതയാണു ഞാന്‍. എനിക്ക് സ്നേഹസമ്പന്നനായ ഭര്‍ത്താവും രണ്ടു മക്കളുമുണ്ട്. ഞാനിവിടെ ഒരു പ്രൈവറ്റ് കമ്പനിയിലാണ് ജോലി ചെയ്യുന്നത്. ഭര്‍ത്താവ് പ്രത്യേകിച്ചു ജോലിയൊന്നും ചെയ്യുന്നില്ല. കൊച്ചിനെ കുളിപ്പിച്ചോളാം, കുക്കിങ് ഒക്കെ ചെയ്തു തരാം എന്നൊക്കെ പറഞ്ഞാണ് നാട്ടില്‍ നിന്നും ഇങ്ങോട്ടു വന്നത്. ഇവിടെ വന്നതോടെ സ്വഭാവം മാറി. ഒരു പണിയും ചെയ്യാതെ ഇന്ത്യാവിഷനും കണ്ടു സോഫയില്‍ കിടക്കുകയേ ഉള്ളൂ. എങ്കിലും, കള്ളുകുടിയോ സിഗരറ്റ് വലിയോ അങ്ങനെ വേറെ സ്വഭാവദൂഷ്യമൊന്നും ഉണ്ടായിരുന്നില്ല. അതുകൊണ്ടു [...]

എന്റെ ജോര്‍ജ്ജൂട്ടിച്ചായാ,
എനിക്കാകെ പേടിയാകുന്നു. നമ്മുടെ ബന്ധം എന്റെ ചേട്ടനറിഞ്ഞപ്പോഴോ ജോര്‍ജ്ജൂട്ടിച്ചായന്റെ ഭാര്യയറിഞ്ഞപ്പോഴോ ഞാനിത്രേം പേടിച്ചിട്ടില്ല. പക്ഷെ, സിഐഎഫ്ഐക്കാരറിഞ്ഞാല്‍ ? സണ്ണിത്താനെപ്പോലൊരു നേതാവിന് ഇതാണ് ഗതിയെങ്കില്‍ നമ്മുടെ കാര്യം എന്താവുമെന്ന് ആലോചിച്ചിട്ട് എനിക്കൊരെത്തും പിടിയും കിട്ടുന്നില്ലച്ചായാ. നാളെ രാത്രി എന്തായാലും വരേണ്ട എന്നു പറയാന്‍ വേണ്ടിയാണ് അടിയന്തിരമായി ഞാനീ കത്തെഴുതുന്നത്. അല്ല അച്ചായാ, നമ്മള്‍ പരസ്പര സമ്മതത്തോടെ പരസ്പര സ്നേഹത്തോടെ ആര്‍ക്കും ഒരു ശല്യവുമുണ്ടാക്കാതെ രാത്രീം ഇച്ചിരെ മിണ്ടീം പറഞ്ഞുമൊക്കെയിരുന്ന് കട്ടന്‍കാപ്പീം കുടിച്ചു പിരിയുന്നതിന് ഇവന്‍മാര്‍ക്കെന്നാത്തിന്റെ കഴപ്പാ ? [...]

എന്റെ ഏറ്റവും പ്രിയപ്പെട്ട ബെര്‍ളിച്ചായന്,
ഇതാദ്യമായാണ് ഒരു ഇ മെയില്‍ അയക്കുമ്പോള്‍ എന്റെ കൈ വിറയ്ക്കുന്നത്. പ്ളസ് ടുവിനു പഠിക്കുമ്പോള്‍ ബിസിനസ് സ്റ്റഡീസ് പഠിപ്പിക്കാന്‍ വന്ന ഫാദര്‍ ഡെന്നീസിനോട് വിവാഹാഭ്യര്‍ഥന നടത്തുമ്പോഴോ ഇന്‍ഫോസിസ് ചെയര്‍മാന്റെ മോന് നാന്‍സി ഫ്രൈഡേ ഭാഷയില്‍ ചൂടന്‍ പ്രേമലേഖനമയച്ചപ്പോഴോ എനിക്കു കൈ വിറച്ചിട്ടില്ല. പക്ഷെ, ഇന്ന് അറിയാതെ ഞാന്‍, എന്താ ഇപ്പോ അതിനു പറയുക ? ഞാന്‍, ഞാന്‍ തരളിതയാവുകയാണ്. അതെന്താണെന്നു ചോദിച്ചാല്‍ എനിക്കറിയില്ല, ബട്ട് അയാം ഫീലിങ് ലൈക് ദാറ്റ്.
എന്നേ യാത്ര [...]

എന്റെ ഷുക്കൂറിക്കയ്ക്ക്,
എനിക്കെല്ലാം മനസ്സിലായി. കഴിഞ്ഞ 10 വര്‍ഷമായി എന്റെ പിന്നാലെ നടന്നത് ഇതിനായിരുന്നു അല്ലേ ? എന്തായാലും എന്നോടിതു വേണ്ടായിരുന്നു. ഞാന്‍ എട്ടാം ക്ളാസ്സില്‍ പഠിക്കുന്ന കാലം മുതല്‍ ഓരോന്നു പറഞ്ഞ് എന്റെ പിന്നാലെ നടന്നത് എന്തിനായിരുന്നു എന്നെനിക്കു മനസ്സിലായി. പത്താം ക്ളാസ്സില്‍ പഠിക്കുമ്പോള്‍ എന്നെ ബസപകടത്തില്‍ നിന്നു രക്ഷിച്ചതും ?സ് ടുവിനു പഠിക്കുമ്പോള്‍ എന്നെ തട്ടിക്കൊണ്ടു പോകാന്‍ ശ്രമിച്ച പെണ്‍വാണിഭക്കാരുടെ കയ്യില്‍ നിന്നെന്നെ രക്ഷിച്ചതും എല്ലാം ഈ ലക്ഷ്യത്തിനു വേണ്ടിയായിരുന്നു എന്നെനിക്കു മനസ്സിലായി. എനിക്കു [...]

സ്നേഹനിധിയായ അപ്പച്ചാ,
എന്തൊക്കെയുണ്ടപ്പച്ചാ വിശേഷങ്ങള്‍ ? സുഖം തന്നെയല്ലേ ? വീട്ടിലേക്ക് ഞാന്‍ വന്നിട്ട് അഞ്ചു വര്‍ഷമായെങ്കിലും എല്ലാ ദിവസവും ഞാന്‍ അപ്പച്ചനെക്കുറിച്ച് ഓര്‍ക്കാറുണ്ടായിരുന്നു. അപ്പച്ചന് ഷുഗര്‍ നോക്കുന്ന യന്ത്രം വാങ്ങാനെന്നു പറഞ്ഞ് അമ്മച്ചിയുടെ കയ്യില്‍ നിന്ന് അയ്യായിരം രൂപയും വാങ്ങി ഇറങ്ങിപ്പോന്ന പോക്കാണ്. ഇപ്പോള്‍ ഷുഗറൊക്കെ എങ്ങനെയുണ്ടപ്പച്ചാ ? സൂസമ്മയാന്റിക്കും ഷീലച്ചേച്ചിക്കും ഒക്കെ സുഖമല്ലേ ? കഴിഞ്ഞ കോളജ് ഇലക്ഷന്‍ കാലത്ത് ഷീലച്ചേച്ചിയുടെ കോളജില്‍ ഒരു സമരവുമായി പോയവഴി എന്റെ കൂടെയുണ്ടായിരുന്നവര്‍ ചേച്ചീടെ മാരുതി സെന്നിന്റെ ചില്ലുപൊട്ടിച്ച [...]

ഡേയ് തിരട്ടു റാസ്കല്‍,
കഴിഞ്ഞതിന്റെ മുമ്പത്തെ വര്‍ഷം തന്റെ വീടു പണിയാന്‍ ഞാന്‍ വന്നപ്പോള്‍ തന്റെ കെട്ടിയോള്‍ടെ അരഞ്ഞാണം മോഷ്ടിച്ചുവെന്ന് താന്‍ എനിക്കെതിരെ പോലീസില്‍ പരാതി കൊടുത്തു. അന്നേ ഞാന്‍ തന്നെ നോട്ടമിട്ടു വച്ചതാണ്. എടാ, മലയാളിത്തെണ്ടീ, ഞങ്ങള്‍ തമിഴ്നാട്ടുകാരോട് കളിച്ചാല്‍ നിന്റെയൊക്കെ കിടുങ്ങാമണി ഞങ്ങള്‍ എടുക്കും.
ഒരു കാര്യം വളരെ വ്യക്തമായി അങ്ങു പറഞ്ഞേക്കാം. മുല്ലപ്പെരിയാര്‍ ഡാം ഞങ്ങളുടേതാണ്. ഡാമിന്റെ മേലോ പെരിയാറിന്റെ മേലോ കേരളത്തിന് യാതൊരു വിധ അവകാശങ്ങളുമില്ല. പെരിയാര്‍ കേരളത്തിലൂടെ ഒഴുകുന്ന നദിയാണെന്നും [...]

മിസ്റ്റര്‍ ഷാരൂഖ് ഖാന്‍,
എനിക്കു സന്തോഷമായി. ഞാനാരാണെന്ന് ആദ്യമേ പരിചയപ്പെടുത്താം. പേര് കുരിശിന്‍മൂട്ടില്‍ ഇട്ടൂപ്പ് , ഒരമേരിക്കക്കാരനാണ്. നിങ്ങളെ ഞങ്ങളുടെ ഒരു വിമാനത്താവളത്തില്‍ പോലീസുകാര്‍ തടഞ്ഞു നിര്‍ത്തിയതായി ടിവിയില്‍ കണ്ടു. സന്തോഷമായി. ഞങ്ങടെ പോലീസ് വളരെ സ്ട്രോങ്ങാണ്. നിങ്ങള്‍ ഇന്ത്യയിലെ വലിയ സിനിമാ നടനാണെന്നൊക്കെ ഒരു ചാനലില്‍ കണ്ടു, ഞാന്‍ ഇന്ത്യ വിട്ടു പോന്നിട്ട് 20-25 വര്‍ഷം കഴിഞ്ഞതുകൊണ്ട് അങ്ങനെ ശ്രദ്ധിക്കാറില്ല. പണ്ട്, ഏതോ ഒരു അച്ചന്‍ ഹിന്ദി സിനിമേലഭിനയിക്കുന്നുണ്ടായിരുന്നു. അയാളൊക്കെ ഇപ്പോഴും ഉണ്ടോ ?
ബൈ ദ [...]

എടോ കള്ള കാട്ടറബീ,
ഓര്‍മയുണ്ടോ തനിക്കെന്നെ ? നമ്മള്‍ തമ്മില്‍ അവസാനം കാണുമ്പോഴും ഞാന്‍ തന്നെ സര്‍, സര്‍, സര്‍ എന്നാണു വിളിച്ചിരുന്നത്. പക്ഷെ, അപ്പോഴും മനസ്സില്‍ തന്നെ ഞാന്‍ ഇങ്ങനെ തന്നെയാണ് വിളിച്ചത്. ഞാന്‍ മലയാളത്തിലെഴുതുന്ന ഈ കത്ത് വായിക്കുന്നത് എന്നെ പറ്റി സകല നുണയും തന്റെയടുത്ത് പറഞ്ഞുപിടിപ്പിച്ച എന്റെ നാട്ടുകാരനും ചെറ്റയും തന്റെ പേഴ്സണന്‍ സെക്രട്ടറിയുമായ ആ രാജപ്പനായിരിക്കും എന്നെനിക്കറിയാം.
തന്റെ മുന്നില്‍ വച്ച് അവനെ നാലു തെറി വിളിക്കണമെന്ന് വന്ന അന്നു മുതല്‍ ഞാന്‍ [...]