ബെര്‍ളിത്തരങ്ങള്‍

മഹാത്മാഗാന്ധിക്കു ശേഷം പാവപ്പെട്ടവര്‍ക്കു വേണ്ടി ശബ്ദമുയര്‍ത്തുന്ന ഒരേയൊരു മഹാനാണ് രാഹുല്‍ജി. ഈ നൂറ്റാണ്ടിലെ മഹാത്മാഗാന്ധി എന്നു വിളിച്ചാലും തരക്കേടില്ല.

സഖാവ് യേശുക്രിസ്തുവാണ് ലോകത്തിലെ ആദ്യമല്‍സ്യത്തൊഴിലാളി നേതാവെന്ന് മന്ത്രി എം.എബേബി. പിണറായി മുഖ്യമന്ത്രി ആയിരുന്നെങ്കില്‍ കേരളം രക്ഷപെട്ടുപോയേനെ എന്നു ക്യാപ്റ്റന്‍ കൃഷ്ണന്‍ നായര്‍. സനാതനക്രൈസ്തവ നികൃഷ്ടജീവികള്‍ എങ്ങനെ രക്ഷപ്രാപിക്കും ?

സ്ത്രീകളുടെ ശക്തി എന്താണെന്ന് ലോകം തിരിച്ചറിയുന്ന ഒരു നാള്‍ വരുമെന്നും അന്ന് പുരഷമേധാവിത്വസമൂഹം സ്ത്രീകളുടെ കാലുപിടിക്കാന്‍ ഓടി നടക്കുമെന്നും ഒരു ഫെമിനിസ്റ്റ് പറഞ്ഞതായി ഓര്‍ക്കുന്നു. ഇതാ ആ സുദിനം വന്നു കഴിഞ്ഞു.

ആരും ശുംഭന്‍മാരായി ജനിക്കുന്നില്ല, ഈ സമൂഹമാണ് അവരെ അങ്ങനെയാക്കിത്തീര്‍ക്കുന്നത്. എന്നാല്‍, മഠയന്‍മാര്‍ ജന്മനാ അങ്ങനെയാണെന്നും കേള്‍ക്കുന്നു. ജഡ്ജിമാര്‍ ശുംഭന്‍മാരും അധ്യാപകര്‍ മഠയന്‍മാരുമായിട്ടുള്ള കേരളസമൂഹത്തില്‍ സാംസ്കാരത്തെ മലര്‍ത്തിക്കിടത്തി കൈവെട്ടിയെടുക്കുമ്പോള്‍ മാത്രം ഞെട്ടല്‍ പ്രകടിപ്പിച്ചിട്ടു കാര്യമില്ല.

ഗാന്ധിജി എന്നു പറയേണ്ടിടത്ത് ഗോഡ്‍സെ എന്നു പറയുന്നതു പോലെ ഗാന്ധി വിരുദ്ധമാണ് രാജീവ് ഗാന്ധി എന്നു പറയേണ്ടിടത്ത് സഞ്ജയ് ഗാന്ധി എന്നു പറയുന്നത് എന്നാണോ കോണ്‍ഗ്രസുകാര്‍ തന്നെ വിശ്വസിക്കുന്നത് ? എങ്കില്‍ കെപിസിസിയും നെഹ്റു കുടുംബവുമായുള്ള ബന്ധത്തില്‍ ഉലച്ചിലുകളുണ്ടാവില്ലേ എന്നു ‍ഞാനാശങ്കപ്പെടുന്നു.

പ്ലീസ്..ജനങ്ങളെ ഭരണം കൊണ്ട് ഉദ്ധരിക്കാനൊന്നും ആരും നില്‍ക്കേണ്ട, അവരെ പീഡിപ്പിക്കാതിരിക്കാന്‍, അവര്‍ക്ക് ജീവിക്കാനുള്ള അവസരം നല്‍കാന്‍ മാത്രം വളരെ കുറച്ചു കാര്യങ്ങള്‍ ചെയ്താല്‍ മതി. നികുതിപ്പണം മുഴുവന്‍ നിങ്ങള്‍ പങ്കിട്ടെടുത്തോളൂ…. പകരം, ഞങ്ങളെ ഉപദ്രവിക്കരുത് !

സ്റ്റേറ്റ് പൊലീസില്‍ ലാത്തിയും പുല്ലാങ്കുഴലും തമ്മില്‍ തിരിച്ചറിയാന്‍ കഴിയുന്ന ഒരേയൊരു പ്രതിഭയാണ് ആരാധ്യനായ ടോമിന്‍ ജെ.തച്ചങ്കരി.നാടിന്‍റെ നന്മയ്‍ക്കു വേണ്ടി ഇറങ്ങിത്തി ഒരു ഐജിയോട് ഇങ്ങനെയാണ് ഭരണകൂടം പെരുമാറുന്നതെങ്കില്‍ സാധാരണക്കാരായ പോലീസുകാരുടെ സ്ഥിതി എന്തായിരിക്കും ?

കോട്ടയം സിഎംഎസ് കോളജിലെ നികൃഷ്ടജീവികളായ വൈദികര്‍ പരമപരിശുദ്ധമായ എസ്എഫ്ഐയോടും അതിന്‍റെ നേതാക്കളോടും ചെയ്ത നെറികേടിന്‍റെ പേരില്‍ യേശുക്രിസ്തു എസ്എഫ്ഐ സംസ്ഥാന നേതൃത്വത്തോട് മാപ്പു പറയണം. അല്‍പം കൂടി നേരത്തേ ആയിരുന്നെങ്കില്‍ മാര്‍പ്പാപ്പാ വന്നു കാലുപിടിച്ചിരുന്നെങ്കില്‍ ക്ഷമിച്ചേനെ. ഇനിയിപ്പോള്‍ അതും പോര !

ഇപ്പോള്‍ എനിക്കും കുറച്ചു പേടിയുണ്ട്. ഇന്നല്ലെങ്കില്‍ നാളെ ലോക്കല്‍ കോണ്‍ഗ്രസ് നേതാക്കള്‍ എന്റെ കസേരയ്ക്കു (രാഷ്ട്രീയത്തിലെ കസേരയല്ല) പിന്നില്‍ വന്നു നില്‍ക്കുമെന്നും എന്റെ ബ്ലോഗ് പോസ്റ്റുകള്‍ അവരില്‍ എഴുത്തും വായനയും അറിയാവുന്നവര്‍ വായിച്ച ശേഷം ഡിലീറ്റ് ചെയ്യുമെന്നും ഞാനാശങ്കപ്പെടുന്നു. കോണ്‍ഗ്രസുകാരുടെ പ്രവാചികയായ സോണിയയുടെ കഥ എഴുതുകയോ സിനിമയാക്കുകയോ ചെയ്യുന്നവര്‍ സെന്‍സര്‍ ചെയ്യപ്പെടുമ്പോള്‍, ഇവിടെ ഈ മൂലയ്ക്കിരിക്കുന്ന എന്നെ വെട്ടിനിരത്താന്‍ (സ്ഥിരം വെട്ടിനിരത്തലുകാര്‍ പൊറുക്കണം) നേതാക്കന്‍മാര്‍ക്കുണ്ടോ വല്ല പാടുമുള്ളൂ.
സോണിയാ ഗാന്ധിയോടു സാദൃശ്യമുള്ള കഥാപാത്രത്തെ വച്ചു സിനിമയെടുത്ത സംവിധായകന്‍ പ്രകാശ് [...]

കേരളത്തിലെ കമ്യൂണിസം പോലെ ലോകത്ത് ഒരിടത്തും കമ്യൂണിസവും കമ്യൂണിസ്റ്റുകാരും നേരിട്ട് വിപ്ലവത്തിലേക്കും പുരോഗതിയിലേക്കും നടന്നടുക്കാതെ വര്‍ഗരാഷ്ട്രീയത്തില്‍ നിന്നും വേറിട്ട് സ്വത്വ രാഷ്ട്രീയത്തില്‍ അടിയുറച്ചു നില്‍ക്കുന്നതിലെ പുരോഗമനവും കലയും സാഹിത്യവും എന്താണ് എന്നു നമ്മള്‍ അന്വേഷിക്കേണ്ടിയിരിക്കുന്നു. റഷ്യയൊക്കെ പോയി, പോളണ്ടും ക്യൂബയുമൊക്കെ ഇപ്പോഴും ഉണ്ടോ എന്നു പോലുമറിയില്ല. പോയിട്ട് കമ്യൂണിസവും അതിന്റെ നന്മകളുമായി ബാക്കി നില്‍ക്കുന്ന സിപിഎമ്മും കേരള-ബംഗാള്‍ സര്‍ക്കാരുകളും ഒരു പാര്‍ട്ടി ടൂര്‍ നടത്തണമെങ്കില്‍ ഇപ്പോഴും ചൈന തന്നെയാണാശ്രയം.
ചൈനയില്‍ പോകുന്നതൊക്കെ കൊള്ളാം, പക്ഷെ കമ്യൂണിസത്തിനു പുറമേ ഭാഷ [...]

അപചയം അപചയം എന്ന വാക്ക് ബുദ്ധിജീവികള്‍ ഉപയോഗിച്ചിരുന്നത് ഏത് അര്‍ത്ഥത്തിലാണ് എന്നെനിക്കിതുവരെ മനസ്സിലായിരുന്നില്ല. ഡിവൈഎഫ്ഐ സഖാക്കള്‍ക്ക് ഇന്നലെ സംഭവിച്ചത് അല്ലെങ്കില്‍ കുറെ നാളായി സംവിച്ചുകൊണ്ടിരിക്കുന്നതിനെ അങ്ങനെ വിശേഷിപ്പിച്ചാല്‍ സഖാവ് വിജയനോ മറ്റോ വല്ലോം ചെയ്യുമോ ആവോ ? എനിക്കീയിടെയായി എല്ലാരേം പേടിയാ. വിജയനും ബാലകൃഷ്ണനും എന്തിന് തെരുവുപട്ടികളെ പോലും ഞാന്‍ അകാരണമായി ഭയപ്പെടുന്നു.
ഡിഫിക്കുട്ടികളുടെ അപചയം എന്നു പറയുമ്പോള്‍ പാലേരിയില്‍ വച്ച് നീലാണ്ടനെ ഇടിച്ച് ഇഞ്ചപ്പരുവമാക്കിയിട്ട് ഇന്നിതാണ്ടെ രണ്ടെണ്ണം അറസ്റ്റ് വരിച്ചിരിക്കുന്നു. ഒന്നാമത്, നീലാണ്ടനെ കൊന്നില്ല, രണ്ടാമത്, [...]