More Articles
പാവപ്പെട്ട തിലകനോടുള്ള അവഗണന തുടരുകയാണ്. ഉദയനാണ് താരം എന്ന ചിത്രത്തില് സരോജ്കുമാര് തന്നെയൊരു ജൂണിയര് അര്ടിസ്റ്റ് അടിക്കുന്ന സീനില് അഭിനയിക്കില്ലെന്നും തന്നെ അടിക്കണമെങ്കില് ഹിന്ദിയില് നിന്ന് അമരീഷ് പുരിയെ കൊണ്ടുവരണമെന്നും പറയുന്നുണ്ട്. അമരീഷ് പുരി കാലം ചെയ്തു പോയി. ഹിന്ദിയില് നിന്നു വരുന്നത് സാക്ഷാല് ബച്ചനാണ്, അമിതാഭ് ബച്ചന്. ആര്ക്കു പോയി ? ബച്ചന്റെ അച്ചനായി വരെ അഭിനയിക്കാമെന്ന ആത്മവിശ്വാസമുള്ള, അഭിനയിച്ചു കാണിച്ചിട്ടുള്ള നമ്മുടെ പ്രിയങ്കരനായ തിലകനു പോയി.
ഇന്നല്ലെങ്കില് നാളെ, തനിക്കു വച്ചിരുന്ന വേഷമാണ് ബച്ചന് [...]
Read more →
ഡേവിഡ് കീലിയും മിരാന്ഡ കെറും ഇന്നു താരങ്ങളാണ്. ഇത്തരത്തില് ലോകത്താദ്യമായാവും രണ്ടു പേര് കണ്ണടച്ചു തുറന്ന സമയം കൊണ്ട് താരങ്ങളായത്. മിരാന്ഡയുടെ കാര്യം അവിടെ നില്ക്കട്ടെ; ഓളൊരു മോഡലാണ്, വിക്ടോറിയ സീക്രട്ട് പ്രസ്ഥാനത്തിന്റെ ഭാഗമാണ്. കുറെപ്പേരൊക്കെ അറിയും. ഡേവിഡ് കീലി എന്നു പറയുന്ന മനുഷ്യനെ ഒരു മനുഷ്യനും അറിയില്ലായിരുന്നു, കഴിഞ്ഞ ദിവസം വരെ. അല്ലെങ്കിലും ഓസ്ട്രേലിയയിലെ ഒരു ബാങ്കിന്റെ മൂലയിലിരുന്ന് വിരസമായ കണക്കുകള് നോക്കി വിടുന്ന ഡേവിഡ് കീലിയെ ആരറിയാന്, അറിഞ്ഞിട്ടെന്തു കാര്യം ?
അങ്ങനെയുള്ള വെറും അപ്രശസ്തനായ, [...]
Read more →
ഇവിടെ ആരാണ് തീവ്രവാദികള് എന്നത് ഒന്നുകൂടി പുനരാലോചിക്കേണ്ടിയിരിക്കുന്നു. ഒരാളെയും ഉപദ്രവിക്കാതെ, ഒരാളെയും ആക്ഷേപിക്കാതെ വല്ല ചെറിയ തമാശകളും പറഞ്ഞ് ജീവിച്ചുപോകാനാഗ്രഹിക്കുന്ന പാവപ്പെട്ട താരമാണ് ജയറാം. അങ്ങനെയുള്ള ജയറാം ഇന്നു വേലക്കാരിയെ എന്തോ ചെയ്ത കൊടുംപാതകിയായി മാറിയിരിക്കുന്നു. ആളുകള് ജയറാമിന്റെ കോലം കത്തിക്കുന്നു, പ്രിയതാരത്തിന്റെ ഭാര്യയും മക്കളുമുള്ള വീടിനു ബോംബെറിയുന്നു, വീട് തല്ലിത്തകര്ക്കുന്നു ഇതൊന്നും പോരാഞ്ഞ് പാണ്ടിരാജ്യത്തെ വക്കീലന്മാരെല്ലാം കൂടി ജയറാമിനെതിരെ കേസും കൊടുത്തിരിക്കുന്നു. പണ്ടെന്തോ പറഞ്ഞുപോയതിന് പാവപ്പെട്ട കുശ്ബുവിനെതിരെ പത്തായിരം കേസുകള് കൊടുത്ത നാടാണ്. കുശ്ബുവിനെ സുപ്രീം [...]
Read more →
നമസ്കാരം, കൊലവിളി എക്സ്ക്ളൂസീവ് ന്യൂസ് ബുള്ളറ്റിനിലേക്കു സ്വാഗതം.. ഞാന് വല്സന് കാലപുരി.. ഇന്നത്തെ ഏറ്റവും പുതിയ വാര്ത്ത… തലസ്ഥാനത്ത് ബഹുനില കെട്ടിടം ഇടിഞ്ഞു വീണ് അനേകമാളുകള് കൊല്ലപ്പെട്ടതായി സംശയിക്കുന്നു. ഏകദേശം അന്പതോളം പേര് തകര്ന്ന കെട്ടിടത്തിനടിയില് പെട്ടിട്ടുണ്ടെന്നാണ് കരുതുന്നത്.. എല്ലാവരും ചതഞ്ഞരഞ്ഞ് മരിച്ചിട്ടുണ്ടാവുമെന്നാണ് ഞങ്ങളുടെ പ്രത്യേക ലേഖകന് പി.പി.ഷിജു റിപ്പോര്ട്ട് ചെയ്യുന്നത്.. പി.പി.ഷിജു പറയൂ.. എന്താണ് അവിടെ നടക്കുന്നത്.. എത്രയാണ് ഏറ്റവും പുതിയ മരണസംഖ്യ ?
വല്സാ.. അന്പതിയെട്ട് പേര് ഇപ്പോള് ഈ തകര്ന്ന കോണ്ക്രീറ്റ് സ്ലാബിന്റെ അടിയിലുണ്ടെന്നാണ് [...]
Read more →
ഹഹഹഹഹഹഹഹഹഹഹഹഹഹ.. ! കൊച്ചിന് ഹനീഫയെ അനുകരിക്കുമ്പോള് ഒരു മിമിക്രിക്കാരന് നേരിടുന്ന ഏറ്റവും വലിയ വെല്ലുവിളി ഈ ചിരിയാണ്. ബാക്കിയൊക്കെ ഓകെ. ആസാനേ.. എന്നൊരു നാലു തവണ വിളിച്ച് ടാ പന്നീ.. കുത്തിമലത്തിക്കളയും എന്നൊക്കെ പറഞ്ഞാല് സംഗതി ക്ലീന്.
പ്രേക്ഷകരുടെ കൊച്ചിന് ഹനീഫ എന്നും ഈ നിറചിരിയോടെ നമ്മെ കീഴടക്കിയിട്ടേയുള്ളൂ. അദ്ദേഹത്തിന്റെ വേര്പാടില് സ്ഥിരം ഡയലോഗുകള് കാച്ചി ആ ആത്മാവിനെ ബോറടിപ്പിക്കാന് എനിക്കും ആഗ്രഹമില്ല. ഇതിനോടകം തന്നെ ആ ശരീരം ചില്ലുകൂട്ടില് വച്ചുള്ള റിയാലിറ്റി ഷോയും തലയും വാലുമില്ലാത്ത [...]
Read more →
അങ്ങനെ അങ്ങനെ ഒടുവില് സിനിമയില് കണ്ടതു പോലെ ലോകത്തെ എല്ലാ ജീവജാലങ്ങളും ചത്തൊടുങ്ങി ലോകം മുഴുവന് പണ്ടാരമടങ്ങി അവസാനിക്കും. കോടാനുകോടി വര്ഷങ്ങളുടെ സംസ്കാരവും ചരിത്രവും ശാസ്ത്രവുമെല്ലാം ചുമ്മാ മുങ്ങിത്താഴുമ്പോള് മനുഷ്യകുലത്തിന്റെ ചരിത്രം പോലുമവശേഷിക്കാതെ എല്ലാം മാഞ്ഞുപോകും. പക്ഷെ, കേരളത്തിലെ ചാനല് സ്റ്റുഡിയോകള് മാത്രം അന്നും ബാക്കി നില്ക്കും. ലോകത്ത് ഒരിക്കലും മരണമില്ലാത്ത നമ്മുടെ വാര്ത്താ അവതാരകര് അന്നും ന്യൂസ് ഡെയ്കില് ചെരിഞ്ഞു കിടന്ന് പത്തറുനൂറു കോടി ജനം ചത്തൊടുങ്ങിയ വാര്ത്ത നിര്വൃതിയോടെ അവതരിപ്പിക്കും.
ഇത്രയൊക്കെ പറഞ്ഞതെന്തിനാണെന്നു ചോദിച്ചാല് [...]
Read more →
അപ്പുക്കുട്ടന് നായര് ഒരേയൊരു പുസ്തകമേ എഴുതിയിട്ടുള്ളൂ. അതിന്റെ പേരാണ് കാമസൂത്രം. അപ്പോള് സംഗതി എഴുതിയെന്നു ചരിത്രം പറയുന്ന വാല്സ്യായനനോ ? വാല്സ്യായനനോ ? അങ്ങനെയൊരു എഴുത്തുകാരനുണ്ടോ ? അദ്ദഹം എംടിയെപ്പോലെ ബെര്ളിയെപ്പോലെ ഒക്കെ പേരെടുത്ത ഒരു സാഹിത്യകാരനാണോ എന്നും ആളുകള് ചോദിച്ചെന്നിരിക്കും. കാരണം, കാമകലയുടെ ഡിഷ്ക്ണറിക്ക് ഇന്ന് അത്രയേറെ വേര്ഷനുകളുണ്ട്. അത്രത്തോളം രചയിതാക്കളും. ശരിക്കും ഇതെഴുതിയ വാല്സ്യായനന് ഇന്നു ജീവിച്ചിരുന്നെങ്കില് തന്തയ്ക്കു വിളിച്ചു മടുത്തേനെ. അദ്ദേഹത്തിന്റെ വിശ്വഗ്രന്ഥം അദ്ദേഹത്തിന്റേതല്ലാതായി പ്രചരിപ്പിക്കുന്നവര് അത്രയേറെയാണ്.
ഇതിപ്പോള് പറയാന് കാരണമെന്താണെന്നു വച്ചാല് [...]
Read more →
ഇതിനപ്പുറം മദ്രാസിന്റെ ‘കൂതറ’ സംഗീതകാരന്റെ വിമര്ശകര്ക്ക് കാലം മറുപടി നല്കാനില്ല. എ.ആര്.റഹ്മാന് എന്ന സാധാരണക്കാരന്റെ സംഗീതചക്രവര്ത്തിയെ ലോകം ശിരസ്സിലേറ്റുമ്പോള് പാരമ്പര്യസംഗീതത്തിന്റെ കാത്തുസൂക്ഷിപ്പുകാര്ക്ക് ഉത്തരമില്ലാതായേക്കാം. തട്ടുപൊളിപ്പന് സംഗീതമെന്നു മുദ്രചാര്ത്തി വില കുറഞ്ഞതെന്തോ ആയി അപഹസിച്ചത് കാലഘട്ടത്തിന്റെ, തലമുറയുടെ സംഗീതമായിരുന്നു എന്നു തിരിച്ചറിയുമ്പോള് റഹ്മാന്റെ ഗാനങ്ങള് നിലനില്ക്കില്ല എന്നാണയിട്ടു പറഞ്ഞവര് വിസ്മരിക്കപ്പെട്ടിട്ടും റഹ്മാനിയ പടരുകയാണ്, ലോകത്തിന്റെയും കാലത്തിന്റെയും അതിരുകള്ക്കപ്പുറത്തേക്ക്.
സംഗീത ലോകത്തെ ഏറ്റവും വലിയ പുരസ്ക്കാരമായി കരുതപ്പെടുന്ന ഗ്രാമി അവാര്ഡുകളില് രണ്ടെണ്ണം നേടിയ റഹ്മാന്റെ ‘ജയ്ഹോ’ ഇതോടെ [...]
Read more →
ഇവന്മാര് ഭയങ്കരന്മാരാണ്. എന്നു വച്ചാല് വീസ തട്ടിപ്പും കൊള്ളയും കൊലപാതകങ്ങളും നടത്തിയിട്ടുള്ള ഭീകരന്മാര്. ഒന്നും രണ്ടുമല്ല, പതിനെട്ടു പേരാണ് ഇന്ത്യയ്ക്കകത്തും പുറത്തുമുള്ള ജയിലഴികളില് വര്ഷങ്ങളോളം ഈ അവസരത്തിനായി കാത്തിരുന്നത്. ഒടുവില് എല്ലാവരും കണ്ടുമുട്ടി പ്രവര്ത്തനം ഒന്നിച്ചാക്കാന് തീരുമാനിച്ചതോടെ കാര്യങ്ങള് കൂടുതല് ഗൌരവമുള്ളതായിരിക്കുന്നു. ഞെട്ടിക്കുന്ന ഒരു സത്യം, ഇവരെല്ലാവരും ഇപ്പോള് ജയിലിനു പുറത്താണ് എന്നതാണ്. പൂജപ്പുര സെന്ട്രല് ജയിലില് വച്ച് ഇവര് തങ്ങളുടെ സംഘടനയ്ക്ക് രൂപം നല്കി. രാജ്യത്തുടനീളം പുതിയ പദ്ധതിയുമായി പര്യടനം തുടങ്ങിയിരിക്കുകയാണ് ഈ സംഘം. [...]
Read more →
കോളജിന്റെയോ ഹോസ്റ്റലിന്റെയോ മുകളില് നിന്നു ചാടി മരിച്ചാല് മാത്രമേ വിദ്യാഭ്യാസക്കച്ചവടത്തിന്റെ രക്തസാക്ഷിയാകാന് പറ്റത്തൊള്ളോ എന്നു സംശയമുള്ളവര്ക്കായി വിദ്യാഭ്യാസരംഗത്തിന്റെ തന്നെ രണ്ടു രക്തസാക്ഷികളെ അവതരിപ്പിക്കുന്നു. രണ്ടു പേരും തികഞ്ഞ കന്യകമാരാണ്, മലയാളികളല്ല. അറിവ് അഗ്നിയാണ്, അറിവിനു വേണ്ടിയുള്ള ദാഹമാണ് ബുദ്ധിമാന്റെ ലക്ഷണം എന്നൊക്കെ പലരും പറഞ്ഞു കേട്ടിട്ടുണ്ട്. അങ്ങനെയാണെങ്കില് ഈ നായികമാരോളം ബുദ്ധിയുള്ള വേറൊരു പെണ്ണു കാണത്തില്ല. കാണം വിറ്റും ഓണം ഉണ്ണണം എന്നൊക്കെ പറയുന്നതുപോലെ ഈ കൊച്ചുങ്ങള് വിദ്യാഭ്യാസം നേടുന്നതിനു വേണ്ടി വില്ക്കാന് പോകുന്നത് കാണവും കോണകവുമൊന്നുമല്ല- [...]
Read more →
ഇത് ഒരു കഥയല്ല. ചരിത്രവുമല്ല. ലോകത്തിനു മേല് പാലായ്ക്കുള്ള മേല്ക്കോയ്മയുടെ, പാലാക്കാര് ലോകത്തിലെ ഏറ്റവും കരുത്തന്മാരും മിടുക്കന്മാരും പ്രഗല്ഭന്മാരുമായി തുടരുന്നതിന്റെ, അജയ്യമായ ഒരു പാരമ്പര്യത്തിന്റെ കഥയാണ്. പാലാ മുനിസിപ്പല് ലൈബ്രറിയില് നിന്നും ഹൂസ്റ്റണിലെ സ്കൂള് ഓഫ് ഇമ്മാക്കുലേക്ക് തൊമ്മിയില് നിന്നും ലഭിച്ചിട്ടുള്ള രേഖകളുടെയും കയ്യെഴുത്തുപ്രതികളുടെയും ഇതിനു പുറമേ അനേകം അനേകം തെളിവുകളുടെയും അടിസ്ഥാനത്തിലാണ് ചരിത്രവും സത്യവും കൂടിക്കലര്ന്ന കുറെയേറെ മിത്തുകളുടെ അന്തസത്ത ഇവിടെ അനാവരണം ചെയ്യുന്നത്.
അമേരിക്കയില് പോര്ണോ ഫിലിം ഇന്ഡസ്ട്രിയുടെ ഇപ്പോഴത്തെ തലവനായ ഫ്രാങ്കോ തൊമ്മിക്കുഞ്ഞ് എന്ന [...]
Read more →
വെളുപ്പിനു മൂന്നരയായപ്പോള് മാത്തുക്കുട്ടി പതിവുപോലെ ടാപ്പിങ് കത്തിയും ഹെഡ്ലൈറ്റുമായി തോട്ടത്തിലേക്കു പോയി. കിടക്കയില് തിരിഞ്ഞു കിടക്കുമ്പോള് ലില്ലിക്കുട്ടി വാതിലില് മുട്ടുകേട്ടു. എത്ര പണം കയ്യിലുണ്ടായാലും ഒന്നും അത്ര പെട്ടെന്നു മാറില്ല. ക്രൂശിതരൂപത്തിനു പിന്നലിരിക്കുന്ന ലോട്ടറി ടിക്കറ്റ് തന്റെ വിധി മാറ്റിയെഴുതിയ വിവരം അത്രപെട്ടെന്നു് ആരും വിശ്വസിക്കില്ല. ഇന്നു താന് ലക്ഷപ്രഭുവാണ്. എന്നിട്ടും കെട്ടിയവന് വീട്ടില് നിന്നിറങ്ങുന്ന നേരം നോക്കി എത്തുന്ന മുതലാളിയുടെ മുട്ടു കേള്ക്കുമ്പോള് അറിയാതെ ഉള്ളില് ആരോ വാതില് തുറന്നു കൊടുക്കുന്നു. റോസമ്മ
കൊച്ചമ്മയ്ക്ക് പ്രാര്ത്ഥനയിലും പ്രേഷിതപ്രവര്ത്തനത്തിലുമാണ് [...]
Read more →
