ബെര്‍ളിത്തരങ്ങള്‍

സംസ്ഥാന സ്കൂള്‍ കലോല്‍സവ ചരിത്രത്തിലെ ഏറ്റവും വലിയ കലോല്‍സവമായ അന്‍പതാമത് കേരള സ്കൂള്‍ കലോല്‍സവത്തിന് കോഴിക്കോട്ട് ഇന്നു തിരി തെളിയുന്നു. ഒരു ഇവന്റ് എന്നതിലുപരി ഇക്കാലമത്രയും കലോല്‍സവങ്ങളില്‍ പ്രതിഭയുടെ മാറ്റുരച്ച പതിനായിരക്കണക്കിന് കലാകാരന്‍മാരുടെ നെഞ്ചില്‍ ഉറക്കമൊഴിഞ്ഞ കലാരാവുകളുടെ തുടിപ്പുകള്‍ വീണ്ടുമുയരും. പതിനെട്ടടവും പിന്നെ അപ്പീല്‍ പ്രളയവും പതിനായിരം ചുറ്റിക്കളികളും കലോല്‍സവത്തിന്റെ സൈഡ് ഡിഷുകളാണ്. എല്ലാം അറിയാന്‍, ആസ്വദിക്കാന്‍ ലോകമെങ്ങുമുള്ള മലയാളികള്‍ക്ക് കോഴിക്കോട്ടേക്കു സ്വാഗതം.
1957 ല്‍ ആരംഭിച്ച സംസ്ഥാന സ്കൂള്‍ യുവജനോല്‍സവം 2010ല്‍ അന്‍പത് വര്‍ഷം പൂര്‍ത്തിയാക്കുമ്പോള്‍ [...]

സഖാവ് പിണറായി വിജയന് ക്രിക്കറ്റുമായുള്ള ബന്ധം സച്ചിന്‍ ടെന്‍ഡുല്‍ക്കര്‍ക്ക് പോളിറ്റ് ബ്യൂറോയുമായി ഉള്ളതുപോലെയേ ഉള്ളൂ. നല്ല മനുഷ്യരോടു ദുഷ്ടന്‍മാര്‍ക്കുള്ള വിരോധമല്ലാതെ ഇരുവര്‍ക്കും പൊതുശത്രുക്കളുണ്ടാവാന്‍ സാധ്യത തീരെയില്ല. എന്നിട്ടും പിണറായി വിജയനോടു ചെയ്തത് തന്നെ സച്ചിനോടും ചെയ്തു ഇ മെയില്‍ ഫോര്‍വേഡ്കാര്‍. പിണറായി വിജയന്‍ പരാതിപ്പെട്ടു. സച്ചിന് എന്തായാലും അതിന്റെ രാഷ്ട്രീയം മനസ്സിലായിട്ടില്ല. തന്നെയും ഇന്ത്യന്‍ ക്രിക്കറ്റിനെയും തകര്‍ക്കാനുള്ള കുപ്രചരണത്തിന്റെ ഭാഗമാണെന്ന് സച്ചിന്‍ പറഞ്ഞിരുന്നെങ്കില്‍, ഒരു പരാതി കൊടുത്തിരുന്നെങ്കില്‍ പത്തോ പതിനഞ്ചോ ലക്ഷം ആളുകളെ പ്രതിയാക്കി ഒരു കേസെടുക്കാമായിരുന്നു. [...]

ഒരേയൊരു കായംകുളം കൊച്ചുണ്ണിയേ നമുക്കുള്ളൂ. പിന്നെയുള്ളത് ചില മീശമാധവന്‍മാരും. പതിനായിരം കൊച്ചുണ്ണിമാര്‍ക്ക് അര വീരപ്പന്‍ എന്ന കണക്ക് ശരിയാണെങ്കില്‍ മഹാനായ ആ ചരിത്രപുരുഷന്‍ കാഥാവശേഷനായിട്ട് ഇന്ന് അഞ്ചു വര്‍ഷം പൂര്‍ത്തിയാവുന്നു. 2004 ഒക്ടോബര്് 18നാണ് വീരപ്പനെ സത്യമംഗലം കാട്ടിനടുത്തുള്ള പ്രദേശത്തു തമിഴ്നാട് ദൌത്യസേന വെടിവച്ചു കൊന്നത്. മൂന്നു ദശകത്തിലേറെ ദക്ഷിണേന്ത്യയിലെ കാടുകളെ വിറപ്പിച്ച വീരപ്പന്‍ യുഗത്തിന്റെ അവസാനമായിരുന്നു അത്.
സംഘത്തിലെ ഭൂരിഭാഗം പേരും ദൌത്യസേനയുടെ പിടിയിലായതും പലവിധരോഗങ്ങളാല്‍ വീരപ്പന്‍ വലഞ്ഞതും അവസാനകാലത്ത് വീരപ്പനെ ഒറ്റപ്പെടുത്തി. കര്‍ണാടക [...]

ബൂലോകത്തിന്‍റെ ചരിത്രത്തിലെ കറുത്ത ദിനമാണിന്ന്. ലോകത്തെ സംബന്ധിച്ച് സാധാരണമായൊരു സംഭവം. ദിവസവും ആയിരക്കണക്കിനാളുകള്‍ ലോകത്ത് അപകടത്തില്‍ മരിക്കുമ്പോള്‍ നമുക്കു വേണ്ടപ്പെട്ടവര്‍ക്കു സംഭവിക്കുന്ന ദുരന്തങ്ങള്‍ മാത്രമാണ് നമ്മെ വേദനിപ്പിക്കുന്നത്. എന്നാല്‍ ജീവിതത്തിനും മരണത്തിനുമിടയില്‍ അനിശ്ചിതമായ ചിലപ്പോള്‍ അപ്രസക്തമായ ഒരു പ്രതീക്ഷയുടെ നേര്‍ത്ത ചരടില്‍ തൂങ്ങിക്കിടക്കുന്ന നവീന്‍ ജോര്‍ജ് ഈ ദിവസം വേദനാജനകമാക്കിയിരിക്കുന്നു. നൂറു കണക്കിനു മലയാളം ബ്ലോഗര്‍മാരുടെ വേദനയായി നവീന്‍ മാറുമ്പോള്‍ ലോകമേ, ഈ കൂട്ടപ്രാര്‍ഥനയില്‍ പങ്കു ചേരൂ.
നവീന്‍ ജോര്‍ജിനെ ഞാനിന്നാണ് പരിചയപ്പെടുന്നത്. നവീന്‍റെ ബ്ലോഗും ആദ്യമായാണ് [...]

ത്യാഗസുരഭിലമായ വ്രതാനുഷ്ഠാനത്തിന്‍റെ റമസാന്‍ ദിനങ്ങള്‍ക്കു വിട. പാപങ്ങളെല്ലാം മോചിച്ച് പുതിയൊരു മനുഷ്യനായി വിശ്വാസത്തിന്‍റെയു സമൂഹത്തിന്‍റെയും നടവഴികളിലേക്ക് വിശുദ്ധിയുടെ വെള്ളവസ്ത്രമണിഞ്ഞ് ഇനി പുതിയ യാത്ര. പകല്‍ മുഴുവന്‍ അന്നപാനീയങ്ങള്‍ ഉപേക്ഷിച്ചു നോമ്പുനോറ്റ് നേടിയ വിശുദ്ധിയുടെ പുണ്യവുമായി ഇനി പുതുജീവിതത്തിന്‍റെ പ്രതീക്ഷ.

സാഹോദര്യത്തിന്‍റെയും കാരുണ്യത്തിന്‍റെയും കാലഹരണപ്പെട്ടിട്ടില്ലാത്ത സന്ദേശം ശക്തമായി ഊട്ടിയുറപ്പിക്കുന്ന ആഘോഷത്തിലേക്ക് ലോകം മുഴുകുമ്പോള്‍ ഈ ചെറിയ പെരുന്നാള്‍ ഒരിക്കലും മറക്കാനാവാത്ത വിശുദ്ധിയുടെ ദിനങ്ങളിലൊന്നായി മാറട്ടെ എന്നു പരസ്പരം ആശംസിക്കാം. ലോകമെങ്ങുമുള്ള എല്ലാ മലയാളികള്‍ക്കും ചെറിയ പെരുന്നാള്‍ ആശംസകള്‍ !!

(അവള്‍ എന്നെ വഞ്ചിച്ചു. എല്ലാം കഴിഞ്ഞപ്പോള്‍ അവള്‍ എന്‍റെ പ്രസ്ഥാനത്തിന്‍റെ പരിപ്പെടുത്തു. ഡു യു വാണ്‍ട് ടു നോ വാട്ട് ഷി ഹാഡ് അല്ല ഹാസ്.. അല്ലെങ്കില്‍ വേണ്ട, ആ കഴുവേര്‍ട മോളെന്നോടെന്താ ചെയ്തതെന്നു നിങ്ങള്‍ക്കറിയണോ ? ദാ ഇപ്പോള്‍ നിക്കാരഗ്വയില്‍ നിന്നിവിടെ വന്നിറങ്ങി ഓഫിസില്‍കയറി നോക്കുമ്പോള്‍ റോസ്മി ഇല്ല. അവളുടെ പ്രതീകമായിരുന്ന ടൈപ്പ്‍റൈറ്റര്‍ ചിന്നഭിന്നമായി കിടക്കുന്നു. ടീപ്പോയില്‍ അവളുടെ ഈ കത്തും. എനിക്കു സഹിക്കാനാവുന്നില്ല ഫാന്‍സേ സഹിക്കാനാവുന്നില്ല)
പ്രിയപ്പെട്ട ബെര്‍ളിച്ചായന്,
എറെ വിഷമത്തോടെയാണ് ഞാന്‍ ഇതെഴുതുന്നത്. മുകളില്‍ സൂചിപ്പിച്ചതുപോലെ [...]

അഞ്ചു വര്‍ഷങ്ങള്‍ക്കു മുമ്പ് ലോകത്തിന്റെ മറുകോണിലുള്ള ഒരാളോട് സംസാരിക്കണമെങ്കില്‍ ഏറ്റവും വേഗതയുള്ള ഒരു ഇമെയില്‍ തുറന്ന് അതില്‍ ചറപറാ ചറപറാ എന്നടിക്കണമായിരുന്നു. അത് വായിച്ച ശേഷം എതിരാളി മറുപടി എത്രയും വേഗം തന്നാല്‍ ആശയവിനിമയം എത്രയും വേഗത്തിലാവും. അത്രതന്നെ. എന്നാല്‍ ഗൂഗിള്‍ കാഴ്ചവച്ച ജിമെയില്‍ അഞ്ചുവര്‍ഷം കൊണ്ട് ഓണ്‍ലൈന്‍ കമ്മ്യൂണിക്കേഷന്‍ രംഗം മാറ്റിമറിച്ചു. അഞ്ചോ ആറോ എംബി മാത്രം മെയില്‍ സംഭരണശേഷി ഉള്ള മറ്റു മെയിലുകളെ വിസ്മയിപ്പിച്ചുകൊണ്ട് വണ്‍ ജിബി സംഭരണശേഷിയുമായി ജിമെയില്‍ പുറത്തിറങ്ങിയപ്പോള്‍ അത് ലോകത്തിന് [...]

മര്യാദയ്ക്ക് വല്ലതുമെഴുതി ഒരു മൂലയ്ക്ക് ജീവിച്ചു പോകാമെന്നു വച്ചാല്‍ ചിലര്‍ സമ്മതിക്കില്ല. നമ്മള്‍ അങ്ങോട്ടു വഴക്കിനു പോയില്ലെങ്കിലും ചിലര്‍ ഇങ്ങോട്ടു വന്നു കയറും. കുറെയൊക്കെ നമുക്ക് ക്ഷമിക്കാം, കുട്ടികളല്ലേ എന്നു കരുതി പോട്ടെന്നു വയ്ക്കാം. എന്നു കരുതി നമ്മുടെ വ്യക്തിത്വവും മറ്റും ചുമ്മാ കയറി വല്ലവനും ചോദ്യം ചെയ്യുമ്പോള്‍ ക്ഷമാശീലം പുലര്‍ത്തുന്നത് ഭൂഷണമല്ല.
ഞാന്‍ വീണ്ടും പറയുന്നു. മലയാളം ബ്ലോഗര്‍മാരുമായി വാഗ്വാദത്തിലേര്‍പ്പെടാന്‍ എനിക്കു താല്‍പര്യമില്ല. (ങൂം.. നിനക്കു വാഗ്വാദം നടത്താന്‍ ഇംഗീഷില്‍ നിന്നു മീനാക്ഷി റെഡ്ഡി മാധവനെ [...]

ഇതൊരു ബോറന്‍ ടൈറ്റിലാണ്. പക്ഷെ, ആദരണീയനായ ഡി.പ്രദീപ്കുമാര്‍ വായിക്കുന്നതിനു വേണ്ടി മാത്രമാണ് പോസ്റ്റിന് ഈ ടൈറ്റിലിടുന്നത്. ബ്ലോഗിലെ ധാര്‍മികപ്രശ്നങ്ങള്‍ സംബന്ധിച്ചും ബ്ലോഗര്‍മാരുടെ അവകാശങ്ങള്‍ സംബന്ധിച്ചും ബ്ലോഗിലൂടെ ധര്‍മപ്രഭാഷണവും ധാര്‍മികരോഷപ്രകടനവും നടത്തുന്ന ഡി.പ്രദീപ്കുമാറിന്റെ ബ്ലോഗില്‍ നിന്നുള്ള ഉപദ്രവം കാരണം കഷ്ടപ്പെടുന്ന ഒരു മൂന്നാംകിട ബ്ലോഗറാണ് ഞാന്‍. നിലവാരവും, സംസ്കാരവും കുറവാണ്. എന്നു കരുതി എന്നോടെങ്ങനെയും പെരുമാറാമെന്ന് ആരാധ്യനായ ഡി.പ്രദീപ്കുമാര്‍ കരുതരുത് എന്നപേക്ഷിക്കുന്നു.
എന്താണ് ഡി.പ്രദീപ്കുമാര്‍ എന്നോടു ചെയ്ത അക്രമം ?
അദ്ദേഹം അറിഞ്ഞോ അറിയാതെയോ അദ്ദേഹത്തിന്റെ ബ്ലോഗില്‍ നിന്നുള്ള കമന്റുകള്‍ നേരേ [...]

സകല അനോണികളെയും പിടികൂടാനിറങ്ങിയ മരമാക്രിയുടെ അകാലചരമം ബൂലോഗത്ത് കാര്യമായ ചലനമുണ്ടാക്കിയില്ല എങ്കിലും ചലനങ്ങളുണ്ടാക്കുന്ന മരമാക്രി ഇല്ലാതായതിന്റെ ചലനരാഹിത്യം ചില്ലറ വിരസതകളുണ്ടാക്കുന്നുണ്ട്. ഒരിക്കല്‍ താനും അനോണിയല്ലാതാവുമെന്ന ബോധ്യത്തോടു കൂടി തന്നെ അനോണിവേട്ട നടത്തിയ മരമാക്രി നോണിയാകും മുമ്പേ ബ്ലോഗ് അവസാനിപ്പിച്ചതിനു പല കാരണങ്ങളുണ്ടാവാം. എങ്കിലും അവസാനം വിഴുങ്ങിയ ഇരയാണ് മാക്രിയുടെ അന്ത്യം കുറിച്ചത് എന്നത് സൂചിപ്പിച്ചേ പറ്റൂ. ആ ഇര ആരാണെന്നത് പറയാതെ തന്നെ എല്ലാവര്‍ക്കും അറിയാം.- എതിരന്‍ കതിരവന്‍ !
ഐഡന്റിറ്റി വെളിപ്പെടുത്തിയതിന്റെ പേരില്‍ മരമാക്രിയെ പിടികൂടി തല്ലിക്കൊന്ന [...]